Mateo 3:2 - Deoso-ka Yama Hani

² “Dai ene amosawamahi. Neme‑ke ai nafi‑ka hidi kitabote tohawahebonane.” Yowaho Batita ati ne, ati damemarine.

Mateo 3:2 ပူးပေါင်းရင်းမြစ်များ

Mateo 10:7

Dai tokiya, eya dai ati nahi. ‘Neme‑ke ai nafi‑ka hidi kitabote tohawahebona dai‑ya sawine.’ Dai ati nahi.

Mateo 11:20

Yeso ene kitabote‑ya mai awamaro, Yeso ati‑ya mai nofara, mai‑ya Yeso weenemarine, mai ihi amosawami watoraro.

Mateo 12:41

“Ai nafi ene‑ya Deoso kadikeya, Ninifa‑ya mai wi‑wina‑mete dai‑ya mai weenaboneni, owati‑ya dai nofararo. Ninifa‑ya mai wi‑wina i‑di Yona ati‑ya mai mita, mai ihi‑maro‑nima mai ihi namarameteni. Yona kiti bi‑bidi nemata, dai‑ya da‑daba kiti nafibisane. Owa ene dai nofara dai ene towe manakone nafeboneni.

Mateo 13:11

“Neme‑ke ai nafi‑ka hidi kitabote tohawahebona tamine dai watobisaboneni. Mai hiwatorebonane.

Mateo 13:24

“Hiyara one dai mitahi. Neme‑ke ai nafi‑ka hidi kitabote tohawahebona, haa‑nima tebonane. Ai owa yamata noki amosa‑ya werenane.

Mateo 13:31

Yeso mai‑ya kanawatobona mai‑ya hiyare, “Neme‑ke ai nafi‑ka hidi kitabote tohawahebona haa‑nima tene. Mositada noki‑ya maki hika fadara‑ya korotoni‑nima tene.

Mateo 13:33

Mai‑ya kanawatomakibona, mai‑ya hiyaramatase, “Femeto‑ya fana kemabone, farina tiriko 7 kiro toha bodi‑ya femeto bide‑ya fana ibe, femeto dodama ihi farina tiriko nafi‑ya femeto sawineni. Neme‑ke ai nafi‑ka hidi kitabote tohawahebona haa‑nima nebonane.” Yeso ati nemarine.

Mateo 13:47

Neme‑ke ai nafi‑ka hidi kitabote tohawahebona tamine dai mitamakihi. “Mayadera‑ya mai yadina, aba mai dama mai wasineni.

Mateo 13:52

“Mose‑ka yama hani ati‑ya mai ka‑kamina Neme‑ke ai nafi‑ka hidi kitabote tohawahebona tamine‑ya mai watomakiniya, yama nafi‑ya mai wataboneni. Mai one‑ya mai kanawataboneni. Yama hani‑ya kanahanomata tamine toha, hibayata ati tamine toha ne‑ya mai‑ya mai kanawataboneni.” Yeso ati nemarine.

Mateo 18:23

Neme‑ke ai nafi‑ka hidi kitabote tohawahebona tamine dai mitahi. Mai‑ka hidi webote mai‑ya haane, mai‑ka yama manakone‑ya mai daa kanibote nabonehe.

Mateo 20:1

Yeso oda‑ya kanawatobona, oda‑ya hiyare, “Neme‑ke ai nafi‑ka hidi kitabote tohawahebona haa‑nima nebonane. Ai owa‑ka ofa dama toha,

Mateo 22:2

“Neme‑ke ai nafi‑ka hidi kitabote tohawahebona tamine dai watohi. Ai one mai‑ka hidi webote bidi fanebona, mai dami‑ya haanane, mai tafabonehe.

Mateo 23:13

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Neme‑ke ai nafi‑ka hidi kitabote tohawahebona‑ya dai sawirabone, mai one sawebone mai ati na mai‑ya dai ati barinineni.

Mateo 25:1

“Neme‑ke ai nafi‑ka hidi kitabote tohawahebona tamine ohiyaramatasaboneni. Atona mai 10 kana nabarina‑ya mai akineni, mai‑ka naki fanabone maki‑ya mai nimanabonehe.

Mateo 25:14

Yeso oda‑ya kanawatobona, oda‑ya hiyare, “Neme‑ke ai nafi‑ka hidi kitabote tohawahebona tamine dai mitamatasahi. Ai owa ati ene hika yo‑yose mai yorotokana, mai‑ya hiyare, ‘Okabone, oka yama dai nawadahi.’ Maki ati nane.

Mateo 4:17

Yeso ai‑ya hiyare, “Dai ene towe‑ya dai nofamariyahi. Neme‑ke ai nafi‑ka hidi kitabote tohawahebonane.” Yeso ati ne, ati yanani damemarine.

Mateo 4:23

Karireya‑kaya tabora dami‑ya Yeso tokawahe, Deoso‑ya mai hi‑hiyara‑ke yobe dami‑ya mai‑ya kanawatomatane. Ai nafi‑ka hidi kitabote tohawahebona tamine‑ya hiyarematane. Mai kiyana mai‑ya nakitamematane.

Mateo 5:10

Deoso ati‑ya dai nofa, Deoso‑ya mai nofara dai‑ya mai bisiniya, Deoso dai‑ya kasomebona, Neme‑ke ai nafi‑ka hidi kitabote tohawahe‑ya dai sawiwahaboneni.

Mateo 5:3

“‘Towe ama·oni.’ Dai ati niya, Deoso dai‑ya kasomebona, Neme‑ke ai nafi‑ka hidi kitabote tohawahe‑ya dai sawiwahaboneni.

Mateo 6:10

Tiwati ihi oda nafi‑ka hidi kitabote tihawahaboneni. Neme‑ya tiwati‑ya mai tokadabi‑nima bofe‑ya oda wi‑wina tiwati oda tokadabaharihi.

Mateo 6:33

Neme‑ke ai nafi‑ka hidi kitabote tohawahebona dai nokotoniya, Deoso ati dai tokadabiya, dai‑ka yama‑bone‑ya Deoso daanebonane.

Maroko 1:15

Yeso mai‑ya hiyare, “Deoso ai nafi‑ka hidi kitabote tohawahebonane. Dai ene towe‑ya dai nofamariyahi. Deoso ati amosabote ati dai nofahi.” Yeso ati ne, ati damemarine.

Maroko 1:4

Isa·iya ati‑mata‑nima Yowaho Batita koboni dai tohe, kabani‑kaya mai‑ya hiyare, “Dai atibodi yama‑ya kadikiya, eya dai atibodi ati nahi. ‘Deoso, oda ene amosaramaro, oda tikasomahi, oda ene amosawamabonehe.’ Dai ati nahi. Eya dai atibodi ati niya, Deoso dai ene manakone‑ya haanamarebona, dai‑ya haba·onirisaboneni.” Yowaho Batita ati ne, ati damemarine.

Maroko 6:12

Mai 12 kana mai tokamaroni, mai dami‑ya mai hiyarabonehe. “Dai ene towe‑ya dai nofamariyahi.” Mai ati namaroni.

Roka 1:16

Ati ene Isara·eo‑ka nodi Deoso ati‑ya mai nofamatasaboneni.

Roka 11:20

Deoso ati ene madi towe mai kana·onihe, Deoso ai nafi‑ka hidi kitabote tohawahebona dai‑ya sawine.

Roka 13:3

Owati dai mitahi. ‘Oda ene‑maro‑nima oda ene namaraboneni.’ Dai atibodi ati ni awiriya, dai abahareboneni.” Yeso ati nematane.

Roka 13:5

Owati dai mitahi. ‘Oda ene‑maro‑nima oda ene namaraboneni.’ Dai atibodi ati ni awiriya, dai abahareboneni.” Yeso ati nematane.

Roka 15:10

Owati dai mitahi. Deoso ati‑ya ai owa nofaremari, Deoso ati‑ya nofawaheya, Deoso‑ka yo‑yose mai sawi‑kaya mai ya‑yaiteni.” Yeso ati nematane.

Roka 15:7

Fara‑nima Deoso ati‑ya mai nofaramaro, Deoso ati‑ya mai nofawamiya, neme‑ya mai wi‑wina mai ya‑yaini nafiteni. 99 mai kana Deoso ati‑ya mai nofa, mai ihi‑maro‑nima mai ihi nasa na, neme‑ya mai wi‑wina mai ya‑yaini bi‑bidi nineni.” Yeso ati nematane.

Roka 16:30

‘Idi, yama hani ati‑ya oka soho mai tokadabarani. Ai owa abemari, kitameya, mai‑ya hiyareya, Deoso ati‑ya mai nofawahaboneni.’ Ati nane.

Roka 21:31

Fara owati‑nima yama niya, Deoso ai nafi‑ka hidi kitabote tohawahebona koboni yanatonane.

Roka 24:47

Mai ihi towe‑maro‑ya mai nofamariya, mai ihi manakone wadamaraboneni. Fare Deoso‑ka Ka‑kadika ene amane. Fare tamine‑ya mai kaminaboneni, Yerosare‑ya. Makobote mai tabori dami‑ya tamine mai hikaminamakibonane.’ Yama hani ati nineni.

Roka 6:20

Yeso hika mai da‑daba mai‑ya kiine, mai‑ya hiyare, “Yama dama dai nokotonira Deoso dai‑ya kasomebona, Deoso ai nafi‑ka hidi kitabote tohawahe‑ya dai sawiwahaboneni.

Roka 9:2

Deoso ai nafi‑ka hidi kitabote tohawahebona tamine‑ya mai hiyarabone, mai kiyana mai‑ya mai nakitamabone, mai‑ya yosematane.

Yeso‑ka yo‑yose mai tamine 11:18

Bedoro ati‑ya mai mita, fai‑ya mai weenami awirani. “Deoso amosabote amane, ai‑nima mai nawaha, Deoso‑ya mai tamine‑ya Bara mai kamina, mai‑ya Deoso ati somawamebonane. Mai abateraboneni.” Mai ati namoneni.

Yeso‑ka yo‑yose mai tamine 17:30

Hibati‑ya Deoso yokana ai watore, ai‑ya weeni awire, hibayata ai watowahe, ‘Hibati‑ya dai ene towe tohamaro, dai‑ya dai kaminahi.’ Deoso ati nane.

Yeso‑ka yo‑yose mai tamine 2:38

“Deoso‑ya dai‑ya dai kamina, Yeso Kirisito ati dai nofa, dai oda habanirisiya, Deoso dai‑ya ati somawameya, Deoso‑ka Doni dai‑ya sawiwahebonane.

Yeso‑ka yo‑yose mai tamine 20:21

Yodeo dai one toha, Kereko dai one toha na, dai nafi ohiyara, ‘Ai‑ka Ayo Yeso ati dai nofabone, Deoso‑ya dai‑ya dai kaminahi.’ Oteni.

Yeso‑ka yo‑yose mai tamine 26:20

Damaso‑ya Deoso tamine ohiyara, Yerosare‑ya, Yodeya‑ya Deoso tamine ohiyara, Bara mai‑ya Deoso tamine ohiyaramaki, oneni, Yeso ati‑ya mai nofabonehe. ‘Deoso‑ya dai‑ya dai kamina, dai ati‑nima dai ene nawawahi.’ Onani.

Yeso‑ka yo‑yose mai tamine 3:19

Deoso‑ya dai‑ya dai kaminawaha, Deoso dai‑ya ati somawame, dai ene‑ya kadikamaterebonane.

Korito yoto‑ke 7:10

Ai ene amosara, Deoso ene ai atibodi komawaha, ai yawa, ai tamine Deoso‑ya ai kamina, Deoso ai‑ya ati somawameya, ai ya‑yaiteni. Hiniya mai ati yawa, mai tamine‑ya mai kaminara, mai ababoneni.

Koroso 1:13

Satanasi tabaro‑ya yama soki nafiteni. Hibati‑ya Satanasi ai‑ka hidi tohemari, Deoso ene ai‑ka hidi tohamare, Deoso Bidi amosabote ai‑ka Hidi tohawahene.

Timoti yoto‑ke 2:25

Tiwa‑ya mai nofara, mai‑ya tinofa, Deoso ati yokana mai‑ya tikanawatonadihi. Deoso ati ene Yeso ati‑ya mai nofawahaba awineni. Mai ihi amosaramaro‑ya Deoso‑ya mai‑ya mai kaminawahaba awineni. Mai ihi amosaramaro‑ya mai nofami awiraboneni.

Ebereo 6:1

Yeso ai manakone‑ya nanahabematane, ai abarabonehe. Tamine dai wato, ai ene amosaramaro, ai ene‑maro‑nima ai ene namarabone tamine dai wato neni. Hibayata ai webote‑nima dai na, Deoso ati nafi dai kadikeya, ati dai tokadabaho.

Bedoro yoto‑ke 3:9

Deoso hini ati‑nima nebona dai atibodi kadamowamariyahi. Mai ihi amosara mai ababone ati nemata, ati‑nima nebonane. Mai ihi amosara, mai‑ya nanahaba kanibote ni awire, mai ihi amosawamaba awineni. Mai abiya, Deoso nofare mai ihi‑ya mai kaminabone‑ya nofabisane.

Yeso Kirisito ene‑bona 2:21

Yesabeo ati‑maro‑nima ati na, fara‑ya nima·onani, ati amosawamabonehe. Yama amosawami‑ya nofarani.

Yeso Kirisito ene‑bona 2:5

Hibati‑ya Deoso dai nofi bahe‑nima dai nofamatasaho. Hibati‑ya Deoso dai nofi bahe‑nima dai nofamatasi awireya, dai‑ka nabarina awe soba kanibote onaboneni.