16 Yowaho habahinirise, tokomorosame, Deoso‑ka Doni neme‑ya kise, Yeso‑ya sawiwahe, wayomata awi‑nima awi ne‑ya Yowaho awematane.
Faha‑ya Yeso habanise, waamisame, neme seekana, Deoso‑ka Doni kisemarine, Yeso‑ya. Wayomata awi‑nima Deoso‑ka Doni awinemarine.
“Owati amosabote dai mitahi. Dai‑ka Ayo neme‑ke ama·oni. Neme seekaniya, Deoso‑ka yo‑yose owa‑ya mai kisiya, mai tokomatasa, mai dai awaboneni.” Yeso ati nemarine.
Deoso hiyose, Deoso ati‑ya kaminatene. Deoso ati ene Bidi‑ya hika Doni sawi oharine.
I‑di Yowaho Yeso‑ya habanirisemari‑ya awa, neme‑ya Yeso tokome‑ya awahari ai haanaho, Yeso kitami tamine‑ya hiyarebonaha.” Bedoro ati ne.
“Dai awahi. Neme hawi tohawaha, Deoso‑ka kanika‑ya okoyo i‑di Yeso waari‑ya oawawahineni.” Tefaho ati nemonane.
Hibati‑ya Yeso‑ya Yowaho habanirise, Yeso tamine‑ya Deoso ati yanane. Yeso abebona‑ya ati yananamatase, “Yeso, Oka Dao amane.” Ati nemarine. Deoso‑ka Doni Yeso tamine‑ya kaminaharitene. Deoso‑ka Doni keyehe‑ya hiriterene. Faha‑ya Yeso habanise‑ya ati toha, emene tokafodobona‑ya ati toha nemarine.