Mateo 3:11 - Deoso-ka Yama Hani

¹¹ Deoso‑ka Ka‑kadika ama·orani. Faha‑ya dai‑ya haba·onirisineni, dai ene amosawamabonehe. Kamaki‑bona kitabotebisa amane. Owa‑ta towebisa ama·oni. Amosabotebisa amane. Ati ene Deoso‑ka Doni dai one‑ya sawiwahebonane. Ai nafi‑ya kadikeya, ai one‑ya sarikanebonane.

Mateo 3:11 ပူးပေါင်းရင်းမြစ်များ

Mateo 3:6

“Owa ene towe amani.” Mai ati na, Yodaho Faha‑ya i‑di Yowaho Batita mai‑ya habanirisemarine.

Maroko 1:4

Isa·iya ati‑mata‑nima Yowaho Batita koboni dai tohe, kabani‑kaya mai‑ya hiyare, “Dai atibodi yama‑ya kadikiya, eya dai atibodi ati nahi. ‘Deoso, oda ene amosaramaro, oda tikasomahi, oda ene amosawamabonehe.’ Dai ati nahi. Eya dai atibodi ati niya, Deoso dai ene manakone‑ya haanamarebona, dai‑ya haba·onirisaboneni.” Yowaho Batita ati ne, ati damemarine.

Roka 1:17

I‑di Eriya ene‑mata‑nima i‑di Yowaho ene namakitasebonane. Mai atibodi‑ya hawa tonihibonane, Deoso‑ya mai nimanabonehe. Yowaho ati ene mai‑ka madehe‑ya mai nofaboneni. Hibati‑ya Deoso ati‑ya mai tokadabaramaro, tika dao ene Deoso ati‑ya mai nofawahaboneni.” Deoso‑ka yo‑yose ati nematane.

Roka 3:16

“Deoso‑ka Ka‑kadika ohi awirini. Faha‑ya dai‑ya haba·onirisabisateni. Kamaki‑bona kitabotebisa amane. Owa‑ta towebisa ama·oni. Amosabote amane. Ati ene Deoso‑ka Doni dai one‑ya sawiwahebonane. Ai nafi‑ya kadikeya, dai one‑ya sarikanebonane.

Roka 3:3

Deoso ati ene Yodaho Faha‑ya Yowaho tokawahe, mai dama mai‑ya hiyare, “Dai atibodi yama‑ya kadikiya, eya dai atibodi ati nahi. ‘Deoso, oda ene amosaramaro, oda tikasomahi, oda ene amosawamabonehe.’ Dai ati nahi. Eya dai atibodi ati niya, Deoso dai ene manakone‑ya haanamarebona, dai‑ya haba·onirisaboneni.” Yowaho Batita ati ne, ati damematane.

Yowaho 1:15

Yeso tamine‑ya Yowaho Batita kamine, “‘Ai owa kitabise kamakibona, owa‑ba awisariya, hibati‑ya tohematamonane.’ Ona, fare dai awaho.” Yowaho Batita ati nemarine.

Yowaho 1:30

‘Ai owa kitabise kamakibona, owa‑ba awisariya, hibati‑ya tohematamonane.’ Ona, fare dai awaho, kamakine.

Yeso‑ka yo‑yose mai tamine 1:5

Faha‑ya Yowaho mai‑ya habanirisemari, hibayata dai amoni fa‑famaraba ne‑ya Deoso‑ka Doni dai atibodi‑ya sawiwahebonane.” Yeso ati nemonane.

Yeso‑ka yo‑yose mai tamine 19:4

Yowaho tamine Baoro mai‑ya hiyare, “‘Deoso‑ya dai‑ya dai kaminahi. Owa nowati‑ya ai owa kamakibona, ati dai nofaho.’ Yowaho ati ne. Fare Yeso tamine amane.” Baoro ati nane.

Yeso‑ka yo‑yose mai tamine 8:36

Kafaro mai‑ya horokane, mai ibi hi‑hiyara tosina, wara widi‑ya mai kobokana, “A‑ahi‑ya faha ita‑ya owa habatinirisakaribana?” Yinero‑ya na‑nawada ati ne.

Yeso‑ka yo‑yose mai tamine 8:38

Ati ene kafaro maatowiti, mai towakifawaha, Firibi habahinirisemonane.

Korito daidi 12:13

Hibati‑ya Yodeo ai one toha, Kereko ai one toha, ai‑ya mai ka‑kanika ai one toha, ai‑ya mai kanikara ai one toha namaroni. Makobote Deoso‑ka Doni ene Yeso kobobone ai tohawaha, fara hinama ai‑ya Deoso‑ka Doni sawiwahane.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Tito 3:5

Ai ene tohara. Deoso ai‑ya nofi nafi, ai‑ya kasome, ai ene amosaramaro, ai atibodi‑ya Deoso awe, ai bisa toha‑nima ai atibodi na, Deoso ene ai atibodi yati tohawaha, ai bisa toha, ai‑ya ai sokona‑nima ai atibodi yati tohawaha nineni. Deoso ene‑nima ai ene nawahabone, Deoso‑ka Doni ai‑ya sawi, yama amosa ai watoni.

Bedoro daidi 5:5

Yetene dai toha, owati dai mitahi. Bote mai toha mai ati dai nofa, “Owa‑ta amosabote ama·oni.” Dai ati riyahi. Hiniya dai ibi kasomahi. “Hini mai‑ya mai kahiyara, mai‑ya Deoso kakotene. Hini mai‑ya mai kahiyarara, mai‑ya Deoso kasomatene.” Deoso‑ka yama hani ati teni.