Mateo 27:2 - Deoso-ka Yama Hani

² Yeso mano‑ya mai sokikasa, Birato‑ya mai hiwakame, mai daahinematane. Birato kofenado amane.

Mateo 27:2 ပူးပေါင်းရင်းမြစ်များ

Mateo 20:19

kofeno mai‑ya owa‑ya mai daanabone, owa‑ya mai hahakana, owa‑ya mai bisi, awa‑ya owa‑ya mai baakana naboneni. Mahi 3 kani‑ya dai‑ka Ayo neme‑ke kitamebonane.” Yeso ati nemarine.

Mateo 28:14

Dai tamine Birato miteya, oda ati ene dai‑ya bisini awirebonane.” Mai ati nameteni.

Roka 13:1

Yeso hiyari hawa toheya, Karireya‑ya mai wi‑wina mai one tamine‑ya mai kamina, fara Deoso‑ka yobe‑ya Deoso‑ka bani‑bona‑ya mai daaniya, Birato ati ene mai‑ya mai nanahaba, mai tamine‑ya mai kaminameteni, Yeso‑ya. Yeso ati yanane,

Roka 20:20

Yeso‑ya mai kakatoma, “Ai‑ka yo‑yose Yeso‑ya mai hiyariya, ai‑ka yo‑yose mai‑ya Yeso watoreya, mai ati ihi Yeso ati tosawariba awane. Ati towe ai miteya, kofeno‑ya ai daanebonane.” Mai atibodi ati nameteni. Mai‑ka mai‑ya mai yosemeteni, Yeso‑ya mai hiyarabonehe. Owa kobone, ati yanane,

Roka 23:1

Birato‑ya Yeso‑ya mai towakamameteni, mai nafi.

Roka 23:12

Hibati‑ya i‑di Birato i‑di Erodi mai ibi ka‑kako, hibayata mai ibi nofawahameteni.

Roka 3:1

I‑di Yowaho mai dama mai‑ya hiyare, hika ano tamine okaminaboneni. Ai nafi‑ka hidi webote i‑di Tibiro Sesa tohemata, fare hidi tohe‑ka hika faha fowe 15 tohi‑ya Yowaho‑ya Deoso hiyarematane. Abireni‑ka mai‑ka hidi i‑di Risaniya toha, Yodeya‑ka mai‑ka hidi i‑di Bonisiyo Birato toha, Karireya‑ka mai‑ka hidi i‑di Erodi toha, Itoreya, tirakonitisi na‑ke hidi i‑di Erodi sohori i‑di Firibi toha, mai namaroni.

Yowaho 18:12

Sodado mai toha, mai‑ka hidi mai toha, oda‑ka hidi mai‑ka sekorasa mai toha, mai na, Yeso‑ya mai waratona, Yeso mano‑ya mai sokikasamaroni.

Yowaho 18:24

Yeso yehe sokikasanasa neya, Anasi ati ene Kaifo‑kaya mai hiwakamemarine. Deoso‑ka yama‑bone‑ya mai da‑daa mai‑ka hidi webote i‑di Kaifo tohemarine.

Yowaho 18:28

Homano mai‑ka hidi tabaro‑ya Yeso‑ya mai towakama, yama wahabisari‑ya mai kobonamaroni. Ka‑kariwa‑ka mai‑ka marina‑ka semana hawa tohara, mai marinamatasabone, “Yara mai‑ka yobe‑ya ai tokiyomariyahi. Ai tokiyomiya, ai towe tohariyahi.” Mai atibodi ati na, Homano mai‑ka yobe‑ya oda‑ka hidi mai tokiyomaramaroni. Yeso‑ya sekorasa mai towakiyomabisamaroni.

Yeso‑ka yo‑yose mai tamine 12:6

“Yodeo mai‑ya Bedoro daa·onaminaboneni.” Erodi atibodi ati ne. Koheti fama‑ya mai yadihine, yama soki‑ya sodado mai fama mai bai‑ya Bedoro amone, nokobi kowani‑kaya sodado mai one yoronineni.

Yeso‑ka yo‑yose mai tamine 21:33

Sodado mai‑ka hidi Baoro‑ya damane, sodado mai‑ya haane, “Koheti fame‑ya dai sokinaho.” Ati nane. Mai yorotokana mai‑ya haane, “Oni emenati? Hini yamata ihi dai waratonati?” Ati nemarine.

Yeso‑ka yo‑yose mai tamine 22:25

Baoro‑ya mai sokina, mai yadihine, mai kosihinebona, sodado mai‑ka hidi owa‑ya Baoro hiyare, “Homano ama·oni. Owa tamine mai kadiki awisariya, owa kositiniya, tiwa‑ya homano mai ati yawaboneni.” Baoro ati nemarine.

Yeso‑ka yo‑yose mai tamine 22:29

Baoro‑ya mai bisinabone mai habi siitona, mai tokoma kanibote na, homano sokikane ene mai‑ka hidi habo siitonahari ne, “Owa‑ya mai bisinaba awineni.” Hidi atibodi ati nemonane.

Yeso‑ka yo‑yose mai tamine 24:27

Wana mai ati famamakiya, i‑di Bosiyo Fesito kofenado tohawahe, Feri kofenado tohami awire, hiniya tokomane. Yodeo mai‑ya ya‑yainihibona, Baoro seekani awire, yaditone waasa nane.

Yeso‑ka yo‑yose mai tamine 28:20

Fara dai haa·ona, dai oawaboneni, owati dai mitabonehe. Isara·eo‑ka nodi ai nimane, tamine ohiyare ene koheti‑ya owa‑ya mai yaditoneni.” Baoro ati ne.

Yeso‑ka yo‑yose mai tamine 3:13

Deoso‑ya Yeso na‑narifa, yara mai‑ya dai kahabanemarine, mai baahikanebonaha. I‑di Birato seehikanebona, dai ati barihine mai hinahabemari, ai‑ka idi i‑di Abaraho, i‑di Isaki, i‑di Yako mai na, mai‑ka Deoso hinakitamemarine.

Yeso‑ka yo‑yose mai tamine 4:27

Abi Deoso, Dafi ati‑nima ahi‑ya sidadi‑ya ai wi‑wina i‑di Erodi, i‑di Bonisiyo Birato, Bara mai toha, Yodeo mai toha na, Tiwa‑ya na‑narifa i‑di Yeso tikadikemata‑ya mai kaka, mai yorotokana,

Yeso‑ka yo‑yose mai tamine 9:2

“Damaso‑ya Deoso‑ya mai hi‑hiyara‑ke yobe hidi mai‑ka yama hani‑ba owa‑ya daatinahi. ‘Yeso hawine‑ya mai ya‑yaka mai dai daanahi i‑di Saoro‑ya.’ Tika yama hani ati nahi. Damaso‑ya owakamiya, mai hikadikiya, Yeso hawine‑ya mai ya‑yaka mai makidi mai fanawi toha na, mai wara·oniya, mai soki·oniya, Yerosare‑kaya mai owakamabani.” Saoro ati nemonane.

Timoti daidi 6:13

Deoso ai‑ya wamanemata owati‑ya mitane. Yeso Kirisito i‑di Bonisiyo Birato‑ya hiyare, habo siitoremari, Yeso Kirisito owati‑ya mitane. Owati timitaharihi. Deoso ati tikadaba, tiwa‑ya mai ati bisina, tiwa habo siitoriyahi.

Timoti yoto‑ke 2:9

Deoso Ati Amosabote ohiyare, owa‑ya mai bisina, kadeya‑ya owa‑ya mai nafoyawahani. Koheti‑ya owa‑ya mai yaditona, Deoso ati‑ya mai yaditoterani.

Ebereo 13:3

Deoso ati‑ya mai no‑nofa kadeya‑ya mai mai hinafoya, mai dai kasoma, mai dai yobikana, mai mai bisihina, mai dai kasoma, Yeso abano kobobone mai toha, dai toha na, mai dai kasomahi.