Mateo 22:5 - Deoso-ka Yama Hani

⁵ Mai mai haahina yama tokomaki‑ya mai nofara, fadara‑ya mai one toka, yama‑ya da‑daa‑kaya mai one toka na, hidi webote bidi marine‑ya mai ati toki nofarani.

Mateo 22:5 ပူးပေါင်းရင်းမြစ်များ

Ebereo 2:3

Deoso Bidi Badi ati‑ya kamine, ati ai tokadabare, ai manakone amosara ba‑basi nibisaboneni. Deoso Ati Amosabote‑ya Bidi mai‑ya kamine, Yeso ati‑ya mai mita, ati mai hikaminamaki, ati oda mitane.

Timoti yoto‑ke 3:4

Bara mai‑ya mai‑ka owa‑ya mai daanaboneni. Hini mai‑ya mai nofabone mai one‑ya mai nofara, yama mai ati kobohina‑ya mai kayafateni. Deoso‑ya mai ati nofarini.

Homa 8:6

Mahi‑nima mai atibodi bote ati‑ya mai tokadaba, mai ababoneni. Deoso‑ka Doni ati‑ya mai nokotonihe, mai hasinabone, mai atibodi ati mai‑ya somateni.

Homa 2:4

Deoso‑ya dai nayawariyahi. Dai‑ya nofi nafi, dai ene‑ya kakatome, dai ene‑ya kadika kanibote re, dai ene‑maro‑nima dai ene namarabone, dai ene‑maro dai nofamarabone‑ya Deoso nimanane.

Yeso‑ka yo‑yose mai tamine 24:25

“Yeso ati ai nofiya, ai ene amosa, Yeso ati‑nima ai naboneni. Makobote ai ene‑ya Deoso kadikebonane.” Baoro ati ne. Ati ene Feri habo siitone, “Tikamahi. Tiwati omitamatasaba awineni.” Feri ati nane.

Yeso‑ka yo‑yose mai tamine 2:13

“Kawi ihi mai towe toha awini.” Mai one ati na, mai‑ya mai hahakana mai nahamoneni.

Mateo 13:22

Atiwa mete‑ya yamata noki sona, fara Deoso ati‑ya mai mita, makobote yamataha, bora, yinero na‑ya mai nokotonihe, Deoso ati‑ya mai nokotonimara, yamata atiwa‑ya daba, bonora‑nima mai na, mai ihi amosa‑ba wadarani.

Mateo 22:4

Hika yo‑yose mai one‑ya yosemaki, ‘Mai dai haatonamatasahi. Oka bani mai wataka mai onahaba, ai tefe‑bone hawa tohini, mai kama kanibote niyahi.’ Hidi webote ati nane.

Mateo 22:6

Mai mai haahina, mai one hama, hidi webote‑ka yo‑yose mai one‑ya mai bisi, mai one‑ya mai nanahaba, mai nineni.

Yowaho 2:16

Wayomata mai‑ya mai da‑daa, mai‑ya hiyare, “Wayomata mai dai towakamahi. Okobi‑ka yobe‑ya yama‑ya dai daanamariyahi.” Ati nemarine.

Bedoro yoto‑ke 2:3

Keyehe‑ya dai‑ya mai ka‑kanawato, hini mai ati‑ya dai‑ya mai kamineni, Deoso ati monaha. Yinero‑ya mai nokotonihe, keyehe‑ya mai hiriteni, dai‑ka yinero‑ya mai kayafabone, mai ihi‑ya Deoso watomata, mai manakone‑ya daaneya, mai ababoneni. Mai manakone daani‑ya Deoso fawaterebonane.