Mateo 22:3 - Deoso-ka Yama Hani

³ Hika yo‑yose mai‑ya yose, ‘Mai oni tiawahi. Mai dai haanahi, marina‑ya mai kamabonehe.’ Hidi webote ati ne, mai‑ya mai haana, mai ati a‑arira, mai kamaki awirani.

Mateo 22:3 ပူးပေါင်းရင်းမြစ်များ

Mateo 21:34

Ofa hadiya, ofa hidi‑ya mai na‑narifa mai‑ya yoseme, ‘Owa tabaro one‑ya dai tokomahi. Ofa one‑ya dai‑ya mai daaniya, ofa dai kakamiyahi.’ Hidi ati nene.

Mateo 23:37

Yerosare, tika mai ihi ohi·oneni. Tiwa‑kaya mai wi‑wina Deoso ati‑ya mai mi‑mita mai‑ya mai nanahabateni. Tika mai okasomabone ona, owati‑ya mai nofarani. Arakawa afe bodi‑ya bidi mai mookana, madi mai hikayawateni. Fara‑nima tika mai okayawabone ona, owa‑ya mai nofarani.

Mateo 3:2

“Dai ene amosawamahi. Neme‑ke ai nafi‑ka hidi kitabote tohawahebonane.” Yowaho Batita ati ne, ati damemarine.

Mateo 9:15

“Mai‑ka owa fanebona sawi ene mai ya‑yaina, mai ohiterani. Yama one‑kaya maki mai hiwakebona, tabora bara‑ya tokeya, mai tonokosa, yawa ihi mai tafi fawanaboneni.” Yeso ati nemarine.

Roka 13:34

“Yerosare, tika mai ihi ohi·oneni. Tiwa‑kaya mai wi‑wina Deoso ati‑ya mai mi‑mita mai‑ya mai nanahabateni. Tika mai okasomabone ona, owati‑ya mai nofarani. Arakawa afe bodi‑ya bidi mai mookana, madi mai hikayawateni. Fara‑nima tika mai okayawabone ona, owa‑ya mai nofarani.

Roka 15:28

Badi tamine‑ya mite, yawe, ati tokiyomi nofarene. Badi kame, bidi‑ya himane.

Roka 19:27

Owa‑ya mai kakamaro, mai‑ka hidi ohi awirabone, mai ati namaro, owa noko‑ya mai dai nanahabahi.’ Hidi ati nane.” Yeso ati nematane.

Yowaho 5:40

Owa dai nofarani. Owa dai nofa‑mani, dai abara neni.

Yeso‑ka yo‑yose mai tamine 13:45

Mai dama, mai‑ya Yodeo mai awa, mai ati yawawaha, “Baoro keyehe‑ya hirine. Deoso ati‑ya kamini awire, Satanasi ati‑ya kaminabisane.” Mai ati namoneni, mai yawaro.

Homa 10:21

Isara·eo mai tamine‑ya Deoso hiyaramatase, “Mahi‑nima mai haa·ona, owa‑ya mai kamara, mai ime kita, owati‑ya mai tokadabi nofarani.” Deoso ati nematane.

Ebereo 12:25

Deoso neme‑ya ati yananeya, dai narabo hawihi. Hibati‑ya adami tati‑ya ati yanane, ati mai hinofare, mai abameteni. Neme‑ya ati yananeya, ai narabo hawira, ai abahareboneni.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.

Yeso Kirisito ene‑bona 22:17

Deoso‑ka Doni ati toha, Kaneiro Bidi fadi‑bone ati toha na, mai ati, “Yeso, kobotinahi.” Yama hani ati dai mitiya, dai ati yananamatasahi. “Yeso, kobotinahi.” Dai ati nahi. Dai bako hoko‑ya dai kamahi. Ai abarabone‑ka faha dai fawiya, manakone wadaraboneni.