Mateo 2:13 - Deoso-ka Yama Hani

¹³ Mai tokoma mai nowati‑ya Deoso‑ka yo‑yose i‑di Yose‑ya wadarine hiyare, “Yose didafihi. Yeso madi‑ya fame tiwakahi. Eyito‑ya dai tokiya, Eyito‑ya dai nahoyahi. Tiwa haa·onamatasaboneni. Yeso‑ya i‑di Erodi sibanebonane, Yeso‑ya nanahabebonaha.” Deoso‑ka yo‑yose ati wadarine ati nematane.

Mateo 2:13 ပူးပေါင်းရင်းမြစ်များ

Mateo 1:20

I‑di Yose amone, Deoso‑ka yo‑yose wadarine‑ya awe, ati‑ya mite, “Yose, i‑di Dafi‑ka nodi amatini. Owati timitahi. I‑di Mariya dai famiyahi. Sibaraboneni. Deoso‑ka Doni ati ene Mariya naba toha, maki ene tohi awirane.

Mateo 10:23

Tabora ohare‑ya dai‑ya mai weena, tabora one‑ya dai tokahi. Owati amosa dai mitahi. Isara·eo mai tabori dami‑ya dai tokasa riya, dai‑ka Ayo neme‑ke kiti yananebonane.

Mateo 2:12

Deoso‑ka yo‑yose ati wadarine‑ya mai awa, “I‑di Erodi‑ya dai tokomariyahi.” Deoso‑ka yo‑yose ati wadarine ati nematane. Wada ihi hawi one‑kaya mai tokoma, hini mai tabori‑kaya mai tokoma, i‑di Erodi‑ya mai hiyari awirameteni.

Mateo 2:14

I‑di Yose dodafi, fadi bidi‑ya fama‑ya towakebona, yama soki‑ya mai yanana, Eyito‑ya mai towakameteni.

Mateo 2:16

Wami bara‑ka mai tokoma, mai tamine‑ya i‑di Erodi mite, yawe, “Owa‑ya mai hiyaramabone ona, owa‑ya mai hiyarami awireni.” I‑di Erodi atibodi ati ne, yawi kite, sodado mai‑ya yose, “Bere‑ya dai tokahi. Madehe makidi 2 ano toha dai nanahaba, madehe bi‑bidi na toha na, mai nafi dai nanahabahi. Bere‑ka madehe dai nanahaba, Bere yakari‑ya mai wi‑wina mai‑ka madehe dai nanahaba, dai nahi.” I‑di Erodi ati nematane. “Ano one‑ya amowa‑ya mai awa, fara hidi‑mona‑ka ano fami yanatona awineni.” I‑di Erodi atibodi ati nematane.

Mateo 2:22

I‑di Erodi bidi oni i‑di Akerao tohe, Yodeya‑ya mai wi‑wina mai‑ka hidi tohawahe, tamine‑ya i‑di Yose mite, habo siitonematane. Yama soki‑ya i‑di Yose wada‑ya awamatase, “Yodeya‑ya tikariyahi.” Ati wadarine ati nematane. Wada ihi Karireya‑kaya mai tokabisameteni.

Yeso‑ka yo‑yose mai tamine 10:22

“Sodado mai‑ka hidi i‑di Koneriyo oda‑ya yosene. I‑di Koneriyo amosabote amane. Deoso ati‑ya nofe, Yodeo mai nafi hinofatene. Mahi owa‑ya Deoso‑ka yo‑yose‑ya awe, tiwa‑ya haanebona, tiwati‑ya mitebona Deoso‑ka yo‑yose ati nemonane.” Mai ati na.

Yeso‑ka yo‑yose mai tamine 10:7

Deoso‑ka yo‑yose tokomeya, Koneriyo hika yo‑yose mai fama mai‑ya haa, sodado ohari‑ya haa ne, mai kakiya, mai‑ya yosebonane. Deoso ati‑ya sodado nofe, Koneriyo‑ka yama‑ya anitene.

Yeso‑ka yo‑yose mai tamine 12:11

Bedoro yama‑ya watowame, hini‑ya hiyare, “Se! Yodeo mai‑ya Erodi owa‑ya daanaminebona ati ne, Deoso‑ka yo‑yose owa‑ya seekane, Yodeo owa‑ya mai ihi tohabone mai ati na, Deoso‑ka yo‑yose owa‑ya kasomene, owa‑ya mai watarabonehe.” Bedoro atibodi ati nemonane.

Yeso‑ka yo‑yose mai tamine 12:7

Kadeya dori‑ya i‑di Bedoro amoneya, Deoso‑ka yo‑yose kobone ene kadeya dori‑ya yama wahi kita, Deoso‑ka yo‑yose Bedoro fowari‑ya wai, fai‑ya mowakanebona, fai‑ya boyone, “Bedoro, waamisa kanibote tinahi.” Deoso‑ka yo‑yose ati ne. Bedoro waamise, koheti hini‑ya kasoneni.

Yeso‑ka yo‑yose mai tamine 16:36

“Sira dai see·okanabone mai ati na, dai see·okana, dai towakamahi. Dai‑ya mai weenamaraboneni.” Baoro‑ya kadeya hidi ati ne.

Yeso‑ka yo‑yose mai tamine 5:19

Yama soki‑ya Deoso‑ka yo‑yose tokomaki, kadeya nokobiri‑ya seekane, Yeso‑ka yo‑yose mai fidotona,

Yeso‑ka yo‑yose mai tamine 7:19

Ai‑ka idi mai‑ya nofare, mai‑ya kosine, mai‑ka madehe wada yati‑ya hidi ati ene mai tonahomakosameteni, mai ababonehe.

Yeso Kirisito ene‑bona 12:14

Sibire webote efe fame‑ya fana‑ya mai daaneni. Fana diwatona yama awiri‑kaya tabori toha, fara‑kaya faha fowe 3 kana beheri tohamakiya, fana‑ya mai kasomaboneni, dafi fana‑ya kobonamarebonaha.

Yeso Kirisito ene‑bona 12:4

Amowa mai dama mai‑ya Dafi yofari korokanisane. Fara amowa mai 3 kana‑nima mai na ohari wami‑ya korohinisane. Fara fana noki‑ya dafi waane, fana dori wadiya, fana bidi‑ya kabebonaha.

Yeso Kirisito ene‑bona 12:6

Dafi ene fana korikasa, kanana, kabani‑kaya tabori‑bone Deoso wamahinamete‑ya tokani. Fara‑kaya amoni 1.260 kani‑ya fana‑ya mai kasomaboneni.