Mateo 11:5 - Deoso-ka Yama Hani

⁵ Yama mai awaramaro yama mai awawaha, mai ka‑kakona‑maro mai yakanamawaha, mai mese towe tohamaro mai mese amosawama, mai narabi hawiramaro ai ati‑ya mai mitawaha, mai abamaro mai kitamawaha, yama mai kihara Deoso ati amosabote‑ya mai mitawaha nineni.

Mateo 11:5 ပူးပေါင်းရင်းမြစ်များ

Mateo 10:8

Mai kiyana mai dai kasoma, mai mese towe toha mai mese dai nataminawama, mai aba mai dai nakitama, madi towe mai dai kananihi, dai nahi. Owati ihi dai ene kitawaha, yama manakone dai‑ya haa·ora, mai one dai kasoma, yama manakone dai haariyahi.

Mateo 11:4

Yeso mai‑ya hiyare, “I‑di Yowaho‑ya dai towakamiya, owa ene dai kamina, owati dai kamina, dai nahi.

Mateo 12:13

Yehe moikaname‑ya hiyare, “Tiwa yehe feotokanahi.” Yeso ati ne, Yehe feotokaname, yehe owa‑nima yehe nawahemarine.

Mateo 21:14

Deoso‑ka yobe‑ya mai noki awihinara mai toha, mai one ka‑kakona mai toha na, mai‑ya Yeso nakitamemarine.

Mateo 5:3

“‘Towe ama·oni.’ Dai ati niya, Deoso dai‑ya kasomebona, Neme‑ke ai nafi‑ka hidi kitabote tohawahe‑ya dai sawiwahaboneni.

Mateo 9:30

Mai noki amosawama, yama‑ya mai awawahamaroni. “Owa ene tamine dai hiyarariyahi.” Yeso ati nemarine.

Maroko 7:37

Yeso ene‑ya mai awa, mai atibodi yama‑ya kadika, Yeso tamine‑ya mai hiyara, “Ka! Yeso ene amose hinama, hibati‑ya mai narabi hawiramaro mai narabi hawiwaha, mai ati wadaramaro mai ati wadawahateni.” Mai ati namaroni.

Maroko 9:25

Mai dama mai kobonamake, mai‑ya Yeso awe, madi towe‑ya hiyare, “Madi towe, tiwa ene yetene narabo hawirihi, ati wadarihi ne, tikahi! Yetene‑ya tifoyamariyahi!” Ati nemarine.

Roka 4:18

“Deoso‑ka Doni owa‑ya sawi, Deoso owa‑ya kadikemari, owa‑ya yosemarine. Yama‑ya mai kihara mai‑ya Deoso ati amosabote okaminawahaboneni. Hibati‑ya mai‑ya barikanemari, owati ihi mai seekawahaboneni. Hibati‑ya yama‑ya mai awatera, owati ihi yama‑ya mai awawahaboneni. Mai mai bisihinamaro, owati ihi mai mai bisihinami awiraboneni.

Yowaho 10:25

“Hibati‑ya owa tamine‑ya dai‑ya okamina, owati dai nofarani. Owa ene kitabote dai awakarini? Okobi ene owa ene kitabote tohani.

Yowaho 10:38

Deoso ene‑nima owa ene nibisa, owati dai nofara, owa ene dai nofabisahi. Okobi oda famateni. Owa ene dai nofiya, Okobi oda‑ya dai watowahaboneni.” Yeso ati nemarine.

Yowaho 2:23

Ka‑kariwa kobona, Yerosare‑ya oda marini‑ya Yeso ene kitabote‑ya mai awa, Yeso ati‑ya mai dama mai nofawahamaroni.

Yowaho 3:2

Yama soki‑ya Yeso‑ya toke, Yeso‑ya hiyare, “Ayo, Deoso tiwa‑ya yose‑mata ati tikamine, tiwa ene kitabote tohani. Deoso‑ka tihara‑mani, haa‑nima tiwa ene ra neni.” Nikodimo ati nemarine.

Yowaho 5:36

Yowaho ati amosi bi‑bidi nane. Okobi ene owa ene kitabote, owa ene dai awiya, Okobi owa‑ya yose‑mari dai watowahaboneni.

Yowaho 9:7

“Sirowe faha‑ya tikamiya, tiwa noko sokotiyahi.” Yeso ati nemarine. “Sirowe faha” ai ati‑ka oni “yosene faha” toha, fara‑ya toke, noko‑ya sokone, yama‑ya awawahe, tokomematane.

Yeso‑ka yo‑yose mai tamine 2:22

Bedoro mai‑ya hiyaramatase, “Isara·eo‑ka nodi dai toha, owati dai mitahi. Deoso ene Yeso Nasare‑ke ene dai watoneni. Yeso ene kitabote tohe, ene‑ya mai awa, ‘Ka! Haa‑nima ai ene na ai awaterani.’ Mai ati namaroni.

Tiyako 2:5

Oka soho dai toha, owati dai mitahi. Yama dama‑ya mai kihara Deoso mai‑ya kadikemata, Deoso ati‑ya mai nofi ba‑basi na, mai tabori‑bone‑ya wamane, “Owati‑ya dai no‑nofa owa tabaro‑ya dai winaboneni.” Deoso ati nematane.