Mateo 10:4 - Deoso-ka Yama Hani

⁴ i‑di Simaho Seroti, i‑di Yoda Isikari·oti, oda namaroni. Yoda Isikari·oti i‑di Yeso‑ya kahabanawahemarine.

Mateo 10:4 ပူးပေါင်းရင်းမြစ်များ

Mateo 26:14

Yeso‑ka oda 12 kana oda‑ka owa i‑di Yoda Isikari·oti amane. Deoso‑ka yama‑bone‑ya mai da‑daa mai‑ka hidi mai‑ya i‑di Yoda Isikari·oti tokematane.

Mateo 26:15

“Yeso dai‑ya daa·onibone, hini yamata‑ya owa‑ya dai daanibati?” Yoda ati nematane. Barata wamani 30 kane‑ya mai kadika, Yoda‑ya mai daahinematane.

Mateo 26:2

“Ai amoni fami‑ya ka‑kariwa‑ya ai marinabone, dai‑ka Ayo neme‑ke‑ya mai daanaboneni, mai baahikanebonaha.” Ati nemarine.

Mateo 26:47

Yeso hiyaranasa neya, oda 12 kana oda‑ka owa i‑di Yoda‑ya mai dama mai eyehe kamemarine. Deoso‑ka yama‑bone‑ya mai da‑daa mai‑ka hidi mai toha, Yodeo mai‑ka hidi mai bi‑bidi na mai toha na, mai ati ihi Yoda‑ya mai dami sawemaroni. Yima‑ya mai one aka, awa‑ya mai one aka namaroni.

Mateo 27:3

Yoda Yeso‑ya hibati‑ya daane, Yeso abebona‑ya awe, atibodi a‑arinamare, barata wamani 30 kane mai daahine‑ya daatonamatasebona, Deoso‑ka yama‑bone‑ya mai da‑daa mai‑ka hidi mai toha, Yodeo mai‑ka hidi mai bi‑bidi na mai toha na, mai‑ya Yoda hiyare,

Maroko 14:10

Yeso‑ka mai 12 kana mai‑ka owa i‑di Yoda Isikari·oti Deoso‑ka yama‑bone‑ya mai da‑daa mai‑ka hidi mai‑ya toke, mai‑ya hiyarematane, Yeso‑ya kahabanebonaha.

Maroko 14:43

Yeso hiyaranasa neya, mai 12 kana mai‑ka owa i‑di Yoda mai dama mai eyehe kamemarine. Deoso‑ka yama‑bone‑ya mai da‑daa mai‑ka hidi mai toha, Mose‑ka yama hani ati‑ya mai ka‑kamina mai toha, Yodeo mai‑ka hidi mai bi‑bidi na mai toha, mai na, mai ati ihi Yoda‑ya mai dami sawemaroni. Yima‑ya mai one aka, awa‑ya mai one aka namaroni.

Roka 22:3

Yeso‑ka mai 12 kana mai‑ka owa i‑di Yoda Isikari·oti atibodi‑ya Satanasi sawiwahene.

Roka 22:47

Yeso hiyareya, mai dama mai kamakemeteni. Yeso‑ka mai 12 kana mai‑ka owa i‑di Yoda dainimaki, Yeso‑ya kakimatane, Yeso‑ya tomanebonaha.

Yowaho 13:2

Simaho Isikari·oti bidi i‑di Yoda, Diaboro ati ene Yeso‑ya daanebona, atibodi hawa tohe, mesa‑ya oda nahori hawa tohamaroni.

Yowaho 6:64

Owati‑ya dai one nofarani.” Yeso ati nemarine. Oda atibodi ati‑ya Yeso wato, ati mai hinofare mai‑ya wato, fai‑ya kahabanebona‑ya wato nemarine.

Yowaho 6:71

Simaho Isikari·oti bidi i‑di Yoda tamine‑ya hiyare, oda 12 toha oda owa amane, fare Yeso‑ya kahabanewahemarine.

Yeso‑ka yo‑yose mai tamine 1:13

Yerosare‑ya mai kobonama, mai one‑ka yobe tati mese‑kaya mai‑ka yobe waari‑ya mai tokomisama, i‑di Bedoro, Yowaho, Tiyako, Anidere, Firibi, Tome, Batoromeho, Mateo, Aofio bidi i‑di Tiyako, Simaho Seroti, Tiyako sori i‑di Yoda mai na, mai tokomisamamoneni.

Yeso‑ka yo‑yose mai tamine 1:25

I‑di Yoda oda‑ya dabemari, hini ene oda‑ya dabamaterebona, abe, madi mai tabori‑ya tokawahe, ebeni‑ke oda‑ya dabawahabati? Yeso‑ka yo‑yose tohebonaha.” Mai ati namoneni.