Mateo 1:1 - Deoso-ka Yama Hani

¹ Yeso Kirisito‑ka idi mai oni okanahanaboneni. Yeso‑ka idi i‑di Dafi tohe, ai‑ka hidi tohematane. I‑di Dafi‑ka idi i‑di Abaraho tohematane.

Mateo 1:1 ပူးပေါင်းရင်းမြစ်များ

Mateo 1:18

Fare i‑di Yeso Kirisito wademata tamine timitahi. Yeso madi‑bone i‑di Mariya‑ya i‑di Yose famebona, mai fami awisari‑ya Deoso‑ka Doni ati ene Mariya naba tohameteni.

Mateo 1:2

Abaraho bidi i‑di Isaki toha, Isaki bidi i‑di Yako toha, Yako bidi i‑di Yoda toha nematane. Yoda anidi mai toha, sohori mai toha nameteni.

Mateo 15:22

Kanaha mai‑ka fana kamake, Yeso‑ya hiyara, “Ayo, oka hidi amatini. Dafi‑ka nodi amatini. Owa tikasomahi. Madi towe ene okoto kiyani nafeni.” Fana ati namaroni.

Mateo 3:16

Yowaho habahinirise, tokomorosame, Deoso‑ka Doni neme‑ya kise, Yeso‑ya sawiwahe, wayomata awi‑nima awi ne‑ya Yowaho awematane.

Mateo 9:27

Makobote Yeso toke, mai noki wadara mai fama, Yeso nowati‑ya mai towakamake, “Yeso, oda‑ka hidi amatini. I‑di Dafi‑ka nodi amatini. Oda tikasomahi.” Maki mai ati namaroni.

Roka 1:33

Yako‑ka nodi dai toha, dai‑ka hidi oharitebona, kiti fawaterebonane.” Kabireo ati nematane.

Yowaho 7:42

I‑di Dafi tabaro bote, Bere‑kaya Kirisito wadebonane. Dafi‑ka nodi i‑di Kirisito tohebonane. Deoso‑ka yama hani ati teni. Yeso i‑di Kirisito tohi awireba awane.” Mai one ati nihi neni.

Yeso‑ka yo‑yose mai tamine 2:30

Dafi Deoso ati‑ya mi‑mita‑mata, Deoso ati‑nima yama nabone‑ya Dafi wato, ‘Dafi ti·abiya, owa ene tika nodi Isara·eo mai‑ka hidi tohebonane.’ Deoso ati ne, ati‑ya Dafi nofematane.

Homa 1:3

Deoso Ati Amosabote i‑di Yeso Kirisito ai‑ka Hidi tamine amane. Fare tamine okaminebonane. Neme‑ya Badi eyehe winemata, makobote bofe‑ya wade, ai‑ka Hidi i‑di Dafi‑ka nodi tohane.

Homa 4:13

Hibati‑ya Abaraho‑ya Deoso hiyare, “Abaraho, yama nafi tikayahaboneni. Makobote tika nodi tiwa tabaro‑ya mai kayafaboneni.” Deoso ati ne, “Ati‑nima yama naboneni.” Abaraho ati ne, Deoso ati‑ya nofe, Deoso ati somawame ene Deoso ati‑nima yama na‑ya Abaraho kayafebonane. Abaraho hini ene tohi awirihi, Mose ati ene tohi awirihi ne, Deoso ati‑ya Abaraho nofe ene Deoso ati‑nima yama na‑ya kayafebonane.

Homa 9:5

I‑di Abaraho, i‑di Isaki, i‑di Yako mai na, ai‑ka idi mai tohamete. I‑di Abaraho‑ka nodi‑bona i‑di Kirisito, yama nafi‑ka hidi tohe, fare Deoso toha ne, Kirisito‑ya ai kahiyari fawateraboneni. Fara amani.

Karatiya 3:16

Abaraho‑ya Deoso hiyare, “Tiwa okasomaboneni, tika nodi eyehe.” Deoso ati nemarine. Ati dai mitamatasaho. Abaraho‑ka nodi mai dami tamine‑ya hiyari awirane. Hika nodi ohari tamine‑ya hiyarabisemarine. Abaraho‑ka nodi i‑di Yeso Kirisito tohe, fare‑ya Deoso kasomebonane.

Timoti daidi 2:5

Deoso ohari‑ta tohe, Deoso‑ya ai tamine‑ya hi‑hiyara ohari toha nane. Fare ai owa i‑di Yeso Kirisito tohane.

Timoti yoto‑ke 2:8

Yeso Kirisito i‑di Dafi‑ka nodi tohe, abe, Deoso hinakitamemari tamine ohiyaratene, Deoso Ati Amosabote amane. Ati tiwatibodi hikadikayaho.

Yeso Kirisito ene‑bona 22:16

Yeso ama·oni. Deoso‑ka yo‑yose oyose, tiwa‑ya yofikane, yama tamine‑ya Deoso‑ya mai hi‑hiyara‑ke yobe‑ka mai himitabonehe. Dai‑ka hidi i‑di Dafi tohemari, fare‑ka nodi ama·oni. Yama wahabisari‑ke amowa webote‑nima ona ama·oni.” Yeso ati nene.