Korito daidi 9:26 - Deoso-ka Yama Hani

²⁶ Mai ibi kanakanabone mai kanana, mai koboni‑bone‑ka hawi boni tati‑ya mai kakatoma, mai‑nima Deoso tabaro‑ya okabone ona, Deoso tabaro koboni‑ya noko·oni ohariteni. Mai ibi koona yama honita‑ya mai koonisarabone mai ati teni. Mai‑nima owati yananiya, owati honita toharabone owatibodi ati teni.

Korito daidi 9:26 ပူးပေါင်းရင်းမြစ်များ

Mateo 11:12

Hibati‑ya Neme‑ke ai nafi‑ka hidi kitabote tohawahebona tamine‑ya i‑di Yowaho hiyaremarine. Tamine‑ya mai mita, mai hama, mai hami fawarani. ‘Oda kita, hini oda ene Neme‑ke ai nafi‑ka hidi kitabote tohawahe‑ya oda saweboneni.’ Mai ati nani.

Roka 13:24

“Nokobi bide dai nokotonibisahi. Nokobi one‑ya mai dama mai tokiyoma, Deoso‑ya mai tokiyomaraboneni.

Korito daidi 14:9

Mai one ati‑ya dai hiyariya, dai ati oda mitara, dai ati ababoneni.

Korito yoto‑ke 5:1

Yobe ewene kitare, aba kanibote tene. Yobe ewene kitare‑nima ai abano na, ai amoni fa‑famaraba niya, ai aba, neme‑ya ai abano bara Deoso ai‑ya daanebona, neme‑ka ai kayafa, abateraboneni.

Korito yoto‑ke 5:8

Ai‑ya mai nanahabiya, sibaraboneni. Ai habo siitora, ai abano atabo‑ya wamani toha‑ya ai sawimara, Yeso‑ya ai sawiya, yama amosabisaboneni.

Karatiya 2:2

Yerosare‑ya kobo·ona, Yeso ati‑ya mai no‑nofa mai webote‑ta mai‑ya ohiyarineni. Bara mai‑ya Deoso Ati Amosabote okamina, tamine mai‑ya ohiyarineni. Owatibodi yama‑ya dika, “Owati‑ya mai mitiya, owati‑ya mai nofaba awineni. Owa‑ya mai weenaba awineni. Owa‑ya mai one ati barinaba awineni.” Owatibodi ati namaroni. Webote mai‑ya ohiyara, “Bara mai‑ya Deoso Ati Amosabote okaminateni.” Onamaroni. “Sibarini, tiwa ene amosini. Bara mai‑ya Yeso tamine tikaminiyahi.” Mai ati namaroni.

Efesiyo 6:12

Ai‑ya mai ka‑kako mai ime wadarihi, mai tone wadarihi, mai ame wadarihi na, mai‑ka hidi Satanasi tohe, hika madi mai toha, mai one kiti bi‑bidi, mai one kiti ba‑basi, mai one kiti nafi na ai‑ya mai kaka, mai‑ka hidi ai‑ya kako‑nima ai mai kako teni.

Firibo 1:21

Hasi·oniya, Kirisito ati‑nima onabone, Kirisito ati ohiyaramaboneni. O·abiya, owa manakone‑ya Deoso daanebonane.

Koroso 1:29

Fara yama ani·ona, oka yama anini kitateni. Yeso Kirisito owa‑ya sawi, owa‑ya kasome, tamine okaminabonehe.

Timoti yoto‑ke 1:12

Deoso ati‑ya ohiyara, kadeya‑ya owa‑ya mai nawaa, kadeya‑ya owaa, oyawi awirani. Sibarabone owatibodi ati nani. Deoso owato, ati onofe, owa‑ya nawadebona, owa‑ya kayawebonane. Hika yama ani·ona‑ya kayafatene. Makobote Yeso kamataseya, oka yama‑bone‑ya daanebonane.

Timoti yoto‑ke 2:5

Mai kanana mai‑ya fiyakane, koboni dai tohe, yama‑ya kayafatene. Mai kanana mai‑ka hidi ati‑nima mai na, yama‑ya mai kayafateni. Sibarini. Mai‑ka hidi ati‑ya mai tokadabara, yama‑ya mai kayafaterani. Fara‑nima Deoso ati ai tokadabara, yama ai kayafateraboneni.

Timoti yoto‑ke 4:7

Owa ene sibarani. Sodado‑ka yama anini kiti‑nima oka yama anini kitani. Owa kanani hawa tohi yanatoni. Deoso ati‑nima onani.

Ebereo 12:1

Deoso ati‑ya mai no‑nofa‑mete mai ihi ai awa, mai‑nima ai nahi. Deoso ati ai tokadaba, yama one ai nokotonira. Ai‑ya mai one awaboneni. Ai kananabone, yama kanaha‑ya ai weyeterani. Yama kanaha ai korotowitiya, ai honita kanateni. Ai ene amosara yama kanaha‑ya ai weyena‑nima teni, Satanasi‑ka keyehe ai tokadabamaro, ati ai nofami awireya, Deoso hawine‑ya ai yakaniya, ai kiti fawaraboneni.

Ebereo 4:1

“Owati‑ya mai nofa mai atibodi tokitara owa tabaro‑ya mai maa tohi fawanaboneni.” Deoso ati nematane. Dai noko wadahi. Dai atibodi tokitara Deoso tabaro‑ya dai kobonaboneni.

Bedoro daidi 5:1

Deoso‑ka mai‑ka webote dai toha, owati dai mitahi. Deoso‑ka mai‑ka webote ohaharineni. Hibati‑ya Kirisito‑ya mai bisina, mai hinahabe, neme‑ya tokome, oawamaroni. Makobote Kirisito amosabote kamataseya, Yeso‑nima ohawahaboneni.

Bedoro yoto‑ke 1:10

Oka soho dai toha, Deoso dai‑ya kadike, dai‑ya haane. Tabaro‑ya dai winawahaboneni. Owati‑nima dai ene niya, Deoso tabaro hawine dai fawaniteraboneni.