Korito daidi 9:25 - Deoso-ka Yama Hani

²⁵ Mai ibi kanakanabone mahi‑nima mai kanateni, mai kitabonehe. Mai atibodi yama‑ya dika, “Hini yamata‑nima obati, owa kanani kitabonehe?” Mai atibodi ati teni. Mai ibi kanakana mai koboni dai toha, mai tati‑ya awa afe dasini itareboneni. Yama dasini aba kanibote teni. Yama Deoso ai‑ya daahinabone abateraboneni.

Korito daidi 9:25 ပူးပေါင်းရင်းမြစ်များ

Korito daidi 15:54

Ai abano bote fawaniya, ai abano yati ai sakonawaha, Deoso ati‑mata‑nima yama nawahaboneni. “Ai abamaterabone, Deoso tabaro‑ya ai wini ohareboneni.

Karatiya 5:23

Mai ihi amosara, mai ihi amosawamabone, mai‑ya ai kasomateni. Ai ati, ai atibodi ati, ai ene na ai nawadateni. Ai ene‑ya yama hani ati barini awirini.

Timoti daidi 6:12

Deoso ati fawatiniriyahi. Deoso tiwa‑ya haanemari, tabaro‑ya tiwinabone, Deoso ati‑ya tinofamone, mai dami tiwati‑ya mai mita, mai ihi tiwa habo siitoriyahi. Satanasi tiwa‑ya kako, ati‑nima tiriyahi.

Timoti yoto‑ke 2:5

Mai kanana mai‑ya fiyakane, koboni dai tohe, yama‑ya kayafatene. Mai kanana mai‑ka hidi ati‑nima mai na, yama‑ya mai kayafateni. Sibarini. Mai‑ka hidi ati‑ya mai tokadabara, yama‑ya mai kayafaterani. Fara‑nima Deoso ati ai tokadabara, yama ai kayafateraboneni.

Tito 1:8

Mai one kake, fai tabaro‑ya mai wina, mai ihi amosa, mai‑ya nofatene. Ene mai one hiawe, ene mai hinofatene. Yama amosa‑ya anitene. Deoso ati‑nima tene. “Deoso ati‑nima oteboneni.” Atibodi ati tene.

Tito 2:2

Maki bote mai tikanawatohi. Mai ihi amosa, mai ati amosawama, kawi ihi mai towe toharihi na, Deoso ati‑ya mai nofa, mai one‑ya mai nofa nabone, mai‑ya tikanawatohi. Mai ihi amosa, mai ihi‑ya mai one awiya, fara mai ihi amosa, mai ihi‑nima mai one ihi naboneni.

Ebereo 12:28

Deoso‑ka yama wawawakani kiterabone, ai kayafabone ai ya‑yaina, Deoso ai kahiyara, Deoso ene ai nofa, “Abi Deoso, tiwa ene amosabote tohani.” Ai ati nahi.

Ebereo 12:4

Dai ene amosabone, dai ene dai‑ya mai nanahabi awisarani.

Tiyako 1:12

Dai ene‑ya Deoso kakatome, yama towe awi dai‑ya kobona, dai atibodi yawara, Deoso ati dai tokadabanasa na, Deoso dai‑ya kasomebonane. Makobote dai tati‑ya mai‑ka Hidi webote tati borone‑nima ne‑ya dai‑ya daanebonane. Dai tamine‑ya Deoso hiyare, “Owa‑ya mai nofa, owa tabaro‑ya mai winabisaboneni.” Deoso ati nematane.

Bedoro daidi 1:4

Neme‑ya ai‑ka yama daahinabone, hinawada, abaterihi, bote tohaterihi, bataterihi na‑ya, Deoso tabaro‑ya ai koboniya, ai kayafaboneni.

Bedoro daidi 5:4

Ai‑ya Na‑nawada i‑di Yeso Kirisito kameya, dai‑ya yama amosabote‑ya daanebonane. Ai tati borone oro wamani‑nima yama na‑ya dai‑ya daanebonane.

Bedoro yoto‑ke 1:6

Deoso ati‑ya dai wato ba‑basi na, dai atibodi yama hinofa dai nokotonihi, yama amosara dai nofarabonehe. Yama dai nofa‑ya Deoso dai‑ya daa kanibote ni awire, dai yawarihi, Deoso yama hinofa‑nima dai ene nahi.

Yeso Kirisito ene‑bona 2:10

Dai habo siitoriyahi. Diaboro ati ene kadeya‑ya dai one‑ya mai nafoyabone, dai maaki‑bone‑ka mai ihi amani. Ai amoni ai yehe kafama‑ya dai‑ya mai weenaboneni. Deoso‑ka hawi bai‑ya dai maakani awiriya, dai‑ya mai nanahabiya, dai sibaraboneni. Dai kitamiya, owati ihi dai abaraboneni.

Yeso Kirisito ene‑bona 3:11

Kobo kanibote onaboneni. Dai ene amosi fawariyahi, dai manakone‑ya dai one kayafarabonehe.

Yeso Kirisito ene‑bona 4:4

Hidi yowi‑kaya kadera 24 kana siitokana oawamakitasani. Kadera‑ya hidi bi‑bidi mai na 24 kana mai nahore, bora sawa‑ya mai sakona, hidi‑ka sabewa oro wamani mai tati‑ya siinareni.