Korito daidi 9:22 - Deoso-ka Yama Hani

²² Yama‑ya mai watora mai‑ya osawe, mai‑nima onihi ona, owati ihi Kirisito ati‑ya mai watowahaba awineni. Mai nafi‑ya osawe, mai‑nima onihi ona, owa‑ya mai nofiya, Kirisito ati‑ya mai nofawahaba awineni.

Korito daidi 9:22 ပူးပေါင်းရင်းမြစ်များ

Homa 11:14

Dai‑ya ohiyara, owa‑ya Yodeo mai awiya, mai yawaba awineni. Yeso ati‑ya dai nofa Deoso dai‑ya kasome‑ya mai awiya, Yeso ati‑ya mai one nofamakeba awineni.

Homa 14:1

Yeso ati‑ya mai nofa, Yeso ati‑ya mai wato bi‑bidi na mai dai nofa, dai‑ya mai dabiya, yama mai hiwatora tamine‑ya mai dai weeriyahi.

Homa 14:2

Yama nafi‑ya ai one kaba, ai one bani‑ya kabarihi teni.

Homa 15:1

Deoso ati‑ya ai wato ba‑basi na, Deoso ati‑ya mai wato bi‑bidi na, mai dai kasomahi. Hini yama tiwa‑ya kasomi ohare‑bone‑ya nokotiniriyahi. Yama‑ya mai wato bi‑bidi na mai tikasomaharebone, nokotiniharihi.

Homa 15:2

Ai owa mai ai kasoma, mai ai ya‑yainihe, Deoso ati‑ya mai wato ba‑basi namakeboneni.

Korito daidi 10:33

Owa‑nima dai nahi. Mai nafi onofa, owa ene‑ya mai awiya, mai ya‑yainiya, Deoso ati‑ya mai nofawahaba awineni. Owa‑ya onofi bi‑bidi ona, mai‑ya onofi nafi neni.

Korito daidi 7:16

Fana tiha, Deoso ati tinofa, tika yibote Deoso ati‑ya nofare, tiwa ene‑ya aweya, Deoso ati‑ya nofamakiba awane. Yama tiwato awirini. Fara‑nima maki tiha, Deoso ati tinofa, tika yibote Deoso ati‑ya nofara, tiwa ene‑ya awiya, Deoso ati‑ya nofamakeba awineni. Yama tiwato awirini.

Korito daidi 8:13

Oka soho mai‑ya osawe, mai taratokarabone, mai noki‑ya bani okobaterabone oteni.

Korito daidi 9:19

Bofe‑ya oka hidi awire, owa manakone‑ya mai nanahabara, hiniya mai nafi‑ya na‑narifa ama·oni, Deoso ati‑ya mai nofawahabonehe.

Korito daidi 9:23

Kirisito Ati Amosabote‑ya mai mitiya, ati mai hinofebona ona, owati ihi Kirisito ati‑ya mai nofa, Kirisito owa‑ya kasomaharibonane.

Korito yoto‑ke 11:29

Yeso ati‑ya mai one nofa, mai ihi amosara mai tamine omita, owatibodi koma, mai‑ya owatibodi kasomateni. Mai one ihi Deoso‑ka owa ene amosare, mai ihi oyawani.

Karatiya 6:1

Dai narabo hawihi. Dai owa ene amosare, Yeso ati‑ya dai no‑nofa, dai owa‑ya dai hiyarahi. “Tiwa ene amosara tiwa oda awa, tiwa oda nofa, tiwa ene amosawamahi.” Dai ati nahi. Dai owa‑ya dai hiyarabone, dai noko wadahi, dai owa ene‑nima dai ene ni awiraboneni.