Korito daidi 9:20 - Deoso-ka Yama Hani

²⁰ Yodeo mai‑ya osawe, Yodeo mai‑nima oteni, Deoso ati‑ya mai nofawahabonehe. Mose ati owa‑ya barini awire, Mose ati‑ya mai tokadaba mai‑ya osawe, mai‑nima onihi oteni, Deoso ati‑ya mai nofawahabonehe.

Korito daidi 9:20 ပူးပေါင်းရင်းမြစ်များ

Yeso‑ka yo‑yose mai tamine 16:3

I‑di Baoro mai‑ya i‑di Timoti sawibona, sowiri tati ataro i‑di Baoro wisinakosane. Timoti badi Kereko tohe‑ya Yodeo mai nafi wata, fara Timoti sowiri tati ataro‑ya wisinakosane, mai yawarabonehe.

Yeso‑ka yo‑yose mai tamine 18:18

Korito‑ya Baoro wine, amoni ba‑basi namakiya, Senekereya‑ya tokawahane. Senekereya‑ya wine‑ya tati kone nafi‑ya nanahabe, Deoso hikasome ene Baoro ya‑yai, tati kone‑ya nanahabane, Deoso‑ya kahiyarebonaha. Hawa toheya, i‑di Baoro, i‑di Birisira, i‑di Akira mai na, maboro‑ya mai foya, Siriya‑ya mai tokaboneni.

Homa 11:14

Dai‑ya ohiyara, owa‑ya Yodeo mai awiya, mai yawaba awineni. Yeso ati‑ya dai nofa Deoso dai‑ya kasome‑ya mai awiya, Yeso ati‑ya mai one nofamakeba awineni.

Homa 3:19

Deoso‑ka yama hani ihi ai nafi ene amosara ai watowahineni. Bara mai atibodi‑ya Deoso hini ati‑ya kanahanomata, ati‑ya mai tokadabarihi, Mose ati‑ya Yodeo mai tokadabarihi mai na, ai nafi ene‑ya Deoso kadikeya, eya ati nebonane. “Owati dai tokadabarani.” Deoso ati neya, “Hehe, towe oda amani. Tiwati oda tokadabaterani.” Ai nafi ati naboneni.

Karatiya 2:19

Mose ati‑nima onabone onamaro, Mose ati nafi okadabara, hini owa ene o·ababoneni. Hibati‑ya Deoso owa‑ya awe, o·aba‑nima onamaroni. Yeso abe, owa manakone‑ya nanahabe, Yeso ene okitamawahani. Deoso ati‑ya noko·onibisaboneni.

Karatiya 4:21

I‑di Mose ati‑ya dai tokadababone dai ati na, i‑di Mose ati‑ya dai wata awineni.

Karatiya 4:5

Mose ati‑ya ai tokadababone Deoso ati ne, ati ai tokadabi awire ene ai ababoneni. Yeso‑ta ai manakone‑ya nanahabe, ati‑ya ai nofe, Deoso bidi hawa tohe, ai tohaboneni.

Karatiya 5:18

Hibati‑ya i‑di Mose ati dai‑ya barikane, hibayata Deoso‑ka Doni dai‑ya sawi, dai‑ya nawade, Deoso‑ka Doni ene Mose ati dai‑ya barikanamarene.