Korito daidi 9:16 - Deoso-ka Yama Hani

¹⁶ Deoso ati okaminabisa, owa‑ya okahiyari awirini. Deoso owa‑ya yosemarine, Kirisito tamine okaminebonaha. Ati okamini awire‑mana, owa‑ya nakome nane.

Korito daidi 9:16 ပူးပေါင်းရင်းမြစ်များ

Mateo 25:16

Yinero webote 5 kane‑ya kayafe yama‑ya kanike, yama‑ya daanamaki, haa‑nima ne hika yinero webote 5 kanamaki‑ya kayafane.

Roka 9:62

Yeso ati yanane, “Deoso‑ka yama‑ya mai nokotonihebone mai ati na, makobote yama bara‑ya mai nokotonibisa, Deoso ai nafi‑ka hidi kitabote tohawahebona‑ya mai sawiraboneni.” Yeso ati nematane.

Yeso‑ka yo‑yose mai tamine 4:20

Yama oda awa, ati oda mita ne, tamine oda hiyarabisaboneni.” Bedoro, Yowaho mai fama mai ati na.

Yeso‑ka yo‑yose mai tamine 9:15

“Tikamakihi. Saoro okadike, oka yama‑ya a‑ani tohawahebonane. Bara mai toha, Bara mai‑ka hidi mai toha, Isara·eo‑ka nodi mai toha na, mai‑ya owa tamine‑ya hiyarebonane.

Yeso‑ka yo‑yose mai tamine 9:6

Saoro wawawakane, “Hini yamata‑nima ona‑ba ama·oniti?” Saoro ati ne, “Tiwaamisamiya, Damaso‑kaya tikahi. Tiwa‑ya mai hiyariya, yama tiwatowahaboneni.” Yeso ati nemonane.

Homa 1:14

Mai dami‑ya Yeso ati okaminabone Deoso ati nemarine. Kereko mai toha, Bara mai one toha, yama yaki‑ya mai wi‑wina mai toha, yama‑ya mai wa‑wato mai toha, yama‑ya mai watora mai toha, mai na, mai nafi‑ya Yeso Ati Amosabote okaminabone owatibodi ati teni.

Homa 15:17

Deoso ati‑nima ona, Yeso Kirisito ati dai‑ya okamina, owa ene ya‑yai·oneni.

Homa 4:2

“Abaraho‑ka yama anini amosa ihi Deoso ati somawame awane.” Dai ati na awineni. Abaraho‑ka yama anini amosa ihi tohi awirini. I‑di Abaraho‑ka yama anini manakone‑mani, hini‑ya kahiyare nane. Deoso hini ene i‑di Abaraho‑ya ati somawamematane.

Korito daidi 4:15

Yeso Kirisito tamine dai‑ya okamini baha, dai‑ka abi‑nima ona. Owati dai mita, Kirisito ati dai nofamaro, Deoso‑ka dai tohawaha, Yeso Kirisito tamine‑ya 10.000 mai toha dai‑ya mai kanawatomakeba awineni. Fara dai‑ka abi‑nima mai ni awiraboneni.

Korito daidi 9:12

Deoso ati‑ya mai kamina, mai manakone‑ya dai daateni. Deoso ati dai‑ya oda kamine, oda manakone wadakarini? Hehe, wadani. Oda fime, manakone oda haaramaroni. “Manakone oda haaniya, Kirisito ati‑ya mai one mitamakiraba awineni.” Oda ati namaroni.

Korito daidi 9:14

Fara‑nima Deoso‑ka yinero kote‑ya Deoso ati‑ya mai ka‑kamina mai kayafatebone Deoso ati nematane.

Korito yoto‑ke 2:12

Torowadi‑ya okamaroni, Yeso Kirisito Ati Amosabote okaminabonehe. Mai tabori‑ya kobo·ona, Deoso ene owati‑ya mai dami mitamaroni.

Koroso 4:17

I‑di Arakibo‑ya dai hiyara, “‘Arakibo, Yeso Kirisito ai‑ka Hidi tiwa‑ya yosemari, ati‑nima tinahi. Deoso Ati Amosabote kamini fawatiriyahi.’ Baoro ati nene.” Dai ati nahi.