Korito daidi 9:14 - Deoso-ka Yama Hani

¹⁴ Fara‑nima Deoso‑ka yinero kote‑ya Deoso ati‑ya mai ka‑kamina mai kayafatebone Deoso ati nematane.

Korito daidi 9:14 ပူးပေါင်းရင်းမြစ်များ

Mateo 10:10

Yamasi dai weyerihi, bora fama‑ya dai nasawirihi, sanidariya owa dai nasawirihi, dai dabakiba‑ka awa one dai nasawirihi, dai nahi. Mai‑ya dai kasoma dai‑ka yama‑bone‑ya mai daanaboneni. Mai‑ka yama ai anina ai‑ka yama‑bone‑ya mai daateni.

Roka 10:7

Mai tabori‑ya dai koboniya, Yobe ohari‑ya dai wina, dai dayoriyahi. Dai tefe‑bone‑ya mai daaniya, dai tafiyahi. Hini mai daahini‑ya dai fawiyahi. Mai‑ka yama ai anina, ai‑ka yama manakone‑ya mai daateni.

Roka 10:8

Mai tabori‑ya dai koboni‑ka dai‑ya mai ati nofa, dai tefe‑ba mai daaniya, dai tafiyahi.

Yeso‑ka yo‑yose mai tamine 18:3

Mai tabori‑ya Baoro winawahane. Bora kita‑ya yobe‑ya mai wa‑wama, mai‑nima i‑di Baoro ne, yama‑ya anitene.

Korito daidi 4:15

Yeso Kirisito tamine dai‑ya okamini baha, dai‑ka abi‑nima ona. Owati dai mita, Kirisito ati dai nofamaro, Deoso‑ka dai tohawaha, Yeso Kirisito tamine‑ya 10.000 mai toha dai‑ya mai kanawatomakeba awineni. Fara dai‑ka abi‑nima mai ni awiraboneni.

Korito daidi 9:11

Deoso ati‑ya dai‑ya oda hiyara, dai‑ka yamata bide oda haana‑mani, sibakari nehe? Hehe, sibaraneni.

Korito daidi 9:12

Deoso ati‑ya mai kamina, mai manakone‑ya dai daateni. Deoso ati dai‑ya oda kamine, oda manakone wadakarini? Hehe, wadani. Oda fime, manakone oda haaramaroni. “Manakone oda haaniya, Kirisito ati‑ya mai one mitamakiraba awineni.” Oda ati namaroni.

Korito daidi 9:16

Deoso ati okaminabisa, owa‑ya okahiyari awirini. Deoso owa‑ya yosemarine, Kirisito tamine okaminebonaha. Ati okamini awire‑mana, owa‑ya nakome nane.

Korito daidi 9:4

Mai‑ya okanawata mai tafe‑ya okoba, mai‑ka faha‑ya ofi ona, sibari awireni? Hehe, sibarineni.

Korito yoto‑ke 2:12

Torowadi‑ya okamaroni, Yeso Kirisito Ati Amosabote okaminabonehe. Mai tabori‑ya kobo·ona, Deoso ene owati‑ya mai dami mitamaroni.

Karatiya 6:6

Deoso Ati Amosabote‑ya dai‑ya mai kanawata, yama dai kiha‑ya mai‑ya dai kasomahi.

Tesaronika daidi 1:5

Dai‑ya oda hiyara oda ati tohi awiramaroni. Deoso Ati Amosabote ati oda hiyarabisamaroni. Deoso‑ka Doni ene kite dai awemarine. Deoso ati‑nima oda na, keyehe‑ya oda hiriterani. Oda ene‑ya dai awamaro, dai‑ya oda nofi nafe, oda dai watoneni.