Korito daidi 8:9 - Deoso-ka Yama Hani

⁹ Dai noko wadahi. Dai‑ka soho yama‑ya wato bi‑bidi ne, dai ene‑ya aweya, atibodi hini‑ya weerayaho.

Korito daidi 8:9 ပူးပေါင်းရင်းမြစ်များ

Mateo 18:10

“Owati dai mitahi. ‘Madehe towe hini tohiya.’ Dai atibodi ati riyahi. Okobi tabaro‑ya Deoso‑ka yo‑yose madehe‑ya mai kayawateni.

Homa 15:1

Deoso ati‑ya ai wato ba‑basi na, Deoso ati‑ya mai wato bi‑bidi na, mai dai kasomahi. Hini yama tiwa‑ya kasomi ohare‑bone‑ya nokotiniriyahi. Yama‑ya mai wato bi‑bidi na mai tikasomaharebone, nokotiniharihi.

Korito daidi 10:24

Tiwa ohare tiwa tinofariyahi. Mai nafi tinofabisiya, tiwa ene mai ya‑yainaboneni.

Korito daidi 10:28

Mai one naha, “Mai‑ka deoso bare‑ya bani‑ya daanene.” Ati ne, ati dai mite, bani dai kabariyahi ati yanane, atibodi hini‑ya weerebonaha.

Korito daidi 10:29

“Bani‑ya ai owa ati kabi nofare, hini yamata ihi owa‑ya ati barinati?” Dai ati na awineni. Ai ene mai atibodi mai‑ya weeriyahi.

Korito daidi 10:32

Yodeo mai toha, Kereko mai toha, Deoso‑ka mai toha na, dai ene‑ya mai awiya, Yeso hawine‑ya mai taratokariyahi.

Korito daidi 8:10

Yama‑ya mai wato bi‑bidi na, yama dai wato ba‑basi na, mai noki‑ya deoso bare‑ka bani‑bona‑ya dai kaba, dai‑ya mai awiya, dai ene deoso bare‑ka bani‑ya mai kabamakeba awineni.

Korito daidi 8:12

Dai ene dai‑ka soho atibodi koma, dai ene Kirisito atibodi komahari tene. Fara dai ene amosarani.

Korito daidi 9:22

Yama‑ya mai watora mai‑ya osawe, mai‑nima onihi ona, owati ihi Kirisito ati‑ya mai watowahaba awineni. Mai nafi‑ya osawe, mai‑nima onihi ona, owa‑ya mai nofiya, Kirisito ati‑ya mai nofawahaba awineni.

Korito yoto‑ke 11:21

Mai ihi‑nima owa ene ra, hiniya okitaramone dai ati na awineni. Ka‑kana mai ati‑nima owati na, owa tamine okaminawahaboneni.

Korito yoto‑ke 11:29

Yeso ati‑ya mai one nofa, mai ihi amosara mai tamine omita, owatibodi koma, mai‑ya owatibodi kasomateni. Mai one ihi Deoso‑ka owa ene amosare, mai ihi oyawani.

Korito yoto‑ke 6:3

Oda ene amosini, Deoso tabaro hawine‑ya mai yakana, oda ene‑ya mai awa, mai taratokarihi, oda ene‑ya mai one awa, Deoso‑ya mai weerihi nabone oda ati teni.

Karatiya 5:13

Deoso dai‑ya kadikemari, dai ene towe dai‑ya yaditonamaraboneni. Yeso ati‑ya dai nofa, dai atibodi bote ati‑nima dai namariyahi. “Owa‑ta ya‑yai·obisaboneni. Owatibodi bote ati‑nima onaboneni.” Dai ati riyahi. Deoso dai‑ya seekane, dai atibodi yati ati‑nima dai naboneni. Dai ibi nofiya, dai ibi kasoma niya, dai nafi ya‑yainaboneni.

Koroso 2:8

Dai noko wadahi, dai‑ya keyehe‑ya mai hirikarabonehe. Keyehe‑ya mai hi‑hiri mai ati dai nofa‑mani, dai yaditona‑nima dai na neni. Keyehe‑ya mai hirina, Deoso ati‑mona mai ati na, hini mai ati toha awineni, madi mai ati toha awineni. Yeso Kirisito ene tohi awire, hini mai ihi keyehe‑ya mai hirinineni.

Bedoro daidi 2:16

Mai one‑ka yo‑yose dai tohara, Deoso‑ya na‑narifa dai toha, deoso ati‑nima dai ene amosarariyahi. Dai ene amosabone Deoso nofateni.

Bedoro yoto‑ke 2:19

Mai fanawi dai nokotoniyahi mai ati na, dai‑ya mai barikanabone mai ati amani. “Oda ati dai tokadabiya, oda ati dai‑ya seekanaboneni.” Mai ati na. Satanasi hibati‑ya mai barihikana, mai one‑ya mai seekanabone mai ati na, keyehe‑ya mai hirineni.

Yeso Kirisito ene‑bona 2:14

Dai ene amosa hinama tohi awirani. Baraho ati‑mari‑nima dai one ene tohanineni. Baraki‑ya i‑di Baraho kanawato, Yodeo mai‑ya Baraki kanawatomakimarine. Baraki ati ene deoso bara mai‑ka bani mai‑ya Yodeo mai kabamaro, fana bara mai‑ya Yodeo mai idiwaha namaroni.