Korito daidi 8:6 - Deoso-ka Yama Hani

⁶ Bofe‑ka mai‑ka deoso mai dama, Deoso yokana ohari, ai‑ka Abi amane. Yama nafi‑ya Deoso wamanemata, fare ai kahiyarahi. Deoso Bidi yokana i‑di Yeso Kirisito ai‑ka Hidi yokana oharine. Yama nafi‑ya wamanemata ene ai hasinineni.

Korito daidi 8:6 ပူးပေါင်းရင်းမြစ်များ

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Mateo 28:18

Makobote Yeso oda‑ya kobone, oda‑ya hiyare, “Neme, Bofe na‑ka hidi ohawahineni.

Yowaho 1:10

Yama nafi‑ya wamanemata, bofe‑ya sawiwahe, bofe‑ka mai hiwatoremarine.

Yowaho 1:3

Deoso‑ya Yo‑yofikana yama nafi‑ya wamane, yama‑ya mai one wamarametemoneni.

Yowaho 10:30

Okobi oda oharineni.” Yeso ati nemarine.

Yowaho 13:13

Owa‑ya dai ayo nineni. Dai‑ya ka‑kanawato owa‑mone dai ati na, dai ati‑nima oneni.

Yowaho 14:20

Okobi oda famini, oka dai toha ai ohariwamabone, fara okitamiya dai wataboneni.

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yowaho 20:17

“Hibareya owa damatiriyahi. Okobi‑ya okomi awisa orani. Oka soho mai‑ya tikamiya, mai tihiyarahi. ‘Ai‑ka Abi‑ya okomabone, ai‑ka Deoso‑ya okomaboneni. Ati nene.’ Tiyahi.” Yeso ati nematane.

Yeso‑ka yo‑yose mai tamine 17:28

Deoso ene ai hasina, ai toka, ai winateni. Deoso awire‑mana, ai hasira neni, ai aba neni. ‘Deoso bidi ai amani.’ Dai owa ati ne. Fara amani. Deoso bidi ai amani.

Yeso‑ka yo‑yose mai tamine 2:36

Isara·eo‑ka nodi dai toha, yama dai watohi! Yeso dai baakanemari, Deoso ene ai nafi‑ka Hidi tohe, Kirisito amane. Dai ati kadamowamariyahi.” Bedoro ati nane.

Yeso‑ka yo‑yose mai tamine 5:31

Deoso ene Deoso‑ka kanika‑ya hina·itari, itarine, ai nafi‑ka hidi toha, ai manakone‑ya nanahaba toha nane. Isara·eo‑ka hini mai tamine‑ya mai kamina, mai‑ya Deoso ati somawamebonane.

Homa 11:36

Yama ai kiha‑ya Deoso daanemari, yama nafi‑ka hidi amane. Ai kahiyare, ai kahiyari fawarayaho. Feye amani.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito daidi 12:3

Deoso ati‑mona mai ati na, mai ati dai nofa kanibote riyahi. Mai ati dai mita, mai ati‑ya dai atibodi kadikiya, mai ati dai watowahaboneni. Yeso ati kasiro‑mona mai ati na, Deoso‑ka Doni ati tohi awire, madi mai ati tohabisineni. “Yeso ati amose, ai‑ka Hidi amane.” Mai ati na, Deoso‑ka Doni ati‑ya mai ati tohateni.

Korito daidi 6:13

Yamata‑ya Deoso nayanane, ai kababonehe. Yamata ai kababone, ai tefe weyene‑ya Deoso wama, ai nabadi‑ya wama nematane. Makobote Yeso kamataseya, ai fimimaraboneni. Hini yamata‑bone Deoso ai abano‑ya wamanamatati? Deoso‑ya ai kahiyarabone, ai‑ya kasomebona ai abano‑ya wamanematane. Ai ene amosarabone ai‑ya wamani awirematane.

Korito daidi 8:4

“Mai‑ka deoso bare‑ka bani‑bona oda kabakaribana?” Dai‑ka yama hani ati nani. Mai‑ka deoso hiniya wamane, deoso tohaterene. Deoso yokana oharibisatene.

Efesiyo 1:3

Deoso ai kahiyarahi. Yeso Kirisito ai‑ka Hidi‑ka Abi i‑di Deoso amane. Deoso ai‑ya kasome ene Kirisito‑ka ai toha, neme‑ya yama nafi Kirisito hikayaha, fara ai kayafamakeboneni.

Efesiyo 3:14

Fare ai‑ka Abi noko‑ya owa yobati‑kaya owaa, dai tamine‑ya Deoso‑ya ohiyarateni.

Koroso 1:6

Deoso Ati Amosabote ati dai mite, ati dai nofe, mai one‑ya ati dai kaminamaki, dai ene Deoso Ati Amosabote mai one nofamoneni. Awa yana, tonafe, bonowahateni. Fara‑nima Deoso Ati Amosabote toheya mai dami mita, ati mai hinofe Deoso‑ka mai dodamateni.

Bedoro daidi 1:21

Hini Bidi‑ya Deoso nakitame, neme‑ya towakame, wehene nafi‑ya daanematane. Bidi ati‑ya dai nofa ene badi‑ya dai watowaha, ati‑ya dai nofa, tabaro‑ya dai tokabone dai nimaneni.

Yeso Kirisito ene‑bona 1:18

O·abamaro, okitamamaro, owa tiawahi. O·abamateraboneni. Mai aba mai tame‑ka safi dama·okana, mai korimari wiye‑ka safi dama·okana, oneni.