Korito daidi 8:3 - Deoso-ka Yama Hani

³ Deoso ai nofe ai‑ya wato nafitene.

Korito daidi 8:3 ပူးပေါင်းရင်းမြစ်များ

Mateo 7:23

‘Dai oyoseramaroni. Dai tokahi, dai ene amosararo.’ Onaboneni.” Yeso ati nemarine.

Yowaho 10:14

Kaneiro mai‑ka hidi amosabote ama·oni. Oka kaneiro mai owato, owa‑ya mai watohari nineni.

Yowaho 21:17

Bedoro‑ya hiyaramatase, “Simaho, Yoaho bidi amatini. Owa tinofiraniha?” Ati namatasemarine. Yeso ati yanani 3 tohe ene Bedoro ati yawe, “Ayo, yama nafi tiwatoneni. Tiwa onofa, owa tiwatoneni.” Ati nemarine. “Oka kaneiro mai tinatafahi.

Homa 11:2

Hibati‑ya Isara·eo‑ka mai‑ya Deoso kadikemata, mai‑ya kakanaterene. Deoso ati‑ya mi‑mita‑mata i‑di Eriya Isara·eo‑ka nodi mai tamine‑ya hiyarane.

Korito daidi 13:12

Hibayata isibiyo towe‑ya ai awi‑nima Deoso‑ya ai awi re‑refona, makobote Deoso noko ai awawahaboneni. Hibayata owato bide oha, makobote Deoso owa‑ya wato‑nima yama owatowahaboneni.

Korito daidi 2:9

Deoso ai nofa ai‑ka yama amosabote Deoso wamahinamete‑ya ai‑ya daanebonane. “Ai‑ka yama‑bone‑ya mai awarihi, yama tamine‑ya mai mitarihi, ai‑ka yama‑bone hibati‑ya ai watorihi nineni.” Deoso‑ka yama hani ati nineni.

Karatiya 4:9

Deoso yokana dai watowaha, Deoso dai‑ya watoharine, hini yama‑bone madi mai‑ya dai ati hiyaramiti? Madi mai ati dai nofamatasiya, dai‑ya mai yosematasaboneni. Dai‑ka hidi mai tohawahaboneni. Madi mai kitara, dai‑ya mai kasomateraboneni.

Timoti yoto‑ke 2:19

I‑di Deoso ati abaterene. Deoso mai‑ya kadikemari, Deoso mai oni‑ya watone. Deoso‑ka ama·oni, ai ati niya, Deoso ati‑nima ai nahi. Ai ene amosahi.

Tiyako 1:12

Dai ene‑ya Deoso kakatome, yama towe awi dai‑ya kobona, dai atibodi yawara, Deoso ati dai tokadabanasa na, Deoso dai‑ya kasomebonane. Makobote dai tati‑ya mai‑ka Hidi webote tati borone‑nima ne‑ya dai‑ya daanebonane. Dai tamine‑ya Deoso hiyare, “Owa‑ya mai nofa, owa tabaro‑ya mai winabisaboneni.” Deoso ati nematane.

Tiyako 2:5

Oka soho dai toha, owati dai mitahi. Yama dama‑ya mai kihara Deoso mai‑ya kadikemata, Deoso ati‑ya mai nofi ba‑basi na, mai tabori‑bone‑ya wamane, “Owati‑ya dai no‑nofa owa tabaro‑ya dai winaboneni.” Deoso ati nematane.

Bedoro daidi 1:8

Yeso Kirisito dai awaremari, dai nofi neni. Hibayata dai aware, ati dai nofe, Deoso dai kahiyara, dai ya‑yaini ba‑basi na‑ya mai awa, yama‑ya mai watoterani.

Yowaho daidi 4:19

Deoso ai‑ya nofi bahe, makobote mai ai nofamakiteni.

Yowaho daidi 4:7

Oka dai toha, owati dai mitahi. Deoso ene ai ibi nofateni. Deoso bidi ai toha, ai ibi nofa, Deoso ati‑ya ai wato teni.

Yeso Kirisito ene‑bona 2:13

Dai ene nafi owatoneni. Dai wini‑kaya Satanasi ati‑ya mai dami tokadabineni. Anitibasi dai‑ya sawimari, owa oni‑ya saatonakosi awiremari ene Anitibasi‑ya mai one nanahabani. Anitibasi‑ya mai nanahabiya, owa oni‑ya dai saatonakosi awirani.

Yeso Kirisito ene‑bona 2:19

Dai ene nafi owatoneni. Dai ibi nofa, dai ibi kasoma, Deoso ati dai nofa, Deoso‑ka hawi bai‑ya dai maakani awirani. Hibayata dai ene amosi ba‑basi nineni.

Yeso Kirisito ene‑bona 2:9

Dai ene nafi owatoneni. Deoso‑ya mai nofara, dai‑ya mai weenineni. Dai‑ka yinero nafire, neme‑ya dai‑ka yama dama tohabisineni. ‘Deoso‑ka dai tohi awirini. Deoso bidi oda amani.’ Yodeo mai one ati na, keyehe‑ya mai hirineni. Satanasi‑ka mai amani.