Korito daidi 8:10 - Deoso-ka Yama Hani

¹⁰ Yama‑ya mai wato bi‑bidi na, yama dai wato ba‑basi na, mai noki‑ya deoso bare‑ka bani‑bona‑ya dai kaba, dai‑ya mai awiya, dai ene deoso bare‑ka bani‑ya mai kabamakeba awineni.

Korito daidi 8:10 ပူးပေါင်းရင်းမြစ်များ

Yeso‑ka yo‑yose mai tamine 15:20

Mai‑ka yama hani‑ba ai kanahanohi. ‘Mai‑ka deoso bare‑ka bani‑bona mai daahine‑ya dai kabarihi, mai fanawi one‑ya dai aharihi, bani emene abare eme dai kabarihi nahi.’ Ai‑ka yama hani ati naboneni.

Homa 14:14

Yeso ene yama‑ya owatoneni. Yama owatibodi hikaba, okobiya, Deoso owa‑ya weerebonane. Yama tiwatibodi hikaba, tikabiya, sibaraboneni. Deoso ene yama‑ya tikabarabone tiwatibodi ati na, tikabariyahi. Tikabiya, Deoso ene tiwatibodi tiwa‑ya weenaboneni.

Homa 14:23

Deoso ene yama dai kabarabone dai atibodi ati na, yama dai kabariyahi. Yama dai kaba, dai ene towe tohani. Deoso ati‑nima ai ni awira, ai ene amosaterani.

Korito daidi 10:32

Yodeo mai toha, Kereko mai toha, Deoso‑ka mai toha na, dai ene‑ya mai awiya, Yeso hawine‑ya mai taratokariyahi.

Korito daidi 8:4

“Mai‑ka deoso bare‑ka bani‑bona oda kabakaribana?” Dai‑ka yama hani ati nani. Mai‑ka deoso hiniya wamane, deoso tohaterene. Deoso yokana oharibisatene.

Korito daidi 8:7

Deoso oharibise‑ya ai one watora, deoso mai dama‑mone mai atibodi ati na, Bara mai‑ka deoso‑mona‑ka bani‑ya mai kaba, hini mai‑ya mai atibodi weeteni.

Korito daidi 8:9

Dai noko wadahi. Dai‑ka soho yama‑ya wato bi‑bidi ne, dai ene‑ya aweya, atibodi hini‑ya weerayaho.