Korito daidi 8:1 - Deoso-ka Yama Hani

¹ Mai‑ka deoso wamane‑ka bani‑bona mai daahine, kabi tamine dai watobisamone dai‑ka yama hani ati na, yama‑ya dai watamone dai ati na, hini dai‑ya dai tonanafebone dai ati amani. Mai ai nofa, mai ai tonanafibisa, ai‑ya ai tonanafiterani.

Korito daidi 8:1 ပူးပေါင်းရင်းမြစ်များ

Yeso‑ka yo‑yose mai tamine 15:10

I‑di Mose ati‑ya ai‑ka idi mai tokadabara, ati ai tokadabaharire. Hini yamata ihi Bara mai‑ya dai ati bari, Mose ati‑ya mai tokadabara, Deoso‑ka mai toharabone dai ati na, Deoso yawebonane.

Yeso‑ka yo‑yose mai tamine 15:29

Mai‑ka deoso bare‑ka bani‑ya dai kabarihi, ama dai kabarihi, bani emene abare eme dai kabarihi, mai fanawi one dai aharihi nahi. Oda ati‑nima dai niya, dai sibaraboneni. Feye amani.” Yama hani ati nineni.

Yeso‑ka yo‑yose mai tamine 21:25

Mose ati‑ya Bara mai tokadabara, mai sibarineni. Hibati‑ya mai tamine oda kanahanamaroni. Mai‑ka deoso bare tefe‑ya mai kabarihi, ama‑ya mai kabarihi, bani emene abi awire‑ya mai kabarihi, mai fanawi one‑ya mai aharihi, haa‑nima mai niya, mai sibaraboneni. Yodeo mai‑ta Mose ati‑nima mai teboneni.” Tiyako ati nemarine.

Homa 11:25

“Yodeo mai ati kasira oda‑ta oda amosabisineni.” Dai ati riyahi. Yama‑ya mai watoramete yama dai watowahi. Hibayata Isara·eo‑ka mai one atibodi kita, Deoso ati‑ya mai nofara, Bara dai one‑ya Deoso kadikemata, ati dai nafi hinofeya, yama hawa tohawahaboneni.

Homa 12:16

Hini dai‑ka yama‑bone‑ya dai nokotini ohaririyahi. Dai atibodi fara hinama tohahi. Dai one‑ka yama‑bone dai nokotoniharihi. Yama‑ya mai kihara mai‑ya tisawiyahi. Tiwa‑ta tinofabisa tiriyahi.

Homa 14:10

Dai ene‑nima dai owa mai ihi ra, mai dai tairiyahi, mai ihi‑ya dai kadikariyahi, dai nahi. Ai nafi Deoso noko‑kaya ai nahoya, ai ene‑ya Deoso kadikebonane.

Homa 14:14

Yeso ene yama‑ya owatoneni. Yama owatibodi hikaba, okobiya, Deoso owa‑ya weerebonane. Yama tiwatibodi hikaba, tikabiya, sibaraboneni. Deoso ene yama‑ya tikabarabone tiwatibodi ati na, tikabariyahi. Tikabiya, Deoso ene tiwatibodi tiwa‑ya weenaboneni.

Homa 14:19

Ai ene mai ibi nofi nafe, mai ibi kasomiyahi.

Homa 14:22

Tiwatibodi ati‑nima mai atibodi ati ni awiriya, sibarini. Tiwatibodi ati tikaminiya, tiwa‑ya mai weenaba awineni. Tiwatibodi ati‑ya Deoso wato, tiwatibodi ati tikamini awiriya, tiwa‑ya mai weeni awiraboneni.

Homa 14:3

Bani dai ati kaba, sibarihi, bani‑ya mai kabara mai‑ya dai weeriyahi, bani‑ya dai ati kabara, sibarihi, bani‑ya mai kabiya, mai‑ya dai weeriyahi, dai nahi. Mai‑ya Deoso kayafemari, mai dai weeriyahi.

Homa 15:14

Oka soho dai toha, yama dai wata, dai ene amosa, dai ibi kanawata, dai ene ya‑yai·oneni.

Korito daidi 1:5

Deoso dai‑ya kanawato ene yama dai wato ba‑basi na, Deoso ati kamini dai wato, Deoso ene yama nafi‑ya dai wato neni.

Korito daidi 10:15

Yama‑ya dai wa‑wato‑mone ona, owati dai kadikiya, yama owata dai watowahaboneni.

Korito daidi 10:28

Mai one naha, “Mai‑ka deoso bare‑ya bani‑ya daanene.” Ati ne, ati dai mite, bani dai kabariyahi ati yanane, atibodi hini‑ya weerebonaha.

Korito daidi 14:20

Soho, madehe i‑isi na yama towe‑ya mai atibodi kadikaterani. Mai‑nima yama towe‑ya dai kadikariyahi. Madehe yama‑ya watora, mai‑nima dai riyahi. Ai hawa toha, yama‑ya wato‑nima yama dai watobisahi.

Korito daidi 15:34

Dai amona‑nima dai na, dai dodafiya, dai atibodi dai kadikahi, dai ene amosabonehe. Mai one yama‑ya mai wa‑wato‑mone mai ati na, Deoso‑ya mai nofara dai‑ya keyehe‑ya mai hirikanateni, dai ene amosarabonehe. Yama dai watabone ona, yama dai watora awineni.

Korito daidi 4:10

Kirisito ene yama dai watamone dai ati na, Kirisito ati oda kamina, ka‑kana oda namone mai ati teni. Dai kitamone dai ati na, oda‑ta oda kitaramone mai ati teni. Dai‑ya mai kahiyara, oda‑ta oda‑ya mai kakobisineni.

Korito daidi 4:18

Dai one hini mai‑ya mai kahiyara, “Yama oda watobisa, oda ene Baoro kakomehe, oda tabaro‑ya kamarebonane.” Mai ati namoneni.

Korito daidi 4:6

Oka soho dai toha, yama‑ya dai watabone, i‑di Aboro oda fama oda tamine okanahanoneni. Deoso ati dai fiyakariyahi. Ai owa ohari dai nokotoniriyahi. Ai owa ene‑ya ai owa ene ai katomiriyahi.

Korito daidi 5:2

Dai‑ya dai kahiyarariyahi. Dai‑ka owa ene dai ya‑yairiyahi. Dai ohinibisahi. Ene amosare, dai‑ya dabamarayaho.

Korito daidi 5:6

Dai ene amosa‑mone dai ati na, dai ene amosarani. Dai‑ka owa ene‑ya dai kofeya, fare ene‑nima dai ene namakeboneni. Femeto i‑isi ne baho‑ya dabeya, baho tonafiteni. Fare femeto i‑isi ne‑nima dai‑ka owa ene ne dai kofeya, dai ene towe tohahareboneni.

Korito daidi 8:2

Yama‑ya mai watobisamone mai ati na, yama‑ya Deoso mai‑ya kanawatobona‑ya mai wato awisarini.

Korito daidi 8:4

“Mai‑ka deoso bare‑ka bani‑bona oda kabakaribana?” Dai‑ka yama hani ati nani. Mai‑ka deoso hiniya wamane, deoso tohaterene. Deoso yokana oharibisatene.

Korito daidi 8:7

Deoso oharibise‑ya ai one watora, deoso mai dama‑mone mai atibodi ati na, Bara mai‑ka deoso‑mona‑ka bani‑ya mai kaba, hini mai‑ya mai atibodi weeteni.

Efesiyo 4:16

Ai abano kobobona, hini ihi‑ya anina, ai abano nafi‑ya kasoma, ai yana, ai hawa toha, ai teni. Fara‑nima Yeso Kirisito‑ka ai toha ai ene‑bone‑ya ai anina, ai nafi‑ya ai nofa, ai nafi‑ya ai kasoma, Yeso ene‑nima ai ene nawaha, ai hawa toha, ai teboneni.

Koroso 2:18

Dai‑ya mai keyeheriyahi. “Wada owa ihi yama owatowahani.” Mai ati na, mai ati dai nofariyahi. “Deoso‑ka yo‑yose mai dai kahiyara, dai abano dai nofara, dai abano dai nakomahi, Deoso dai‑ya nofi ba‑basi nebonane. Owa abano onofara‑nima dai abano dai nofara, hini owa ene Deoso wadarine oawateni.” Mai ati na, mai ati dai nofariyahi.

Yeso Kirisito ene‑bona 2:14

Dai ene amosa hinama tohi awirani. Baraho ati‑mari‑nima dai one ene tohanineni. Baraki‑ya i‑di Baraho kanawato, Yodeo mai‑ya Baraki kanawatomakimarine. Baraki ati ene deoso bara mai‑ka bani mai‑ya Yodeo mai kabamaro, fana bara mai‑ya Yodeo mai idiwaha namaroni.

Yeso Kirisito ene‑bona 2:20

Dai ene amosa hinama tohi awirani. I‑di Yesabeo ati‑maro‑ya dai one dai‑ya kanawatoneni. Fara ihi owa‑ya mai na‑narifa mai tosawarineni. ‘Deoso ati‑ya ka‑kamina ama·oni. Deoso ati okaminaboneni. Fana bara‑ya dai idi, maki bare‑ya dai idi niya, yama sibarineni. Mai‑ka deoso bara mai‑ya mai kahiyarabone, mai‑ya dai sawi niya, yama sibarineni.’ Ati na, dai‑ya kanawatoneni. Ati dai mita, ‘Haa‑nima tiwati riyahi!’ Dai ati ni awirani. Yama towe amani.