Korito daidi 7:9 - Deoso-ka Yama Hani

⁹ Fana‑ya tiwatibodi ati dakoriya, tifanahi, mai one‑ya didakorarabonehe. Hini ai‑ka yibote‑ya ai dakora, ai sibarini. Mai one‑ya ai atibodi ati dakora, ai ati kasiroteni.

Korito daidi 7:9 ပူးပေါင်းရင်းမြစ်များ

Yeso‑ka yo‑yose mai tamine 19:36

Mai nafi hiwatoni, keyehe hiri·oni awirini. Dai ati fawanahi. Dai yawariyahi.

Korito daidi 7:2

Owati dai mitahi. Deoso ati‑ya mai nofara mai ibi siwakani dama mai‑nima dai rabone, dai ati fana tika yibote ohare dai famahi. Mai fanawi one‑ya didakorariyahi. Fara‑nima mai fanawi na mai ati faniya, mai‑ka yibote ohari‑ya mai fama, sibarini. Mai makidi one‑ya mai dakorariyahi.

Korito daidi 7:28

Yetene dai toha, atona dai toha, dai na, dai honita naha, dai ati faniya, dai faniya, sibaraboneni. Deoso yawarebonane. Ai‑ya mai ka‑kako mai ihi, mai fana yati mai habi siitoni damabone owatibodi ati nofa, fara hiniya dai‑ya okasomabone, dai‑ya owati barirabone owati amani.

Korito daidi 7:36

Tika yibote‑bone bo‑boterama naya, tiwati fama, fara tiwa‑ya ati fama na, mai one dai dakorarabone, dai famahi. Sibarini. Dai ene towe tohi awirini.

Korito daidi 7:39

Mai fanawi fana, mai‑ka yibote abare, bare‑ya mai idiwahariyahi. Mai‑ka yibote abe, mai honita wahawama, mai fanamatasabone mai ati na, mai‑ka yibote‑bona Deoso ati‑ya nofeya, mai famamatasiya, sibaraboneni. Mai‑ka yibote‑bona Deoso ati‑ya nofareya, mai famariyahi.

Tesaronika daidi 4:4

Dai atibodi ati amosa hinama toha, dai ene amosaboneni. Dai atibodi ati amosa, Deoso ati dai tokadaba, dai‑ya mai weeni awiraboneni. Dai ene‑ya mai nofaboneni.

Timoti daidi 5:11

Fana fanamaro, maki abeya, bote tohasa ra, oni tikanahanoriyahi. Deoso‑ka yama ani‑ya aninibisabone ati na, oni tikanahano awisarihi tinahi. Makobote maki owa‑ya nokotonamakiya, hini ati‑nima na raboneni.

Timoti daidi 5:14

Owati timitamatasahi. Mai fanawi fanamaro, mai‑ka yibote mai abamaro, mai bote tohi awira, mai fanamiya, mai‑ka madehe‑ya mai nayaniya, mai‑ka madehe‑ya mai kanawatoyahi. Haa‑nima mai niya, mai ihi amosaboneni. Yeso ati‑ya mai nofara ai‑ya mai weeni awiraboneni.