Korito daidi 7:29 - Deoso-ka Yama Hani

²⁹ Yeso ati‑ya dai no‑nofa owati dai mitahi. Yeso koboni nahorebonane. Dai fana, dai‑ka yibote mai‑ya dai nokotoni ohaririyahi. Ai fanara‑nima dai nahi.

Korito daidi 7:29 ပူးပေါင်းရင်းမြစ်များ

Roka 14:20

‘Hibayata ofana, mai marinabone mai‑ya owati tokomaki nofarini.’ Owa ati tasane.

Korito daidi 7:28

Yetene dai toha, atona dai toha, dai na, dai honita naha, dai ati faniya, dai faniya, sibaraboneni. Deoso yawarebonane. Ai‑ya mai ka‑kako mai ihi, mai fana yati mai habi siitoni damabone owatibodi ati nofa, fara hiniya dai‑ya okasomabone, dai‑ya owati barirabone owati amani.

Korito daidi 7:30

Dai ohina, ai ohira‑nima dai nahi. Dai ya‑yaina, ai ya‑yaira‑nima dai nahi. Yama dai kanika, yama dai nokotoniriyahi.

Korito daidi 7:31

Deoso ati‑ya mai nofara yama dama‑ya mai kihabone, yama‑ya mai nokotoniteni. Dai‑ta yama‑ya dai nokotoniriyahi. Bofe‑ka yama nafi ababoneni.

Bedoro daidi 1:24

Deoso ati mai hikanahanomata, ati dai mitahi. “Bofe‑ya dai wi‑wina dai‑ka faha fowe damariya, dai ababoneni. Kabihi mowe‑nima dai nineni. Mowe wayatona, abateni.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Yowaho daidi 2:17

Mai‑ka no‑nokotoni abawahaboneni. Deoso‑ta ai nokotonihe, ai abateraboneni.