Korito daidi 7:21 - Deoso-ka Yama Hani

²¹ Dai‑ya mai kaniki hawa tohiya, Deoso ati dai nofawaha, dai atibodi korikasariyahi. Dai ene amosa dai‑ka hidi dai‑ya seekaneya, dai ya‑yainahi.

Korito daidi 7:21 ပူးပေါင်းရင်းမြစ်များ

Roka 12:29

Dai kakomeheriyahi. Deoso ai tefe‑bone‑ya daa, ai‑ka fa‑fawa‑bone‑ya daa nebonane.

Roka 21:34

“Dai noko wadahi. Dai siwariyahi. Kawi dai fawariyahi. Yinero dai nokotoniriyahi. Yama dama dai nokoniya, yama yanani kanibote na ihi yama we‑wee‑kaya dai saweboneni.

Korito daidi 12:13

Hibati‑ya Yodeo ai one toha, Kereko ai one toha, ai‑ya mai ka‑kanika ai one toha, ai‑ya mai kanikara ai one toha namaroni. Makobote Deoso‑ka Doni ene Yeso kobobone ai tohawaha, fara hinama ai‑ya Deoso‑ka Doni sawiwahane.

Korito daidi 7:20

Hibati‑ya dai sowiri tati ataro tohamaro, hini tohasa niya, sibaraboneni.

Korito daidi 7:22

Mai mai hikanikamaro Deoso ati‑ya mai nofawaha, Deoso‑ka se‑seekana mai tohawahani. Mai mai hikanikaramaro Deoso ati‑ya mai nofawaha, Kirisito‑ka ka‑kanika mai tohawahani.

Karatiya 3:28

Ai hinama tohawahineni. Yeso‑ka ai nafi tohawahani. Yodeo ai one toha, Bara ai one toha, ai one‑ya mai kanika, ai one‑ya mai kanikarihi mai namaroni. Maki mai toha, mai fanawi toha na, Yeso‑ka ai nafi tohawahineni. Yeso Kirisito ati ai nofa, ai hinama tohawahineni.

Firibo 4:11

Hibati‑ya owa‑ya dai kasomariya, yama sibarihi namaroni. Mahi dami‑ya owatibodi ati somateni.

Firibo 4:6

Yama awi amosara ihi dai korikasariyahi. Yama hini dai atibodi kobohinaya, Deoso‑ya dai haana, Deoso dai kahiyara, dai ya‑yai dai nahi.

Koroso 3:11

Deoso ati‑ya ai no‑nofa Kirisito ene fara hinama ai tohawaha, Yodeo dai one toha, Bara dai one toha namaro, dai one sowiri tati ataro‑ya mai wisinakosa, dai one sowiri tati ataro‑ya mai wisinakosarihi, dai one oda ati‑nima ati nihi, dai one ati bara toha, dai one yama yaki‑ya wina, dai one ahiyata‑ya wina na, dai one‑ya mai kanika, dai one‑ya mai kanikarihi namaroni. Yeso Kirisito ai atibodi‑ya sawiwahe, ene fara hinama ai tohawahineni.

Ebereo 13:5

Yinero dai nokotonira, Deoso ene yama dai kiha, dai ya‑yai nahi. “Dai‑ya osawebone, dai honita tohateraboneni.” Deoso ati nematane.

Bedoro daidi 5:7

Mai ati ihi dai korikasa, dai tamine Deoso‑ya dai hiyarahi. Deoso dai‑ya nofe, dai‑ya kasomebonane.