Korito daidi 7:2 - Deoso-ka Yama Hani

² Owati dai mitahi. Deoso ati‑ya mai nofara mai ibi siwakani dama mai‑nima dai rabone, dai ati fana tika yibote ohare dai famahi. Mai fanawi one‑ya didakorariyahi. Fara‑nima mai fanawi na mai ati faniya, mai‑ka yibote ohari‑ya mai fama, sibarini. Mai makidi one‑ya mai dakorariyahi.

Korito daidi 7:2 ပူးပေါင်းရင်းမြစ်များ

Mateo 5:32

Owati dai mitahi. Tifana, hini tiwa ene tika yibote honita wahawamiya, maki bare‑ya tika yibote famawahaba awineni. ‘Tiwa ene toha, tika yibote ihi toha, maki owa ene toha nane.’ Deoso ati nebonane. Dai nafi‑ya weenebonane. Tika yibote tikako awiriya, hini atibodi ihi maki bare‑ya famawahiya, tiwa‑ta tiwa‑ya Deoso kakorebonane.” Yeso ati nemarine.

Korito daidi 6:18

Fana one‑ya tiwati aha, kanatibisahi, tiaharabonehe. Ai ene amosara ai‑ya nakoma, fana one ai aha, ai kobobona mai tohawaha, mai ihi towe ai kayafateni.

Korito daidi 7:1

Owati dai mitabone, oka yama hani‑bone dai daana‑ya oawani. “Dai honita wahamaro, dai fanara, sibarineni.” Owatibodi ati neni.

Korito daidi 7:3

Tika yibote tiwa‑ya ati kobona, dai dakorahi. Tika yibote tiwa‑ya ati kobone, dai dakorahari, dai nahi.

Korito daidi 7:9

Fana‑ya tiwatibodi ati dakoriya, tifanahi, mai one‑ya didakorarabonehe. Hini ai‑ka yibote‑ya ai dakora, ai sibarini. Mai one‑ya ai atibodi ati dakora, ai ati kasiroteni.

Efesiyo 5:28

Fara Kirisito ai‑ya nofi nafi, dai‑ka yibote dai nofi nafiyahi. Tiwa‑ya tinofi‑nima tika yibote tinofiyahi. Tika yibote dai fama, fara tika yibote tinofiya, tiwa‑ya tinofineni.

Efesiyo 5:33

Makidi dai toha dai‑ka yibote mai dai nofahi. Dai‑ya dai nofi‑nima dai‑ka yibote mai dai nofahi. Fana dai toha dai‑ka yobote mai ati dai tokadabahi.

Tesaronika daidi 4:4

Dai atibodi ati amosa hinama toha, dai ene amosaboneni. Dai atibodi ati amosa, Deoso ati dai tokadaba, dai‑ya mai weeni awiraboneni. Dai ene‑ya mai nofaboneni.

Timoti daidi 4:3

“Dai fanarihi, bani dai kabarihi, dai nahi.” Madi mai ati ihi mai ati naboneni. Bani‑ya Deoso wamanematane, ai tefe bonehe. Deoso ati ai nofa, Deoso‑ya ai kahiyariya, bani ai kaba, ai sibarihi ai teni.