Korito daidi 7:19 - Deoso-ka Yama Hani

¹⁹ Hibayata ai sowiri tati ataro wisina‑ya Deoso nokotoni awire, hini ati‑nima ai niya, ya‑yainebonane.

Korito daidi 7:19 ပူးပေါင်းရင်းမြစ်များ

Mateo 5:19

‘Deoso ati kote onofa, fara owa‑nima dai nahi. Deoso ati kote dai nofiya, dai sibaraboneni.’ Mai one ati na, Mai ati‑ya Deoso nofarebonane. Mai ati‑nima dai riyahi. Deoso ati nafi‑ya mai tokadaba, ati mai hikamine, mai ati‑ya Deoso nofabisebonane.

Yowaho 15:14

Owati dai tokadaba, oka no‑nofa dai amani.

Homa 3:30

Deoso ohari‑ta tohe, Yeso ati‑ya Yodeo mai nofa, mai‑ya Deoso ati somawama, Yeso ati‑ya Bara mai nofa, mai‑ya ati somawamahari tene.

Korito daidi 8:8

Bani ai kabe ene Deoso ai‑ya nofi na‑nafi ni awirihi, ai‑ya nofi bi‑bidi ni awirihi, bani ai kabare ai‑ya nofi na‑nafi ni awirihi, ai‑ya nofi bi‑bidi ni awirihi nane.

Karatiya 3:28

Ai hinama tohawahineni. Yeso‑ka ai nafi tohawahani. Yodeo ai one toha, Bara ai one toha, ai one‑ya mai kanika, ai one‑ya mai kanikarihi mai namaroni. Maki mai toha, mai fanawi toha na, Yeso‑ka ai nafi tohawahineni. Yeso Kirisito ati ai nofa, ai hinama tohawahineni.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Karatiya 6:15

Yeso Kirisito ati ai tokadaba, ai sowiri tati ataro aba, sibarihi, ai sowiri tati ataro abara, sibarihi nineni. Ai atibodi yati tohawaha‑ya Deoso nofabisane.

Koroso 3:11

Deoso ati‑ya ai no‑nofa Kirisito ene fara hinama ai tohawaha, Yodeo dai one toha, Bara dai one toha namaro, dai one sowiri tati ataro‑ya mai wisinakosa, dai one sowiri tati ataro‑ya mai wisinakosarihi, dai one oda ati‑nima ati nihi, dai one ati bara toha, dai one yama yaki‑ya wina, dai one ahiyata‑ya wina na, dai one‑ya mai kanika, dai one‑ya mai kanikarihi namaroni. Yeso Kirisito ai atibodi‑ya sawiwahe, ene fara hinama ai tohawahineni.

Yeso Kirisito ene‑bona 22:14

Mai‑ka bora mai sokona Deoso mai‑ya kasomebonane. Fara Deoso‑ka sidadi nokobi‑kaya mai tokiyomaboneni. Ai abarabone‑ka awa wadi‑kaya mai saweboneni.