Korito daidi 7:10 - Deoso-ka Yama Hani

¹⁰ Dai fana, owati dai mitahi. Ai‑ka Hidi i‑di Yeso Kirisito ati okaminaboneni. “Mai fanawi fanamaro, mai honita wahawamariyahi.

Korito daidi 7:10 ပူးပေါင်းရင်းမြစ်များ

Mateo 5:32

Owati dai mitahi. Tifana, hini tiwa ene tika yibote honita wahawamiya, maki bare‑ya tika yibote famawahaba awineni. ‘Tiwa ene toha, tika yibote ihi toha, maki owa ene toha nane.’ Deoso ati nebonane. Dai nafi‑ya weenebonane. Tika yibote tikako awiriya, hini atibodi ihi maki bare‑ya famawahiya, tiwa‑ta tiwa‑ya Deoso kakorebonane.” Yeso ati nemarine.

Maroko 10:2

Fariseo mai one kamake, mai atibodi yama‑ya dika, “Yeso ati amosareya, ati oda miteya, oda weenebonane.” Mai atibodi ati namaroni. “Yeso, maki fadi‑ya nofamare, honita wahawamebona ati ne, sibakare?” Fariseo mai ati na,

Roka 16:18

Maki hini ene honita wahawameya, fana one‑ya famawaheya, ene ati kasiro, hiniya siwanane. Fana maki‑ya famamara‑ya maki owa nofe, fana‑ya famawahe, maki owa ene ati kasirohari, hiniya siwanane.” Yeso ati nematane.

Korito daidi 7:11

Mai honita wahana, maki owa‑ya mai famariyahi. Hini hika yibote‑ya famamabisiya, yama sibaraboneni. Makidi dai toha, dai fana, dai honita wahariyahi.” Deoso‑ka yama hani ati nineni.

Korito daidi 7:12

Deoso ati tohi awire, hini owati‑ya dai‑ya ohiyaraboneni. Deoso ati tinofabisa, tika yibote Deoso ati‑ya nofara, dai famamaro, tiwa‑ya ati wahakara, hini dai famahi.

Korito daidi 7:15

Deoso ati‑ya tika yibote nofara, tiwa‑ya wahakana, honita wahawamiya, sibaraboneni. Tiwa‑ya tika yibote wahakana, Deoso tiwa‑ya weerebona, “Tiwati somahi.” Deoso ati nane.

Korito daidi 7:25

Mai fanara mai tamine dai mitabone, oka yama hani‑bone dai kanahanoneni. Mai fanara mai tamine‑ya Yeso owa‑ya kamini awisare, mai tamine yama owato bide oha, tamine okanahanaboneni. Deoso owa‑ya kasome ene keyehe‑ya hiri·ora, owa dai watoneni.

Korito daidi 7:40

Mai‑ka yibote abe, mai ati fanami nofara, mai ya‑yainibisabone owatibodi ati na, owatibodi ati‑nima Deoso‑ka Doni ati nemona owatibodi ati nineni.

Korito daidi 7:6

Yama maakani‑ya dai fami nofara, dai dakora sibarini. “Dai amoni fa‑famaraba niya, dai dakorariyahi.” Deoso ati terene. “Hibareya, ai dakoramatariyahi.” Dai ati ni awiriya, sibarini. Hini dai ati‑nima dai nahi.