Korito daidi 6:15 - Deoso-ka Yama Hani

¹⁵ Yeso Kirisito abano kobobone‑nima ai na, ai‑ya kobobona ai ati‑ya tokadaba‑nima Yeso Kirisito ati ai tokadabahi. Kirisito kobobone mai fanawi towe‑ya ai famateriyahi.

Korito daidi 6:15 ပူးပေါင်းရင်းမြစ်များ

Roka 20:16

Kamakiya, hika ofa‑ya mai na‑nawada‑maro mai‑ya nanahabeya, ai one‑ya awa‑ya hidi daanawahebonane, mai hinawadawahabonehe.” Yeso ati nematane. “Ka! Haa‑nima yama riyahi.” Mai ati nameteni.

Homa 12:5

Fara‑nima Yeso ati ai no‑nofa Deoso‑ka ai dami toha, ai ene fara hinama tohatera ai abano ohare‑ta ai toha ai nineni.

Homa 3:31

“Yeso Kirisito ati ai nofiya, Deoso ai‑ya ati somawameya, Mose ati fawanebonane.” Dai ati na awineni. Mose ati fawani awirebonane. Deoso ati Mose hikanahanomata, ati‑nima yama nabone ai watoneni.

Homa 3:6

Deoso ati kasiroterene. Ai ene amosara‑ya Deoso kadikeya, ai manakone amosara‑ya daanebona, tosawariterene. Yodeo mai ihi amosara mai ihi‑ya Deoso kadiki awire‑mana, Bara mai ihi‑ya kadikare nane.

Homa 6:15

Eya dai one ati na awineni. “Mose ati ai‑ka hidi tohamareya, ai ene amosara, sibarineni. Deoso ai‑ya ati somawamatene.” Dai one ati na awineni. Haa‑nima mai ati na Deoso nofaterene.

Homa 6:2

Haa‑nima dai ati riyahi, dai ene towe tohamarabonehe. Deoso ene ai atibodi yati toha, ai atibodi bote ai‑ka hidi tohamara, ai atibodi bote ati‑ya ai tokadabamariyahi.

Homa 7:13

Yama hani ati amosa ihi o·ababone dai ati na awineni. Yama hani ati ihi tohi awirini. Yama hani ati amosabisa, owa ene‑ta amosara, hini owa ene o·ababoneni. Owa ene amosara owatowaha, Mose‑ka yama hani ati ihi owa ene towe na‑nafi tohamaro owatowahineni.

Homa 7:7

“Deoso ati‑ya i‑di Mose kanahano ati kasirone.” Onamone dai ati na. Ati kasiro awire, ati amosabisane. Deoso ati i‑di Mose hikanahanomata ai kadikiya, ai ene amosara ai watoteni. Hibati‑ya mai‑ka yama‑ya owatibodi ati kayafa, “Yama sibarini.” Owatibodi ati na, owa‑ya weeramaroni. Makobote Deoso ati okadika, “Mai‑ka yama‑ya dai atibodi ati kayafariyahi.” Deoso‑ka yama hani ati na. Okadika, owa‑ya owatibodi weenawahateni.

Korito daidi 11:3

Owati dai mitamakitasahi. I‑di Yeso Kirisito‑ka Hidi i‑di Deoso toha, mai makidi‑ka Hidi i‑di Yeso toha, mai fanawi‑ka hidi mai‑ka yibote mai toha teni.

Korito daidi 12:27

Kirisito kobobone dame, Kirisito kobobone ai tohineni.

Korito daidi 6:13

Yamata‑ya Deoso nayanane, ai kababonehe. Yamata ai kababone, ai tefe weyene‑ya Deoso wama, ai nabadi‑ya wama nematane. Makobote Yeso kamataseya, ai fimimaraboneni. Hini yamata‑bone Deoso ai abano‑ya wamanamatati? Deoso‑ya ai kahiyarabone, ai‑ya kasomebona ai abano‑ya wamanematane. Ai ene amosarabone ai‑ya wamani awirematane.

Korito daidi 6:17

Deoso ati‑nima ai niya, Yeso atibodi‑ya ai atibodi famawahaboneni.

Korito daidi 6:19

Ai abano Deoso‑ka Doni tabaro toha, ai‑ya Deoso hika Doni‑ya nawine, tika hidi tihara, Deoso tika hidi tohabisane.

Korito daidi 6:3

Deoso‑ka yo‑yose mai ihi ai kadikabone tamine dai watokarini? Fara ai one ene kadiki kitaraneni.

Karatiya 2:17

Yeso ati‑ya ai no‑nofa Deoso ai‑ya ati somawamare‑mana, Yeso keyehe‑ya hirine nane. Keyehe‑ya Yeso hiriterene.

Karatiya 3:21

I‑di Abaraho‑ya Deoso hiyare, ati amosa, i‑di Mose‑ya Deoso hiyare, ati amosahari nane. Deoso ati abaterene. Mose ati ene ai manakone aba‑mani, ai‑ya Deoso ati somawame nane. Mose ai manakone‑ya nanahabaterene.

Karatiya 6:14

Owa okahiyari awiraboneni. Ai‑ka Ayo, Yeso, awa‑ya waane, ai manakone‑ya nanahabemari, Yeso‑ta okahiyarabisaboneni. Yeso ati‑ya mai nofara, owa‑ya mai nofaharira, mai ihi‑nima owa ene teraboneni.

Efesiyo 4:12

Ai‑ya mai kasoma, ai ibi kasomamakeboneni. Yeso‑ka ai toha, ai ibi kasomiya, Yeso ati‑nima ai naboneni.

Efesiyo 5:23

I‑di Kirisito ai‑ya yose, ati‑nima ai teni. Fara‑nima dai‑ka yobote dai‑ya mai yose, mai ati‑nima dai nahi. I‑di Yeso‑ka ai toha, ai atibodi ai‑ya yose‑nima i‑di Kirisito ai‑ya yose, ati‑nima ai nahi. Kirisito ai‑ya kasome, ai‑ya nawadatene.

Efesiyo 5:30

Ai‑ya kobobona ai nofi‑nima Kirisito ai‑ya nofa tene.

Koroso 2:19

Yeso Kirisito ati‑ya mai nofarani. Yeso Kirisito ai‑ka hidi amane. Ai atibodi ai‑ya yose, ati ai tokadabateni, Fara‑nima Kirisito ai‑ya yose, ati ai tokadabahareboneni. Kirisito ati ai no‑nofa ai atibodi ati ai tokadaba‑nima Yeso Kirisito ati ai tokadabahi. Madehe yana, tonafe‑nima Kirisito ati ai tokadaba, Deoso ene yama ai wato ba‑basi nawahaboneni.