Korito daidi 6:13 - Deoso-ka Yama Hani

¹³ Yamata‑ya Deoso nayanane, ai kababonehe. Yamata ai kababone, ai tefe weyene‑ya Deoso wama, ai nabadi‑ya wama nematane. Makobote Yeso kamataseya, ai fimimaraboneni. Hini yamata‑bone Deoso ai abano‑ya wamanamatati? Deoso‑ya ai kahiyarabone, ai‑ya kasomebona ai abano‑ya wamanematane. Ai ene amosarabone ai‑ya wamani awirematane.

Korito daidi 6:13 ပူးပေါင်းရင်းမြစ်များ

Mateo 15:17

Yama dai watohi. Ai tefe ene ai towe tohaterani. Yamata ai kaba, ai nabadi‑ya toka, ai miiniya, wadamaterani.

Mateo 15:20

Ai yehe ai sorokari awiri‑ya ai tafiya, ai towe toharani. Ai atibodi towe tohiya, ai towe tohateni.” Yeso ati nemarine.

Maroko 7:19

Ai tefe nafi sibara tamine‑ya Yeso hiyare, “Ai atibodi‑ya ai tefe tokaterani. Ai tafiya, ai nabadi‑ya tokabisa, makobote ai miiniya, abateni.

Yowaho 6:27

Yamata dai nokotoniriyahi. Yamata batateni. Oka yamata bara ihi dai abaterabone, fara dai nokotonibisahi. Okobi i‑di Deoso owa‑ya yose, owa‑ya kayawemarine. Yamata bara dai‑ya daa·onaboneni. Dai‑ka Ayo neme‑ke ama·oni.” Yeso ati nemarine.

Yowaho 6:49

Hibati‑ya ai‑ka idi kabani‑kaya mai yakani‑ya mana‑ya mai kabaware, mai abametemoneni.

Homa 12:1

Yodeo dai toha, Bara dai toha, dai na, oka soho dai amani. Owati dai mitahi. Deoso dai‑ya kasomi nafi ene Deoso‑ya dai‑ya dai daanahi. Hibati‑ya Deoso‑ya mai kahiyarabone, Deoso mai‑ya kayafebona, bani‑ya mai nanahaba, Deoso‑ya bani‑ya mai daanameteni. Deoso dai‑ya kayafemari, fara dai‑ta dai abara, dai hasina, Deoso‑ya dai‑ya dai daanahi, Deoso ati‑ya dai tokadababonehe. Haa‑nima dai ene niya, Deoso ya‑yainebonane.

Homa 14:17

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene.

Homa 6:12

Dai atibodi bote yama towe‑ya nokotonihemaro, dai‑ka hidi tohamara. Dai atibodi bote ati‑nima dai riyahi.

Homa 7:4

Soho, owati dai mitahi. Yeso ati dai nofawahiya, hibati‑ka dai aba, Mose ati dai‑ya barinami awire. Yeso Kirisito kitamemata, fare hika dai tohawaha, dai yati tohawaha, Deoso‑ka yama anini amosa dai aninaboneni.

Korito daidi 3:16

Deoso‑ka yobe dai toha, Deoso‑ka Doni dai‑ya sawi dai watokarini?

Korito daidi 6:15

Yeso Kirisito abano kobobone‑nima ai na, ai‑ya kobobona ai ati‑ya tokadaba‑nima Yeso Kirisito ati ai tokadabahi. Kirisito kobobone mai fanawi towe‑ya ai famateriyahi.

Korito daidi 6:19

Ai abano Deoso‑ka Doni tabaro toha, ai‑ya Deoso hika Doni‑ya nawine, tika hidi tihara, Deoso tika hidi tohabisane.

Korito yoto‑ke 11:2

Mai fanawi fanabone, mai‑ka yibote‑bona‑ya mai nokotonihe, maki bare‑ya mai nokotoniterani. Dai okayawa, Kirisito‑ka dai tohabone, Deoso ati dai nofi oharebone, Satanasi ati dai nofarabone onamaroni.

Korito yoto‑ke 5:15

Ai nafi manakone‑ya nanahabe, ai hasina, ai‑ya ai nokotoniriyahi. Ai manakone‑ya nanahabe, kitamemata ai nokotonibisahi.

Karatiya 5:24

Yeso Kirisito‑ka ai toha, hibati‑ya Yeso Kirisito abemarine, ai ene amosara manakone‑ya nanahabebonaha. Awa‑ya Yeso‑ya mai baakanamaro, owa ene amosara ene Yeso‑ya mai baakanamaroni. Fara Yeso Kirisito abe‑nima ai atibodi bote ati ai nanahabahi. Ai ene‑maro‑nima ai ene namariyahi.

Efesiyo 5:23

I‑di Kirisito ai‑ya yose, ati‑nima ai teni. Fara‑nima dai‑ka yobote dai‑ya mai yose, mai ati‑nima dai nahi. I‑di Yeso‑ka ai toha, ai atibodi ai‑ya yose‑nima i‑di Kirisito ai‑ya yose, ati‑nima ai nahi. Kirisito ai‑ya kasome, ai‑ya nawadatene.