Korito daidi 5:9 - Deoso-ka Yama Hani

⁹ Owati dai mitamatasahi. Dai‑ka yama hani‑bone daa·onamaro, ati‑nima onaboneni. “Mai‑ka yibote mai‑ya mai nokotoni oharira, mai one‑ya mai nokotonihe, fana mai one‑ya mai a‑aha, fana maki mai one mai‑ka mai a‑aha, maki hinama mai ibi a‑aha, mai toha na, dai‑ya mai sawimarihi nahi.” Onamaro, fara onamatasineni.

Korito daidi 5:9 ပူးပေါင်းရင်းမြစ်များ

Korito daidi 5:10

Deoso ati‑ya mai nofara mai tamine‑ya owati toharani. Deoso ati‑ya mai ati nofa mai tamine‑ya owati tohabisani. Deoso ati‑ya mai nofara mai ihi amosara. Mai one‑ya mai nokotonihi, mai one‑ka yama‑ya mai kayafa, yama‑ya mai boti mai na, deoso bare‑ya mai kahiyara teni. Fara yama nafi‑nima mai nawaare, mai tabori yakari‑ya ai sawi nofara‑mani, bofe‑ya ai winara neni.

Korito daidi 5:2

Dai‑ya dai kahiyarariyahi. Dai‑ka owa ene dai ya‑yairiyahi. Dai ohinibisahi. Ene amosare, dai‑ya dabamarayaho.

Korito daidi 5:7

Dai owa ene amosare, hini‑ya kaminare, dai‑ya dabamarayaho, dai ene amosabonehe. Ene amosare dai‑ya dai dabareya, baho femeto kihara‑nima dai nawahaboneni. Hibati‑ya ai‑ka idi mai‑ya Deoso kakariwahemata, baho femeto kihara‑ta mai kababone Deoso ati ne, hibayata kaneiro bidi‑nima Yeso abe, ai manakone‑ya nanahabe, ai abarabonehe. Fare Deoso ai‑ya kakariwahe‑nima baho femeto kihara‑nima dai niyahi.

Korito yoto‑ke 6:14

Yeso ati dai no‑nofa Yeso ati‑ya mai nofara mai‑ya dai famariyahi. Ai ene amosa, mai ati kasira, mai‑ya ai dabaterani. Yama wahi ohari yama soki ohari teni. Yama soki‑ya yama wahi famaterani.

Korito yoto‑ke 6:17

“Owati‑ya mai nofara mai ati dai tokadabarihi, mai‑ka yama towe dai boyorihi na, dai okayahaboneni.” Deoso ati nematane.

Efesiyo 5:11

Mai ihi amosara yama soki‑ya mai wi‑wina, mai‑ya dai dabariyahi. Dai ene mai ihi amosara‑ya mai watomakiyahi.

Tesaronika yoto‑ke 3:14

Oda‑ka yama hani ati‑ya mai nofara, mai‑ya dai kadikiya, mai‑ya dai sawimarihi. Mai‑ya dai dabamarihi niya, mai atibodi hini mai‑ya weeniya, yama‑ya aninawahaba awineni.

Tesaronika yoto‑ke 3:6

Oka soho dai toha, owati dai mitamakihi. Yeso ati‑ya mai nofa‑mone mai ati na, Yeso ati‑ya mai tokadabara, refo ihi yama‑ya mai anira, mai‑ya dai dabariyahi. Ai‑ka Ayo i‑di Yeso Kirisito ati nemarine.