Korito daidi 5:8 - Deoso-ka Yama Hani

⁸ Deoso‑ka yo‑yose ai‑ka idi mai‑ya kakariwahemata tamine‑ya ai kadika, ai mariteni. Ai marina, baho femeto kihara‑ya ai kabateni. Ai ene amosara femeto‑nima teni. Ai ene amosara‑ya mai awa, mai ihi amosara tohamakeba awineni. Ai ene amosaramaro‑nima ai ene namarihi. Ai ene amosabisa, keyehe‑ya ai hiririyahi.

Korito daidi 5:8 ပူးပေါင်းရင်းမြစ်များ

Mateo 16:12

Makobote yama oda watowaha, femeto yokana tamine‑ya Yeso hiyari awire, mai ati tamine‑ya Yeso hiyarabisane.

Mateo 16:6

“Dai noko wadahi. Fariseo mai toha, sadoseo mai toha na, mai‑ka femeto‑ya dai arabanahi.” Yeso ati nemarine.

Maroko 8:15

Yeso mai‑ya hiyare, “Dai noko wadahi. Fariseo mai toha, Erodi toha ne, mai‑ka femeto‑ya dai arabanahi.” Yeso ati nematane.

Roka 12:1

Mai dama mai yorotokana, 1.000 dame‑nima mai na, mai dama mai ihi mai ibi tame tainameteni. Yeso hika mai da‑daba mai‑ya hiyare, “Fariseo mai‑ka femeto‑ya dai arabanahi. Fara mai ihi tamine amani. Mai ati amosa, mai ihi ati kasirobisa, mai‑nima dai riyahi.

Yowaho 1:47

Mai towakama, Yeso‑ya mai kobokana, Natanaeo‑ya Yeso hiyare, “Isara·eo‑ka nodi yokana amatini. Tiwa ene amosa hinama tohani.” Yeso ati ne,

Korito daidi 3:3

Deoso ati‑ya dai nofi awisara awineni. Deoso ati‑ya mai nofara, mai ihi‑nima dai ene na, dai ibi wee, dai one‑ka yama‑ya dai atibodi kayafawaha na, mai ihi‑nima dai ene namariyahi.

Korito daidi 5:1

Dai‑ka owa Yeso ati‑ya nofe‑mona ati ne, badi fadi‑ya famawahemonane. Yeso ati‑ya ai nofa haa‑nima ai ene terani. Bara Yeso tamine‑ya mai watora, haa‑nima mai ihi terani.

Korito daidi 5:6

Dai ene amosa‑mone dai ati na, dai ene amosarani. Dai‑ka owa ene‑ya dai kofeya, fare ene‑nima dai ene namakeboneni. Femeto i‑isi ne baho‑ya dabeya, baho tonafiteni. Fare femeto i‑isi ne‑nima dai‑ka owa ene ne dai kofeya, dai ene towe tohahareboneni.

Korito yoto‑ke 1:12

Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.

Korito yoto‑ke 2:17

Mai one yinero‑ya nokotonihe, Yeso ati yokana‑ya mai kamini awirani. Deoso oda‑ya yosemarine, Yeso ati yokana oda kaminebonaha. Deoso ene Yeso ati yokana oda kamini oharineni.

Korito yoto‑ke 8:8

Owati ihi yama dai daariyahi. Hini dai ati daahina, dai daanibisahi. Mai one ihi tamine dai mita, mai one‑ya mai nofa‑nima mai dai nofahare awineni. Yama dai daana dai awa, mai dai nofa dai watowahaboneni.

Efesiyo 6:24

Deoso‑ya ohiyara, “Abi Deoso, mai‑ya tikasoma, mai‑ya tiwakasomi fawateriyahi. Tika dao, i‑di Yeso Kirisito‑ya mai nofi nafe, mai tikasoma, mai abateraboneni.” Oteni. Feye amani.

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.