Korito daidi 5:5 - Deoso-ka Yama Hani

⁵ Dai‑ka owa madise‑ya famemona, dai weenaho. “Satanasi ati‑ya tikadaba, oda‑ya didabamariyahi.” Dai ati nahi. Dai ati ene abano‑ta abeba awane. Yeso ai‑ka Hidi kamataseya, Deoso tabaro‑ya atibodi‑ta winabiseba awane.

Korito daidi 5:5 ပူးပေါင်းရင်းမြစ်များ

Mateo 4:10

“Tikamahi. Deoso‑ka yama hani ati‑nima obisaboneni. Yama hani ati timitahi. ‘Deoso dai kahiyarahi. Mai one‑ya dai narifariyahi. Deoso dai narifabisahi.’ Deoso‑ka yama hani ati nineni.” Yeso ati nematane.

Roka 22:31

Bedoro‑ya Yeso hiyare, “Simaho, Simaho owati timitahi. Deoso‑ya dai tamine‑ya Satanasi hiyare, dai‑ya keyehebona ati nane. Satanasi‑ya Deoso ati barirene.

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Korito daidi 1:8

Deoso dai eme‑ya nakitebonane, dai ene amosa fawarabonehe. Yeso Kirisito koboneya, dai ene ya‑yainebonane.

Korito daidi 11:32

Ai ene‑ya Deoso kadikeya, ai‑ka abi bofe‑ke ene‑nima ai‑ya wee, ai‑ya kosi neba awane, Satanasi‑ka mai ababone mai‑nima ai ni awirabonehe.

Korito daidi 5:13

Yeso ati‑ya mai nofara mai ihi‑ya Deoso kadikebonane. Mai ihi‑ya kadikeya, mai ihi amosara manakone‑ya daanebonane. Dai yorotokana, Deoso‑ya dai hiyarabone, Deoso ati‑ya mai nofa‑mone mai ati na, mai ihi ati kasira, dai‑ya mai dabariyahi.

Korito yoto‑ke 10:6

Kirisito ati dai tokadabi bahe, nowati‑ya Kirisito ati‑ya mai tokadabamakira, mai oda weeniya, mai manakone amosara oda daanaboneni.

Korito yoto‑ke 12:7

Yama amosa dama‑ya Deoso owa‑ya yofikanemarine. Owa onofi ba‑basi oni awirihi, owa‑ya mai nofi na‑nafi ni awirihi nabone, atiwa komene‑nima Satanasi ene owa abano komawahateni.

Korito yoto‑ke 13:10

Yama yaki‑ya owina, yama hani‑ya dai‑ya wee·onani, dai ene amosawamabonehe. Dai ene amosawamiya, dai tabaro‑ya kobo·oniya, dai‑ya wee·onami awiraboneni. Kirisito owa‑ya yosemari ene, owa ene kitateni. Owa kiti dai‑ya kasoma, ya‑yai·oteni. Owa kiti dai‑ya nakoma, onofi awirini.

Firibo 1:6

Deoso ene Yeso ati dai nofawahamaro, Deoso ene dai ene amosateboneni. Yeso Kirisito kameya, Deoso ene neme‑ya dai sawiwahabone, dai‑ya owatibodi watoneni.

Timoti daidi 1:20

I‑di Imeneo, i‑di Aresadiri, mai fama, mai atibodi ati‑ya mai tokadabara, owati ihi oda‑ya mai dabamarani. Deoso‑ya mai we‑wee tohamaro, Satanasi‑ya mai‑ya daa·onani, Deoso ene tamine‑ya keyehe‑ya mai hirimarabonehe.

Timoti yoto‑ke 1:18

Yeso kamataseya, Onesiforo‑ya weeni awirebonane. Ya‑yainibisebonane. Hibati‑ya Efesiyo‑ya owina, i‑di Onesiforo owa‑ya kasome tiwemarine.

Bedoro yoto‑ke 3:12

Yeso Kirisito kamebona dai nimana, “Yeso kama kanibote tinahi.” Dai atibodi ati nahi. Kame nowati‑ya Deoso ene neme hirina ihi yama kitara‑nima amowa mai nawahaboneni.

Yowaho daidi 5:16

Ai owa ene amosare ai awa, mai abarabone, mai tamine Deoso‑ya ai kamina, mai‑ya Deoso ati somawamebonane. Mai one ihi amosara mai aba kanibote nabone, mai tamine ai hiyari awirani.