Korito daidi 5:4 - Deoso-ka Yama Hani

⁴ Dai yorotokana, ai‑ka Ayo Yeso tamine dai hiyarabone, dai‑ya owatibodi sawi, Yeso kiti sawitene.

Korito daidi 5:4 ပူးပေါင်းရင်းမြစ်များ

Mateo 16:19

Deoso‑ka safi tiwa‑ya daa·onabone, neme‑ya Deoso mai‑ya barikaneya, bofe‑ya mai baritikanahareboneni. Neme‑ya Deoso mai‑ya seekaneya, bofe‑ya mai seetikanahareboneni.

Mateo 18:20

Owa dai nofa dai fa‑famaraba na, dai yorotokaniya, dai‑ya osaweboneni.” Yeso ati nemarine.

Mateo 28:18

Makobote Yeso oda‑ya kobone, oda‑ya hiyare, “Neme, Bofe na‑ka hidi ohawahineni.

Mateo 28:20

Owati nafi‑ya dai kanawatohi, owati‑ya mai tokadababonehe. Dai tokiya, dai‑ya osawebone, dai honita tohateraboneni.” Yeso ati nemarine.

Yowaho 20:23

Mai amosara mai‑ya dai ati somawamariya, Deoso mai‑ya ati somawamaharirebonane. Mai‑ya dai ati somawamiya, Deoso mai‑ya ati somawamaharibonane.” Yeso ati nemarine.

Yeso‑ka yo‑yose mai tamine 16:18

Mahi‑nima fana ati yanani dama ihi Baoro ati yawe, kiinawame, madi towe‑ya hiyare, “Yeso ati ene tikahi. Fana atibodi‑ya tifoyamariyahi.” Ati ne, ati ene madi towe toke, ene fana yama nabone‑ya watomara, hikaminamaramaroni.

Yeso‑ka yo‑yose mai tamine 3:6

“Barata, oro na, oda kihara, oda haatina, yama oda kihabisa tiwa‑ya daa·onaboneni. Yeso Kirisito Nasare‑ke ene tiwaamisama, yakatinahi.” Bedoro ati nemonane.

Yeso‑ka yo‑yose mai tamine 4:30

Tiwa yehe daatite, mai‑ya tinakitamabonehe. Tiwa ene kita‑ya mai awa, tiwa‑ya na‑narifa amosabote i‑di Yeso tamine oda kamina, yama‑ya mai awaramaro, yama‑ya mai awiyahi.” Mai ati namoneni.

Korito yoto‑ke 13:10

Yama yaki‑ya owina, yama hani‑ya dai‑ya wee·onani, dai ene amosawamabonehe. Dai ene amosawamiya, dai tabaro‑ya kobo·oniya, dai‑ya wee·onami awiraboneni. Kirisito owa‑ya yosemari ene, owa ene kitateni. Owa kiti dai‑ya kasoma, ya‑yai·oteni. Owa kiti dai‑ya nakoma, onofi awirini.

Korito yoto‑ke 13:3

Yeso Kirisito ene kite, owa‑ya dai awabone dai ati na, kobo·oniya, dai owa ene amosare, Yeso ene dai awaboneni. Kirisito ene kitebonane.

Korito yoto‑ke 2:6

Dai dami ene dai‑ka owa ene amosawame, dai weenamarayaho.

Efesiyo 5:20

Mahi‑nima dai wayoma, “Abi Deoso, tiwa ene tika dao ene ne amosabote tohe, dai ene oda ya‑yainineni.” Ai‑ka Ayo Yeso Kirisito‑ka dai toha dai ati nahi.

Koroso 3:17

Dai ati yanana, ai‑ka Ayo i‑di Yeso ati‑nima dai ati na, ene‑nima dai ene na, Yeso ene Deoso‑ya dai kahiyara, “Abi Deoso, amosabote amatini. Tiwa ene ya‑yai·oneni.” Dai ati nahi.

Tesaronika yoto‑ke 3:6

Oka soho dai toha, owati dai mitamakihi. Yeso ati‑ya mai nofa‑mone mai ati na, Yeso ati‑ya mai tokadabara, refo ihi yama‑ya mai anira, mai‑ya dai dabariyahi. Ai‑ka Ayo i‑di Yeso Kirisito ati nemarine.