Korito daidi 5:11 - Deoso-ka Yama Hani

¹¹ Yeso ati‑ya mai nofa‑mone mai ati na, mai ihi amosara, dai yorotokana, Deoso dai hiyarabone, dai‑ya mai dabarihi. Mai fanawi one‑ya mai a‑aha, mai makidi one‑ka mai a‑aha, kawi ihi mai towe toha, mai one‑ka yama‑ya mai kayafa, mai one tamine‑mone‑ya keyehe‑ya mai hiri, deoso bare‑ya mai ka‑kahiyara, yama‑ya mai boti mai na, dai‑ya mai dabarihi, mai tabori‑ya dai tafarihi nahi.

Korito daidi 5:11 ပူးပေါင်းရင်းမြစ်များ

Mateo 18:17

Dai ati‑ya nofare, Deoso‑ka dai toha dai yorotokaniya, mai‑ya dai hiyarahi. Makobote, dai dama dai ati yananahi. Dai nafi ati‑ya nofareya, dai owa tohamare‑nima nebonane.

Mateo 23:25

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Keneko mese dai sorona, keneko doro dai awara‑nima dai ene na, mai noki‑ya dai ene amosabisa, dai atibodi towe tohabisineni. Yama‑ya mai bo‑boti mai toha, hini mai‑ya mai no‑nokotoni mai toha na, mai atibodi ati‑nima dai atibodi ati neni.

Roka 18:11

Fariseo wai, hini tamine‑ya hiyare, ‘Deoso, owati amosabisa, ya‑yai·onineni. Mai one‑ta yama‑ya mai ka‑kahidina mai toha, mai ihi amosara mai toha, mai one‑ka yibote mai‑ya mai a‑aha mai toha, mai na, mai ihi‑nima owa ene terani. Ahiyata‑ya wai kofeno‑ka yinero‑bona‑ya ha‑haa toha, fare ene‑nima owa ene terani.

Roka 21:34

“Dai noko wadahi. Dai siwariyahi. Kawi dai fawariyahi. Yinero dai nokotoniriyahi. Yama dama dai nokoniya, yama yanani kanibote na ihi yama we‑wee‑kaya dai saweboneni.

Yeso‑ka yo‑yose mai tamine 1:15

Mahi owa‑ya mai dama mai yorotokana, 120 mai toha, mai bai‑ya i‑di Bedoro waamise, mai‑ya hiyare,

Yeso‑ka yo‑yose mai tamine 9:17

Ananiya toke, Yoda‑ka yobe‑ya tokiyome, Saoro‑ya yehe fori, “Soho Saoro, Yeso owa‑ya yosene, hawi‑ya yakatina, tiawemona, fare owa‑ya yose, yama‑ya tiawamatasabone, Deoso‑ka Doni tiwa‑ya sawiwahebonane.” Ananiya ati nemonane.

Homa 13:13

Yama tehe‑ka ai toha, ai ene amosa, Yeso koboni hawa tohe‑nima ai ene nahi. Mai ai weerihi, ai yawarihi, kawi ihi ai towe toharihi, ai‑ka yibote mai awira mai‑ya ai dakorarihi, mai‑ka yibote mai ai aharihi, ai‑ka yibote‑ta ai famabisa, ai nahi.

Homa 16:17

Oka soho dai toha, owati dai mitamakihi. Dai‑ya mai kanawata mai ati ihi dai ebekanabone, mai ati dai nofariyahi. Yeso ati dai mitamaro, ati‑nima mai ati ni awira, mai ati dai nofariyahi.

Korito daidi 10:14

Dai onofa, owati dai mitahi. Mai‑ka deoso bare dai kahiyarariyahi.

Korito daidi 11:21

Dai yorotokana, dai tafabone, dai one‑ya dai nimani awira, “Ai tafi dai tohiya, mai tafi yotaboneni.” Dai ati na, Dai tafi dai toha, yamata nafi‑ya dai tonasiya, mai yota, mai tafe‑bone wadara, mai fimi, dai one fino nafi‑ya fawa, fino‑ya mai tonasiya, fino ihi mai towe tohawaha, mai yota, mai‑ka fino‑bone wadara, mai baki hokoneni.

Korito daidi 5:13

Yeso ati‑ya mai nofara mai ihi‑ya Deoso kadikebonane. Mai ihi‑ya kadikeya, mai ihi amosara manakone‑ya daanebonane. Dai yorotokana, Deoso‑ya dai hiyarabone, Deoso ati‑ya mai nofa‑mone mai ati na, mai ihi ati kasira, dai‑ya mai dabariyahi.

Korito daidi 6:10

Yama‑ya mai bo‑boti mai toha, hini mai‑ka yama‑mone‑ya mai ibi to‑tokatowe mai toha, kawi‑ya mai no‑nokotoni mai toha, mai one tamine‑mone‑ya keyehe‑ya mai hi‑hiri mai toha, mai na, Deoso tabaro‑ya mai winateraboneni.

Korito daidi 6:6

Dai‑ka soho ene amosare, Deoso ati‑ya mai nofara mai‑kaya dai towakemonane, ene mai hikadikebonaha.

Korito daidi 6:9

Mai ihi amosara dai‑ya keyehe‑ya mai hirikariyahi. Mai fanawi one‑ya mai aha, mai one‑ka yibote mai‑ya mai aha, maki hini hinama mai ibi aha, mai fanawi hini hinama ibi nokotonihi na, deoso bare‑ya mai kahiyara, Deoso tabaro‑ya mai winateraboneni.

Korito daidi 7:12

Deoso ati tohi awire, hini owati‑ya dai‑ya ohiyaraboneni. Deoso ati tinofabisa, tika yibote Deoso ati‑ya nofara, dai famamaro, tiwa‑ya ati wahakara, hini dai famahi.

Korito daidi 7:15

Deoso ati‑ya tika yibote nofara, tiwa‑ya wahakana, honita wahawamiya, sibaraboneni. Tiwa‑ya tika yibote wahakana, Deoso tiwa‑ya weerebona, “Tiwati somahi.” Deoso ati nane.

Korito daidi 8:11

Dai ene deoso bare‑ka bani‑ya mai kabiya, mai atibodi hini mai‑ya weeni kitiya, mai ababa awineni. Kirisito mai‑ya nofe, mai manakone‑ya nanahabemata, dai ene mai abariyahi.

Karatiya 2:12

Atioki‑ya Bedoro koboni bahe, sibaremarine. Bara, Yeso ati‑ya mai no‑nofa mai eyehe i‑di Bedoro tafemarine. Yodeo mai‑nima mai ni awira, mai sowiri tati atori abi awira. Mai eyehe i‑di Bedoro tafemarine. Makobote i‑di Tiyako tabori‑ka Yodeo mai kamake, mai kobona, mai ati yanana, “Yeso ati‑ya mai nofabone, mai sowiri tati atori abahi.” Mai ati namaroni. Mai ati‑ya i‑di Bedoro mite, habo siitone, Bara mai eyehe tafami awiremarine.

Efesiyo 5:18

Kawi ihi dai towe tohariyahi. Dai towe tohiya, dai ene amosaraboneni. Deoso‑ka Doni dai‑ya sawi, ati dai tokadabeya, dai ene amosaboneni.

Efesiyo 5:5

Mai ihi amosara, mai fanawi one‑ya mai aha, mai makidi hini one‑ya mai aha, mai nana, yama dama‑ya mai kayawa, yama dama‑ya mai nokotonihi, mai nana, Deoso yokana‑ya mai kahiyari awira, deoso bare‑ya mai kahiyarabisa, Yeso Kirisito tabaro, Deoso tabaro ne‑ya mai winateraboneni.

Koroso 3:5

Dai atibodi bote dai‑ya keyehe, ati dai nanahabahi. Mai fanawi one‑ya dai aharihi, mai makidi one‑ya mai fanawi dakorarihi. Mai tamine‑ya dai atibodi kadikarihi. Mai one‑ka yama‑ya dai nokotonirihi. Mai‑ka yama‑ya dai nokotoniya, deoso bare‑ya dai kahiyara‑nima dai nineni.

Tesaronika yoto‑ke 3:14

Oda‑ka yama hani ati‑ya mai nofara, mai‑ya dai kadikiya, mai‑ya dai sawimarihi. Mai‑ya dai dabamarihi niya, mai atibodi hini mai‑ya weeniya, yama‑ya aninawahaba awineni.

Tesaronika yoto‑ke 3:6

Oka soho dai toha, owati dai mitamakihi. Yeso ati‑ya mai nofa‑mone mai ati na, Yeso ati‑ya mai tokadabara, refo ihi yama‑ya mai anira, mai‑ya dai dabariyahi. Ai‑ka Ayo i‑di Yeso Kirisito ati nemarine.

Timoti daidi 3:3

Kawi ihi towe toharihi, Yinero‑ya nokotonirihi, mai one‑ya nofa, mai one‑ya weerihi, tene.

Timoti daidi 6:5

Yeso ati‑ya mai nofara, “Yeso ati oda ati nofa, mai oda kanawatoya, yinero nafi oda kayafaboneni.” Mai atibodi ati na. Mai ihi Yeso ati‑ya mai one nofara, mai ibi ati tokatoweboneni.

Yowaho yoto‑ke 1:10

Tika yobe‑ya mai kake, Deoso ati‑mari‑nima mai ati ni awiriya, tika yobe‑ya mai tokiyomarihi, mai tafe‑ba daatirihi, tinahi.

Yeso Kirisito ene‑bona 2:14

Dai ene amosa hinama tohi awirani. Baraho ati‑mari‑nima dai one ene tohanineni. Baraki‑ya i‑di Baraho kanawato, Yodeo mai‑ya Baraki kanawatomakimarine. Baraki ati ene deoso bara mai‑ka bani mai‑ya Yodeo mai kabamaro, fana bara mai‑ya Yodeo mai idiwaha namaroni.

Yeso Kirisito ene‑bona 2:20

Dai ene amosa hinama tohi awirani. I‑di Yesabeo ati‑maro‑ya dai one dai‑ya kanawatoneni. Fara ihi owa‑ya mai na‑narifa mai tosawarineni. ‘Deoso ati‑ya ka‑kamina ama·oni. Deoso ati okaminaboneni. Fana bara‑ya dai idi, maki bare‑ya dai idi niya, yama sibarineni. Mai‑ka deoso bara mai‑ya mai kahiyarabone, mai‑ya dai sawi niya, yama sibarineni.’ Ati na, dai‑ya kanawatoneni. Ati dai mita, ‘Haa‑nima tiwati riyahi!’ Dai ati ni awirani. Yama towe amani.

Yeso Kirisito ene‑bona 21:8

Mai habi siitona ihi oka hawi‑ya mai sawira mai toha, owati‑ya mai tokadabara mai toha, mai ihi towe mai toha, mai one‑ya mai nanahaba mai toha, mai si‑siwa mai toha, madi mai‑ya mai ha‑haa mai toha, deoso bara mai‑ya mai ka‑kahiyara mai toha, keyehe‑ya mai hi‑hiri mai toha, mai na, wara hirini yati hirini sawi‑kaya mai sawibisaboneni. Mai abi oharimatasa‑nima mai na, mai kome fawaraboneni.” Hidi Webote ati nene.

Yeso Kirisito ene‑bona 22:15

Mai ihi towe mai toha, madi towe mai‑ya mai ha‑haa mai toha, mai si‑siwa mai toha, ai one‑ya mai na‑nanahaba mai toha, deoso bara mai‑ya mai ka‑kahiyara mai toha, keyehe‑ya mai no‑nofa mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni.