Korito daidi 5:10 - Deoso-ka Yama Hani

¹⁰ Deoso ati‑ya mai nofara mai tamine‑ya owati toharani. Deoso ati‑ya mai ati nofa mai tamine‑ya owati tohabisani. Deoso ati‑ya mai nofara mai ihi amosara. Mai one‑ya mai nokotonihi, mai one‑ka yama‑ya mai kayafa, yama‑ya mai boti mai na, deoso bare‑ya mai kahiyara teni. Fara yama nafi‑nima mai nawaare, mai tabori yakari‑ya ai sawi nofara‑mani, bofe‑ya ai winara neni.

Korito daidi 5:10 ပူးပေါင်းရင်းမြစ်များ

Roka 18:11

Fariseo wai, hini tamine‑ya hiyare, ‘Deoso, owati amosabisa, ya‑yai·onineni. Mai one‑ta yama‑ya mai ka‑kahidina mai toha, mai ihi amosara mai toha, mai one‑ka yibote mai‑ya mai a‑aha mai toha, mai na, mai ihi‑nima owa ene terani. Ahiyata‑ya wai kofeno‑ka yinero‑bona‑ya ha‑haa toha, fare ene‑nima owa ene terani.

Yowaho 15:19

Bofe‑ka dai toha‑mani, dai‑ya mai nofa neni. Hini mai one‑ya mai nofateni. Dai okadikamaro, bofe‑ka dai tohamara, dai‑ya mai kakoteni.

Yowaho 17:6

Abi, tika mai one bofe‑ya wi‑wina, owa‑ya mai daatina, mai‑ya tiwa tamine okamina, tiwati‑ya mai tokadabineni.

Yowaho 17:9

Owati‑ya mai no‑nofa mai tikasomiyahi. Bofe‑ka mai tamine okamini awirani. Owa‑ya mai daatinamaro, tika mai toha, mai tikasomiyahi onani.

Yowaho 8:23

“Bofe‑ya dai yana, bofe‑ka dai amani. Neme‑ya yana·obisa, bofe‑ka ohi awirini.

Korito daidi 1:20

Yama‑ya mai wa‑wato‑mone mai toha, Mose‑ka yama hani ati‑ya mai ka‑kamina mai toha, mai ibi ati wa‑wara mai toha na, Deoso ati‑ya mai nofara Deoso ene ka‑kana mai‑nima mai nawahani.

Korito daidi 10:27

Deoso ati‑ya mai nofara mai marinabone, dai‑ya mai haana, mai tabori‑ya dai toki nofa, dai tokiya, bani tamine dai mitariya, dai kabaho, dai atibodi dai‑ya weerabonehe.

Korito daidi 5:11

Yeso ati‑ya mai nofa‑mone mai ati na, mai ihi amosara, dai yorotokana, Deoso dai hiyarabone, dai‑ya mai dabarihi. Mai fanawi one‑ya mai a‑aha, mai makidi one‑ka mai a‑aha, kawi ihi mai towe toha, mai one‑ka yama‑ya mai kayafa, mai one tamine‑mone‑ya keyehe‑ya mai hiri, deoso bare‑ya mai ka‑kahiyara, yama‑ya mai boti mai na, dai‑ya mai dabarihi, mai tabori‑ya dai tafarihi nahi.

Korito daidi 5:9

Owati dai mitamatasahi. Dai‑ka yama hani‑bone daa·onamaro, ati‑nima onaboneni. “Mai‑ka yibote mai‑ya mai nokotoni oharira, mai one‑ya mai nokotonihe, fana mai one‑ya mai a‑aha, fana maki mai one mai‑ka mai a‑aha, maki hinama mai ibi a‑aha, mai toha na, dai‑ya mai sawimarihi nahi.” Onamaro, fara onamatasineni.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Efesiyo 2:2

Satanasi ati‑ya mai tokadaba, mai‑nima dai namaroni. Madi mai‑ka hidi i‑di Satanasi amane. Madi mai dama ahiyata‑ya mai wi‑wina, ai atibodi‑ya keyehe‑ya mai hirikiteni. Deoso ati ai one nofara, Satanasi ati‑ya mai tokadabateni.

Firibo 2:15

Haa‑nima dai niya, dai ene kabatata raboneni. Deoso bidi amosabote dai tohawahaboneni. Mai ihi amosara dai yakari‑ya mai wina, yama soki‑nima mai na, yama soki‑ya yama wahi ai awa‑nima dai‑ya mai awaboneni.

Yowaho daidi 4:5

Satanasi‑ka mai toha, Satanasi ati‑nima mai ati teni. Satanasi‑ka mai toha hini mai one ati‑ya mai nofateni.

Yowaho daidi 4:7

Oka dai toha, owati dai mitahi. Deoso ene ai ibi nofateni. Deoso bidi ai toha, ai ibi nofa, Deoso ati‑ya ai wato teni.

Yowaho daidi 5:19

Deoso‑ka ai toha mai ai watoteni. Satanasi‑ka mai toha Satanasi mai‑ya yokobonane.

Yeso Kirisito ene‑bona 12:9

Dafi kite hika yo‑yose mai eyehe bofe‑ya mai korohinisane. Dafi Satanasi amane. Oni owa Diaboro amane. Satanasi maka‑nima ne, fare amane. Bofe‑ka mai nafi‑ya keyehene.