Korito daidi 4:8 - Deoso-ka Yama Hani

⁸ Yama dai atibodi kobohina‑ya dai kayafi hawa tohamone, dai‑ka yama dodamawaha, dai‑ya oda sawira, mai‑ka hidi dai tohawahamone dai ati namoneni. Mai‑ka hidi yokana dai toha‑mani, oda ya‑yaina neni. Mai‑ka hidi yokana dai toha‑mani, mai‑ka hidi oda tohahare neni.

Korito daidi 4:8 ပူးပေါင်းရင်းမြစ်များ

Mateo 5:1

Mai dama mai‑ya awe, adami‑ya tokomorose, itari, hika mai da‑daba fai yowi‑ya mai nahoremaroni. Mai‑ya kanawatobona, ati yanane,

Roka 6:25

Ka! Dai korimana dai toha yamata dai nokotonihe dai fimiwahaboneni. Hibayata dai ya‑yaina dai toha, dai ohinabone, dai ohini nafiteboneni.

Yeso‑ka yo‑yose mai tamine 26:29

Ati‑ya Baoro mite, ati yanane, “Owati fa‑famaraba na toha, owati dama toha na, Deoso ati tinofabone owati nofani. Owati dai nafi mita, owa‑nima dai na‑mani, yama amosa neni. Koheti‑ya soki·okana‑nima dai‑ya owati sokini nofarani.” Ati nemonane.

Homa 12:3

Deoso owa‑ya kadikemarine, dai‑ya okanawatabonehe. Owati dai mitahi. “Amosabotebisa ama·oni.” Dai ati riyahi. Yeso ati dai nofa Deoso dai‑ya kasome, dai‑ya kanawato‑nima dai atibodi dai‑ya kadikabisahi. Deoso ene yama‑ya dai wa‑wato, Deoso ene dai ya‑yainibisa, hini dai‑ya dai kahiyarariyahi.

Korito daidi 1:5

Deoso dai‑ya kanawato ene yama dai wato ba‑basi na, Deoso ati kamini dai wato, Deoso ene yama nafi‑ya dai wato neni.

Korito daidi 4:18

Dai one hini mai‑ya mai kahiyara, “Yama oda watobisa, oda ene Baoro kakomehe, oda tabaro‑ya kamarebonane.” Mai ati namoneni.

Korito daidi 5:6

Dai ene amosa‑mone dai ati na, dai ene amosarani. Dai‑ka owa ene‑ya dai kofeya, fare ene‑nima dai ene namakeboneni. Femeto i‑isi ne baho‑ya dabeya, baho tonafiteni. Fare femeto i‑isi ne‑nima dai‑ka owa ene ne dai kofeya, dai ene towe tohahareboneni.

Korito yoto‑ke 11:1

Mai ati siwana mai ati‑nima owati bide nabone, owa tamine dai‑ya ohiyarabone, owa‑ya dai yawariyahi.

Korito yoto‑ke 13:9

Dai ene amosi nafe, oda‑ya ya‑yainihe, oda ene kitaramone mai ati na, sibarineni. Dai ene amosi ba‑basi nabone, dai tamine Deoso‑ya oda hiyarateni.

Karatiya 6:3

Dai‑ta dai amosabisa‑mone dai ati na, dai‑ya dai keyehe, dai amosabisarani.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Firibo 2:12

Hibati‑ya dai‑ya osawe, owati‑ya dai nofamaroni. Hibayata dai‑ya osawira, owati‑ya dai nofasa nahi. Owati abariyahi. Yama‑ya Deoso nofare‑ya yama dai nofahaririyahi. Dai habo siitoniya, ai‑ka Abi i‑di Deoso ati dai tokadabahi, yawarebonaha.

Yeso Kirisito ene‑bona 3:17

‘Yinero nafi okihe, owa yehe honene dama, oka yama nafi hawa tohineni.’ Dai ati neni. Yama dai wato awirini. Towebisa dai amani. Dai amosi awira, yama nafi dai kihara, mai noki wadara‑nima dai na, dai bodi toha‑nima dai nineni.

Yeso Kirisito ene‑bona 5:10

Tiwa ene Deoso‑ka mai tohawahineni. Deoso‑ya mai kahiyarawahineni. Bofe‑ka mai‑ka hidi mai tohawahineni.” Mai ati nani.