Korito daidi 4:6 - Deoso-ka Yama Hani

⁶ Oka soho dai toha, yama‑ya dai watabone, i‑di Aboro oda fama oda tamine okanahanoneni. Deoso ati dai fiyakariyahi. Ai owa ohari dai nokotoniriyahi. Ai owa ene‑ya ai owa ene ai katomiriyahi.

Korito daidi 4:6 ပူးပေါင်းရင်းမြစ်များ

Yeso‑ka yo‑yose mai tamine 18:24

I‑di Aboro, Yodeo tohe, Aresadiriya‑ya wademata, Efesiyo‑ya kame, Deoso ati‑ya wato ba‑basi ne.

Yeso‑ka yo‑yose mai tamine 19:1

Korito‑ya Aboro wineya, Efesiyo‑ya Baoro toke, kobone, Yeso‑ka mai one‑ya hiyare,

Homa 12:3

Deoso owa‑ya kadikemarine, dai‑ya okanawatabonehe. Owati dai mitahi. “Amosabotebisa ama·oni.” Dai ati riyahi. Yeso ati dai nofa Deoso dai‑ya kasome, dai‑ya kanawato‑nima dai atibodi dai‑ya kadikabisahi. Deoso ene yama‑ya dai wa‑wato, Deoso ene dai ya‑yainibisa, hini dai‑ya dai kahiyarariyahi.

Korito daidi 1:12

“I‑di Baoro‑ka oda amani.” Dai one ati nihi, “I‑di Aboro‑ka oda amani.” Dai one ati nihi, “I‑di Bedoro‑ka oda amani.” Dai one ati nihi, “I‑di Kirisito‑ka oda amani.” Dai one ati nihi namone, i‑di Korowe‑ka mai ati naroni.

Korito daidi 1:19

“Yama nafi‑ya ai owa watomona mai dami ati na, Deoso ati‑ya mai nofara, Deoso ene yama‑ya mai watora mai‑ya mai dami awawahaboneni. ‘Owa‑ta yama owatobisini.’ Mai one ati na, Deoso ene yama‑ya mai watora mai mai hiwatowahaboneni.” Deoso‑ka yama hani ati nineni.

Korito daidi 1:31

“Dai‑ya dai kahiyarariyahi. Kirisito‑ta dai kahiyarabisahi.” Deoso‑ka yama hani ati na, Ati‑nima ai nahi.

Korito daidi 13:4

Mai ai nofa mai ai kasoma, mai‑ka yama ai kayafarihi, ai yawa kanibote rihi, ai‑ya ai tonanafirihi, ai teni.

Korito daidi 3:19

Deoso ati‑ya mai nofara, “Yama nafi‑ya oda watoneni.” Mai ati na, yama‑ya mai watora, ka‑kana mai amani. “Hini mai ati mai‑ya kobotonamatasaboneni.” Deoso‑ka yama hani ati nineni.

Korito daidi 3:21

Yama‑ya mai wa‑wato‑mone mai ati na, mai dai kahiyarariyahi. Deoso ene yama nafi dai kayafineni.

Korito daidi 5:2

Dai‑ya dai kahiyarariyahi. Dai‑ka owa ene dai ya‑yairiyahi. Dai ohinibisahi. Ene amosare, dai‑ya dabamarayaho.

Korito daidi 5:6

Dai ene amosa‑mone dai ati na, dai ene amosarani. Dai‑ka owa ene‑ya dai kofeya, fare ene‑nima dai ene namakeboneni. Femeto i‑isi ne baho‑ya dabeya, baho tonafiteni. Fare femeto i‑isi ne‑nima dai‑ka owa ene ne dai kofeya, dai ene towe tohahareboneni.

Korito daidi 8:1

Mai‑ka deoso wamane‑ka bani‑bona mai daahine, kabi tamine dai watobisamone dai‑ka yama hani ati na, yama‑ya dai watamone dai ati na, hini dai‑ya dai tonanafebone dai ati amani. Mai ai nofa, mai ai tonanafibisa, ai‑ya ai tonanafiterani.

Korito daidi 9:23

Kirisito Ati Amosabote‑ya mai mitiya, ati mai hinofebona ona, owati ihi Kirisito ati‑ya mai nofa, Kirisito owa‑ya kasomaharibonane.

Korito yoto‑ke 10:12

Dai tabaro‑ya mai one toka, amosabote mai‑mone mai ati na, mai‑nima oda ni awirani. Yama amosabote yokana‑ya mai awara. Mai ibi awabisa, haa‑nima mai na, yama‑ya mai wato awisarani.

Korito yoto‑ke 10:15

Mai one ihi oda kayafi awirani. Deoso ati dai nofi ba‑basi niya, dai ene mai one‑ya oda kasomahareba awineni. Oda ati teni.

Korito yoto‑ke 10:7

Owa mese‑ta dai awa, owatibodi dai awara, Kirisito‑ka dai toha‑mone, owa‑ta Kirisito‑ka ohara‑mone dai ati na awineni. Dai atibodi dai kadikamatasahi. Kirisito‑ka‑hari ama·ona dai awaboneni.

Korito yoto‑ke 11:4

Deoso Bidi i‑di Yeso ai manakone‑ya nanahabemata tamine dai‑ya oda kaminamaro, mai one dai tabaro‑ya kobona, Yeso oni‑ya mai hirina, Yeso bare tamine‑ya mai kamina, mai ati dai nofamoneni. Doni mai ati‑mone mai ati na, Deoso‑ka Doni ati tohi awire, ati dai nofamoneni. Deoso ati‑mona ati‑ya mai kamina, Deoso Ati Amosabote oda kaminemari, ati‑nima mai ati ni awira, mai ati dai nofamoneni.

Korito yoto‑ke 12:19

Hiniya owa dai nofabone owati toha‑mone dai one ati na awineni. Deoso oda‑ya awe, oda ati‑ya mite, Kirisito ene dai‑ya oda kasomabone, oda ati tohabisa Deoso watone.

Korito yoto‑ke 12:20

“Dai tabaro‑ya kobo·oniya, dai ene amosaraba awineni.” Owatibodi ati na. Dai ene amosara‑mani, owa ene dai nofara neni. Dai ibi wee, mai one‑ka yama‑ya dai ati kayafa, dai ibi ati yawa, dai one‑ya dai ati kasomara, keyehe‑ya dai hiri, mai noki beheri‑kaya mai tamine‑mone‑ya dai kamina, dai‑ya dai kahiyarabisa, dai ibi nimani awira, dai ene haa‑nima niya, owa ene‑ya dai awaboneni.

Korito yoto‑ke 12:6

Keyehe‑ya hiri·ora, owa tamine nafi okamina‑mani, owa‑ya dai nofi fiyakana neni. Owa dai nofi fiyakarabone, owa tamine nafi okaminaraboneni. Hiniya owa ene dai awa, owati dai mita na‑nima owa dai nofabisaboneni.

Korito yoto‑ke 4:15

Oda‑ya mai bisina, sibarini, oda bisini dai‑ya kasomaboneni. Yeso ati‑ya mai dami mitiya, ati mai hinofe, ai nafi ya‑yaina, Deoso‑ya ai kahiyaraboneni.

Koroso 2:18

Dai‑ya mai keyeheriyahi. “Wada owa ihi yama owatowahani.” Mai ati na, mai ati dai nofariyahi. “Deoso‑ka yo‑yose mai dai kahiyara, dai abano dai nofara, dai abano dai nakomahi, Deoso dai‑ya nofi ba‑basi nebonane. Owa abano onofara‑nima dai abano dai nofara, hini owa ene Deoso wadarine oawateni.” Mai ati na, mai ati dai nofariyahi.

Tesaronika daidi 1:5

Dai‑ya oda hiyara oda ati tohi awiramaroni. Deoso Ati Amosabote ati oda hiyarabisamaroni. Deoso‑ka Doni ene kite dai awemarine. Deoso ati‑nima oda na, keyehe‑ya oda hiriterani. Oda ene‑ya dai awamaro, dai‑ya oda nofi nafe, oda dai watoneni.

Timoti yoto‑ke 2:10

Kadeya‑ya ofoya, oyawara, sibaraboneni. Kadeya‑ya owaa, Deoso Ati Amosabote mai one‑ya okamina, Yeso ati‑ya mai nofamakeba awineni. Hibati‑ya Deoso mai‑ya kadikane, Yeso ati‑ya mai nofabonehe. Yeso ati‑ya mai nofamakiya, Deoso tabaro‑ya mai winawahaboneni. Mai ya‑yaini fawateraboneni.