Korito daidi 4:5 - Deoso-ka Yama Hani

⁵ Dai owa ene‑ya dai kadikariyahi. Yeso kamataseya, ai nafi ai ene‑ya kadikebonane. Yama ai kemamaro‑ya kadika, ai atibodi ati‑ya kadika neya, ai manakone‑ya Deoso daanebonane.

Korito daidi 4:5 ပူးပေါင်းရင်းမြစ်များ

Mateo 10:26

Mai ati ihi dai kakomeheriyahi. Yama‑ya mai kema, mai dami yama‑ya watowahaboneni.

Mateo 24:30

Haa‑nima yamana yananiya, neme‑ya dai‑ka Ayo neme‑ke fodomakibona, mai nafi ohinawahaboneni. Dai‑ka Ayo neme‑ke‑ya mai awabone, neme sabi‑ya kisameya, wehene nafibonane. Ene kitebonane.

Mateo 24:46

Hidi koboneya, hidi ati‑nima ene ne, ya‑yainebonane.

Mateo 25:21

‘Tiwa ene amosa, owati‑nima tiwa ene na, hibati‑ya tika yama bide daa·onamaro, owati‑nima tina, tika yama dama‑ba daa·onaboneni. Ya‑yai·ona, ya‑yaitinaharihi.’ Yinero hidi ati nane.

Mateo 25:23

‘Tiwa ene amosa, owati‑nima tiwa ene na, hibati‑ya tika yama bide daa·onamaro, owati‑nima tina, tika yama dama‑ba daa·onaboneni. Ya‑yai·ona, ya‑yaitinaharihi.’ Yinero hidi ati nane.

Roka 6:37

Mai‑ya dai kakoriyahi. Mai dai nofiya, dai‑ya mai kakoraboneni. “Towe amatini.” Dai ati riyahi. “Towe amatini.” Dai ati niya, “Towebisa dai amani.” Mai ati naba awineni. Mai‑ya dai ati somawamiya, dai‑ya mai ati somawamaboneni.

Yowaho 21:22

“Oka owa tamine‑ya tiwatibodi kadikariyahi. Okomatasiya, owati ihi oka owa abi awisareya, tiyawariyahi. Owa‑ya tisawiyahi.” Yeso ati nemarine.

Yowaho 21:23

Yeso ati tamine‑ya oda one mita, “Abaterebonane.” Mai ati na, O·abarabone, Yeso ati ni awire, “Oka owa tamine‑ya tiwatibodi kadikariyahi. Okomatasiya, owati ihi oka owa abi awisareya, tiyawariyahi.” Yeso ati nibisemarine.

Yowaho 5:44

Hini dai hinama dai ibi kahiyarabisa, Deoso dai‑ya kahiyarebona‑ya dai nokotonirani. Fara ihi owati dai nofarani.

Homa 14:4

Yeso ati‑ya mai nofa, ati mai hiwato bi‑bidi hine, Yeso Kirisito‑ya mai na‑narifa mai amani. Ai owa‑ya mai na‑narifa mai ihi ai kadikara, mai‑ka hidi mai ihi‑ya kadikabisatene. Kirisito‑ya mai na‑narifa mai ihi hikadikabone, mai hikasomaboneni, mai ihi amosabonehe.

Homa 2:1

“Mai ihi towe toha, hini mai ihi mai abahi.” Dai ati na. Mai ihi‑nima dai ene nahare, fara dai ene dai abahareboneni.

Homa 2:16

Ai ene ai kema‑ya ai one watoterani. Deoso‑ta ai ene‑ya watotene. Ai atibodi ati ai one himitara‑ya Deoso mitatene. Makobote yama ai kemamaro‑ya Deoso kadika, ai atibodi ati‑ya kadika nebonane. Deoso ene Yeso Kirisito ai ene‑ya kadikebona tamine okaminateni.

Homa 2:29

Yodeo yokana ai tohabone, ai sowiri tati ataro wisina ene tohaterani. Deoso‑ka Doni ai atibodi‑ya sawi, ai atibodi‑ya namose ene Deoso‑ka ai toha, Yodeo yokana ai toha teni. Ai atibodi‑ya mai one awara, Deoso‑ta ai atibodi‑ya awe, ai atibodi amosa ene Deoso ya‑yaitene.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Korito daidi 1:7

Dai ibi kasomi‑bone‑ka yama‑ya Deoso daanebona ati nemari, dai‑ya yama‑ya daanane. Ai‑ka Hidi i‑di Yeso Kirisito ko‑kobo dai nimaniya, Deoso dai‑ya kasomebona, dai kasomi‑ya fawaterebonane.

Korito daidi 11:16

Haa‑nima owati na dai nofara, hiniya dai ati yawa, owa hare owati tohi awira, mai tabori dami‑ya Deoso‑ya mai kahiyarabone, mai yorotokana, mai ati toha nineni.

Korito daidi 11:26

Yeso kobonami awisareya, Yeso abano‑nima baho na ai kaba, Yeso emene‑nima awa bono fahi na ai fawa na, Yeso emene tokafodo tamine‑ya ai kamina teni.

Korito daidi 15:23

Yeso Kirisito abano kitami dai tohemata, Yeso‑ka ai tohawaha, Yeso kamataseya, ai abano kitamamakitasaboneni.

Korito daidi 3:13

Yeso kamataseya, ai ene‑ya awebonane. Ai ene amosa, oro, barata, yati amosabote‑nima ai ene na, ai ene hasinaboneni. Ai ene amosara, awa, kada efe, kabi‑nima ai ene na, ai ene ababoneni. Yobe hati‑nima ai ene hateboneni.

Korito daidi 3:14

Yeso mai‑ka yobe tati mese ewene tohe, mai ihi hatira, Deoso tabaro‑ya mai winabone, mai manakone amosa‑ya mai kayafaboneni.

Korito daidi 3:8

I‑di Aboro oda fama, fara oda kafama, Deoso ati oda kamine, hini oda ene‑nima oda manakone na‑ya Deoso daanebonane.

Korito yoto‑ke 10:18

“Amosabote oda amani.” Mai ati na, mai ati amosa awineni. “Mai ihi amosini.” Deoso ati neya, mai ihi amosateni.

Korito yoto‑ke 10:9

Oka yama hani ihi dai habo siitoriyahi. Hiniya dai‑ya oka yama hani kasomabone oteni.

Korito yoto‑ke 4:2

Deoso ati‑ya mai one kaminamone mai ati na, Deoso ati‑nima mai ihi ra. Deoso ati kote‑ya mai kema, ati yokana‑ya mai kaminara. Hini yama miti mai hinofa‑nima mai ati na, mai ati‑ya mai nofabonehe. Mai‑nima oda ni awira. Deoso ati yokana oda kamine, ati mai himite, Deoso ati‑ya mai atibodi nofaboneni. Deoso oda ene‑ya awe, ati‑nima ati oda kaminatene.

Korito yoto‑ke 5:10

Yeso Kirisito noko‑kaya ai waa, ai ene‑ya kadikebonane. Ai ene amosa‑ya kadika, ai ene amosara‑ya kadika nebonane. Ai ene‑nima ai manakone naboneni.

Tesaronika daidi 5:2

Yama‑ya mai bo‑boti mai ai nimani awiriya, yama soki‑ya mai kakiteni. Fare‑nima Ai‑ka Hidi‑ya mai nimani awiriya, kobonebona dai watoneni.

Ebereo 4:13

Yama nafi‑ya Deoso wato, yama nafi‑ya awa tene. Yama tehe‑ya yama‑ya awa, yama soki‑ya yama nafi‑ya awa tene. Makobote ai abiya, ai ene‑maro tamine ai kaminawahaboneni.

Tiyako 4:11

Oka soho dai toha, owati dai mitahi. Dai owa ene dai kadikariyahi. Dai owa atibodi dai watora, Deoso‑ta hiwatobisane. Dai owa ene dai kadikarabone Deoso ati ne. Dai owa ene dai kadika‑mani, Deoso ati dai tokadabara, Deoso yama‑ya wato awire, dai‑ta, dai watobisa‑mone dai atibodi ati neni.

Tiyako 5:7

Soho, owati dai mitahi. Dai anina, dai‑ka yinero‑ba‑ya mai daara dai yawara. Dai‑ka Ayo Yeso kamebona dai ene amosa manakone‑ya daanebona, mai ihi amosara manakone daanahari nebonane. Yamata‑ya mai ka‑kama, yamata hawa toha kanibote ra‑ya hidi mai nimana, faha kake ihi yamata yana, makobote hadabone, faha kakitasa teni.

Tiyako 5:9

Dai owa tamine dai kaminariyahi. Dai ibi soho na, dai ibi ene kadikariyahi. Ai nafi ene‑ya Ka‑kadika‑bona kamebona nokobi‑ya waane.

Bedoro daidi 1:7

Oro‑ya mai awawama, yifo hiwe ihi oro fahi tohawamaya, yama bara sawe‑ya mai nanahaba, oro hinama tohaboneni. Makobote oro abawahaboneni. Yeso ati‑ya dai no‑nofa dai‑ya mai bisinabone, dai ene‑ya mai awaboneni. Yeso ati dai nofi yokana toha, ati dai nofi fawarebonane. Yeso kobonameya, Deoso dai‑ya kahiyara, hika wehene kote dai kayafaboneni.

Bedoro daidi 5:4

Ai‑ya Na‑nawada i‑di Yeso Kirisito kameya, dai‑ya yama amosabote‑ya daanebonane. Ai tati borone oro wamani‑nima yama na‑ya dai‑ya daanebonane.

Bedoro yoto‑ke 3:12

Yeso Kirisito kamebona dai nimana, “Yeso kama kanibote tinahi.” Dai atibodi ati nahi. Kame nowati‑ya Deoso ene neme hirina ihi yama kitara‑nima amowa mai nawahaboneni.

Bedoro yoto‑ke 3:4

“Yeso kamebona dai ati na, fai‑ra? Hibati‑ya Yeso kamebona‑ya ai‑ka idi mai nimanamaroni. Mai hasiniya, Yeso kamare, oda‑ka abi Yeso kami‑ya mai nimana, Yeso kamare, fare kamaterebonane. Yama Deoso wamahinamete‑nima yama nasa nineni.” Mai ati naboneni.

Yoda‑ka yama hani 1:14

I‑di Adaho‑ka nodi‑ka nodi‑tasa i‑di Enoki tohe, fare mai tamine‑ya hiyarematane. Ai‑ka hidi kameya, hika mai dama mai eyehe kamebonane.

Yeso Kirisito ene‑bona 1:7

Owati dai mitahi! Neme sabi‑ya Yeso kamebona, mai nafi hiawebonane. Yeso‑ya mai nanahabamaro Yeso‑ya mai awawahaboneni. Mai hiaweya, tabora nafi‑nima mai ohinawahaboneni. Fara yama amosaboneni.

Yeso Kirisito ene‑bona 20:12

Faha webote‑ya mai abamete mai kitama mai toha; mai tame‑ka mai kitama mai toha, mai na; mai korimari wiye‑ya mai toha, mai nafi kitama, webote mai toha, webote mai tohi awira mai toha, mai na, mai oawani. Hidi Webote‑ka kadera kawi‑ya mai nahani. Deoso‑ka yama hani dama‑ya hika yo‑yose mai seena, makobote yama hani kare‑ya seekanamaki, fara ai abarabone‑ka yama hani amani. Mai ihi‑nima mai ihi manakone‑ya haanene. Fara yama hani dama‑ya mai ihi tamine sawi nani. Hini mai ihi‑nima yama na‑ya daanene.