Korito daidi 4:17 - Deoso-ka Yama Hani

¹⁷ Owati‑ya dai ati kadamowamarabone, i‑di Timoti oyoseneni. I‑di Timoti onofi nafi, oka dao‑nima ne. Yeso Kirisito tamine‑ya okamine, owati‑nima nemari, fare oka dao amane. Mai tabori‑ya mai okanawato‑nima dai tabaro‑ya i‑di Timoti dai‑ya kanawatomakitasebonane.

Korito daidi 4:17 ပူးပေါင်းရင်းမြစ်များ

Mateo 24:45

Owati dai mitahi. Hidi‑ka yo‑yose mai dama, hika yo‑yose ohari yama‑ya watone, hidi ati‑ya tokadabi amose, hidi ati ene mai one‑ka hidi tohawahebonane, mai‑ya natafebonaha.

Mateo 25:21

‘Tiwa ene amosa, owati‑nima tiwa ene na, hibati‑ya tika yama bide daa·onamaro, owati‑nima tina, tika yama dama‑ba daa·onaboneni. Ya‑yai·ona, ya‑yaitinaharihi.’ Yinero hidi ati nane.

Mateo 25:23

‘Tiwa ene amosa, owati‑nima tiwa ene na, hibati‑ya tika yama bide daa·onamaro, owati‑nima tina, tika yama dama‑ba daa·onaboneni. Ya‑yai·ona, ya‑yaitinaharihi.’ Yinero hidi ati nane.

Yeso‑ka yo‑yose mai tamine 16:1

Derebi‑ya Baoro mai towaka, Risita‑ya mai towakawaha, Risita‑ya Timoti wine. Timoti madi Yeso ati‑ya no‑nofa, Yodeo toha, badi‑ta Kereko toha nemonane.

Korito daidi 11:16

Haa‑nima owati na dai nofara, hiniya dai ati yawa, owa hare owati tohi awira, mai tabori dami‑ya Deoso‑ya mai kahiyarabone, mai yorotokana, mai ati toha nineni.

Korito daidi 11:2

Owa ene‑maro dai wato, dai okanawata owati‑nima dai ene namaro, dai ene ya‑yai·oneni.

Korito daidi 11:34

Dai fime, dai‑ka yobe‑ya dai tafahi. Dai yorotokana, dai ene amosahi, Deoso dai‑ya nakomarayaho. Dai tabaro‑ya kobo·oniya, yama one tamine okaminaboneni.

Korito daidi 14:33

Deoso yama amosa‑ya nofatene. Dai dami ati yananiya, dai ati amosi awirini. Deoso‑ya mai kahiyarabone, mai ati ohaririteni.

Korito daidi 16:1

“Yodeya‑ya mai wi‑wina, Deoso ati‑ya mai no‑nofa mai‑ka yinero‑bona oda yorotokaniheboneni.” Dai‑ka yama hani ati na. Fara dai‑ka yama hani ati‑nima dai nahi. Karatiya‑ya mai wi‑wina mai oyosehare, mai‑ka yinero‑bona‑ya mai yorotokanaharebonehe.

Korito daidi 16:10

I‑di Timoti dai tabaro‑ya koboneya, dai ati ene habo siitorayaho. Deoso‑ka yama ani·ona‑nima i‑di Timoti anitene.

Korito daidi 4:14

Oka madehe‑nima dai na, dai‑ya onofi nafineni. Dai‑ya wee·ora, dai‑ya okanawata, dai‑ka yama hani‑bone okanahanowahineni.

Korito daidi 4:15

Yeso Kirisito tamine dai‑ya okamini baha, dai‑ka abi‑nima ona. Owati dai mita, Kirisito ati dai nofamaro, Deoso‑ka dai tohawaha, Yeso Kirisito tamine‑ya 10.000 mai toha dai‑ya mai kanawatomakeba awineni. Fara dai‑ka abi‑nima mai ni awiraboneni.

Korito daidi 4:2

Ai owa‑ka yo‑yose ai toha, ai‑ka hidi ati‑nima ai teni.

Korito daidi 7:17

Deoso‑ya mai hiyarabone, mai yorotokana, mai‑ya ohiyariya, haa‑nima owati teni. “Hibati‑ya Deoso ati dai nofawahiya, hini dai abano tohamaro, tohasa niya, dai sibaraboneni.” Oteni.

Korito daidi 7:25

Mai fanara mai tamine dai mitabone, oka yama hani‑bone dai kanahanoneni. Mai fanara mai tamine‑ya Yeso owa‑ya kamini awisare, mai tamine yama owato bide oha, tamine okanahanaboneni. Deoso owa‑ya kasome ene keyehe‑ya hiri·ora, owa dai watoneni.

Korito yoto‑ke 8:18

I‑di Tito tokomeya, oda owa oda yoseboneni, I‑di Tito‑ya sawibonaha. Oda owa Deoso ati‑ya kamine, ati‑ya Deoso‑ka mai dami nofani.

Efesiyo 6:21

I‑di Tikiko i‑di Kirisito ati‑ya nofi nafi, oda‑ka soho amane. Yeso ati oda kamine, oda‑ya kasomatene. Dai tabaro‑ya tokebonane, owa tamine‑ya kaminebonaha.

Firibo 2:19

Ai‑ka Ayo, i‑di Yeso, ati sibareya, ai amoni fa‑famaraba niya, i‑di Timoti oyoseboneni. Dai tabaro‑ya i‑di Timoti oyose, kameya, dai tamine omita, ya‑yai·onaboneni.

Firibo 2:22

I‑di Timoti ene dai awemari, ene sibaremarine. Oka dao‑nima i‑di Timoti ne, oda fama, Deoso‑ka yama oda aninineni, Deoso Ati Amosabote mai watowahabonehe.

Koroso 1:7

I‑di Ebafarasi oda yosemaroni, dai‑ya Deoso Ati Amosabote‑ya kaminebonaha. Oda ene‑nima ene nane. Yeso Kirisito ati‑ya tokadabe, Yeso ati‑ya kaminatene.

Koroso 4:9

Tikiko eyehe oda‑ka soho owa i‑di Onesimo sawibonane. Onesimo dai tabaro‑ya winemari, oda‑ya sawiwahemari, Deoso tamine‑ya kaminebonaha. Oda tamine mai kaminabone, mai tokomini.

Timoti daidi 1:18

Timoti, owati timitahi. Tiwa oka dao onamaroni. Tiwa tamine‑ya Deoso ati‑ya mai hi‑hiyara mai kaminamaroni. “Deoso ati tihiyaraboneni. Tiwati fawariyahi.” Mai ati namaroni. Tiwa‑ya mai bisiniya, tiwa habo siitoriyahi. Deoso ati tihiyarabisahi.

Timoti daidi 1:2

Timoti, tika yama hani‑bone okanahanoneni. Yeso tamine hibati‑ya ohiyare, tamine tinofa, tiwa oka dao onamaroni. Ai‑ka Abi, i‑di Deoso, ai‑ka Ayo i‑di Yeso Kirisito ne, tiwa‑ya mai kasoma, tiwatibodi ati tiwa‑ya somateni.

Timoti yoto‑ke 1:2

Timoti, tiwa oka dao onamaro, tiwa onofa, tika yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito ne tiwa‑ya mai kasoma, tiwatibodi ati tiwa‑ya soma teni.

Timoti yoto‑ke 2:2

Owati‑ya dai dami mitamaroni. Yama okanawata, owa‑nima mai tikanawatoyahi. Mai ihi amosa, mai tikanawata, makobote mai one‑ya mai kanawatowahaboneni.

Timoti yoto‑ke 3:10

Owa‑ta owa ene tiawamaroni. Owati timitamaroni. Mai ihi‑nima owa ene terani. Mai wee·ora mai onofateni. Deoso ati onofa, owa tiwatoneni.

Tito 1:5

Hibati‑ya Kereta‑ya ai winiya, tiwa ohiyaramaroni. “Kereta‑ya yama nafi hawa tohi awisara, fara tiwinahi. Mai tabori dami‑ya Deoso‑ka mai mai yorotokana, mai‑ka webote mai‑bone mai tikadikiyahi, mai‑ya mai kasomabonehe.” Onamaro, owati‑maro‑nima tinahi.

Yeso Kirisito ene‑bona 2:10

Dai habo siitoriyahi. Diaboro ati ene kadeya‑ya dai one‑ya mai nafoyabone, dai maaki‑bone‑ka mai ihi amani. Ai amoni ai yehe kafama‑ya dai‑ya mai weenaboneni. Deoso‑ka hawi bai‑ya dai maakani awiriya, dai‑ya mai nanahabiya, dai sibaraboneni. Dai kitamiya, owati ihi dai abaraboneni.

Yeso Kirisito ene‑bona 2:13

Dai ene nafi owatoneni. Dai wini‑kaya Satanasi ati‑ya mai dami tokadabineni. Anitibasi dai‑ya sawimari, owa oni‑ya saatonakosi awiremari ene Anitibasi‑ya mai one nanahabani. Anitibasi‑ya mai nanahabiya, owa oni‑ya dai saatonakosi awirani.