Korito daidi 4:15 - Deoso-ka Yama Hani

¹⁵ Yeso Kirisito tamine dai‑ya okamini baha, dai‑ka abi‑nima ona. Owati dai mita, Kirisito ati dai nofamaro, Deoso‑ka dai tohawaha, Yeso Kirisito tamine‑ya 10.000 mai toha dai‑ya mai kanawatomakeba awineni. Fara dai‑ka abi‑nima mai ni awiraboneni.

Korito daidi 4:15 ပူးပေါင်းရင်းမြစ်များ

Homa 15:20

Yeso Kirisito ati‑ya mai mitaramaro mai‑ya ohiyarabisabone owatibodi ati nineni, Yeso Kirisito ati‑ya mai one kaminamete, mai nowati‑kaya owatibodi tokomaki nofarineni.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito daidi 15:1

Oka soho dai amani, owati dai mitamatasahi. Hibati‑ya Deoso Ati Amosabote dai‑ya okamine, ati dai nofemari, ati‑nima dai teni.

Korito daidi 3:10

Deoso owa‑ya kasome ene Deoso‑ka yobe dai tohawaha, Yeso Kirisito dai‑ka yobe tati mese ewene tohawahene. Yeso abe, ai manakone‑ya nanahabe, kitame tamine dai‑ya okaminamaroni. Yobe wamani‑ya mai wata, mai ihi‑nima owa ene na. Mai‑ka yobe‑bona tati mese ewene hodone‑ya mai nakowe, yobe tati mese ewene kite‑ya mai nawaa, yobe tati mese ewene‑bona‑ya mai ibariteni. Fara mai ihi‑nima owa ene na, Kirisito tamine dai‑ya okamina, dai‑ya okanawata ene Yeso Kirisito dai‑ka yobe tati mese ewene tohawahene. Owa nowati‑ya dai‑ya mai kanawata, dai‑ka yobe‑ya mai aniniya, mai noki wadiyahi, mai ihi amosabonehe.

Korito daidi 3:6

Yamata‑ya mai ka‑kama mai‑nima ona, Deoso ati dai‑ya ohiyari bahamaroni. Yamata kami hawa tohaya, faha‑ya mai sorona mai‑nima i‑di Aboro ne, dai‑ya Deoso ati‑ya hiyaramatasane. Deoso ene yamata yana, Deoso ene Deoso ati‑ya dai nofahariteni.

Korito daidi 3:8

I‑di Aboro oda fama, fara oda kafama, Deoso ati oda kamine, hini oda ene‑nima oda manakone na‑ya Deoso daanebonane.

Korito daidi 9:12

Deoso ati‑ya mai kamina, mai manakone‑ya dai daateni. Deoso ati dai‑ya oda kamine, oda manakone wadakarini? Hehe, wadani. Oda fime, manakone oda haaramaroni. “Manakone oda haaniya, Kirisito ati‑ya mai one mitamakiraba awineni.” Oda ati namaroni.

Korito daidi 9:14

Fara‑nima Deoso‑ka yinero kote‑ya Deoso ati‑ya mai ka‑kamina mai kayafatebone Deoso ati nematane.

Korito daidi 9:16

Deoso ati okaminabisa, owa‑ya okahiyari awirini. Deoso owa‑ya yosemarine, Kirisito tamine okaminebonaha. Ati okamini awire‑mana, owa‑ya nakome nane.

Korito daidi 9:18

Hini yamata‑ya owa manakone tohibati? Yama manakone haa·ora ihi ya‑yai·ona, fara hini owa ya‑yainiya, owa manakone tohateni.

Korito daidi 9:23

Kirisito Ati Amosabote‑ya mai mitiya, ati mai hinofebona ona, owati ihi Kirisito ati‑ya mai nofa, Kirisito owa‑ya kasomaharibonane.

Korito yoto‑ke 4:5

Oda tamine‑ya oda kaminara. Yeso Kirisito ai‑ka Hidi ati oda kaminabise, Yeso ene dai‑ka yo‑yose oda toha, Yeso ati dai nofahi.

Karatiya 3:24

Yama ai nabone, yama ai rabone i‑di Mose ai‑ya kanawato, Yeso Kirisito koboni awisareya, Mose ati ai‑ya barikanane. Yeso kobone, ai manakone‑ya nanahabe, Deoso ai‑ya ati somawamebonaha. Yeso ati ai nofiya, Yeso ati ene ai sibawarineni.

Karatiya 3:25

Yeso Kirisito ati‑ya ai nofawaha, i‑di Mose ati ai‑ya barikanami awirene.

Karatiya 4:19

Oka madehe‑nima dai na, dai tamine omita, owatibodi koma, owatibodi komene kitineni. Mai fanawi dori kome yanana, mai dori kome kitateni, dori wadabonehe. Fara‑nima owatibodi komene nineni. Dai ene owatibodi komineni. Yeso Kirisito ati dai nofi nafibona, ene‑nima dai ene nabone, dai tamine ene owatibodi komineni.

Timoti yoto‑ke 4:3

Makobote Deoso ati miti‑ya mai nofara, “Ati oda nofe, ati‑nima tiwati niya, tiwati oda nofaboneni. Ati oda nofe, ati‑nima tiwati ni awiriya, mai one oda ati‑nima mai ati na, mai ati oda nofaboneni.” Mai ati naboneni.

Tito 1:4

Tito, tika yama hani‑bone okanahana, tikadikiyahi. Oka dao owa amatini. Deoso ati ohiyara, owati‑ya timita, Deoso ati tinofawahamaro, tiwa oka dao onamaroni. Ai‑ka abi i‑di Deoso, ai‑ka ayo i‑di Yeso Kirisito mai na, tiwa‑ya mai kasoma, tiwatibodi tiwa‑ya weerabone, Yeso Kirisito tiwa manakone‑ya nanahabemari, tiwa‑ya kasomebonane.

Firimo 1:19

Baoro ama·oni. Owa yehe‑ya yama okanahana, i‑di Onesimo‑ka yama manakone bote onahababoneni. Tiwa okasomamaro, tiwati kadamo awirini. Yeso tamine tiwa‑ya okaminamaroni. Yeso tamine tiwa‑ya okaminara‑mani, Yeso ati tinofara neni. Tiwa okasomamaro, yama manakone haa·oteraboneni.

Tiyako 1:18

Deoso ati ai nofi awisariya, ai‑ya kadike, Ati Amosabote ai nofawahe, hika ewe ai tohawaha, hika yama wamani‑ka hidi ai tohawahaboneni.

Bedoro daidi 1:23

Deoso ati abatere, ati dai nofa, dai‑ka Abi i‑di Deoso tohe ene dai atibodi yati toha, ai wada yati‑nima dai nawaha, Deoso ene dai atibodi abaterabone, neme‑ya dai winamakeboneni.