Korito daidi 4:14 - Deoso-ka Yama Hani

¹⁴ Oka madehe‑nima dai na, dai‑ya onofi nafineni. Dai‑ya wee·ora, dai‑ya okanawata, dai‑ka yama hani‑bone okanahanowahineni.

Korito daidi 4:14 ပူးပေါင်းရင်းမြစ်များ

Yeso‑ka yo‑yose mai tamine 20:31

Dai noko wadahi. Dai atibodi yama‑ya watoyahi. Dai ati kadamowamariyahi. Faha fowe fama, faha fowe oharimaki niya, dai ohiyaramaroni. Yama tehe‑ya dai‑ya ohiyara, yama soki‑ya dai‑ya ohiyara oteni. ‘Dai noko wadahi.’ Ona, dai tabiyo ohi·onamaroni.

Korito daidi 15:34

Dai amona‑nima dai na, dai dodafiya, dai atibodi dai kadikahi, dai ene amosabonehe. Mai one yama‑ya mai wa‑wato‑mone mai ati na, Deoso‑ya mai nofara dai‑ya keyehe‑ya mai hirikanateni, dai ene amosarabonehe. Yama dai watabone ona, yama dai watora awineni.

Korito daidi 4:15

Yeso Kirisito tamine dai‑ya okamini baha, dai‑ka abi‑nima ona. Owati dai mita, Kirisito ati dai nofamaro, Deoso‑ka dai tohawaha, Yeso Kirisito tamine‑ya 10.000 mai toha dai‑ya mai kanawatomakeba awineni. Fara dai‑ka abi‑nima mai ni awiraboneni.

Korito daidi 4:17

Owati‑ya dai ati kadamowamarabone, i‑di Timoti oyoseneni. I‑di Timoti onofi nafi, oka dao‑nima ne. Yeso Kirisito tamine‑ya okamine, owati‑nima nemari, fare oka dao amane. Mai tabori‑ya mai okanawato‑nima dai tabaro‑ya i‑di Timoti dai‑ya kanawatomakitasebonane.

Korito daidi 6:5

Deoso ati‑ya dai no‑nofa dai owa ene kadiki dai watokarini? Yama bide kadiki dai watora‑mani, madehe borehe dai tohasa na neni. Dai ene ya‑yai·oni awirini.

Korito daidi 9:15

Owa‑ta, Deoso ati okamina, manakone haa·oterani. Owati‑ya dai‑ya manakone haa·orihi, yama hani‑ya dai‑ya manakone haa·orihi oneni. Fimi ihi o·aba‑mani, sibara neni. Deoso ati kamini manakone haa·ona‑mani, owati kasiro neni. Owa ene ya‑yai·oteni.

Korito yoto‑ke 11:11

“Oda‑ka yamata‑ya i‑di Baoro haare, oda‑ya nofare awane.” Dai ati namone. Dai onofi nafe owa‑ya Deoso watone.

Korito yoto‑ke 12:19

Hiniya owa dai nofabone owati toha‑mone dai one ati na awineni. Deoso oda‑ya awe, oda ati‑ya mite, Kirisito ene dai‑ya oda kasomabone, oda ati tohabisa Deoso watone.

Korito yoto‑ke 7:3

Dai‑ya wee·ora, dai‑ya oda nofi nafe, oda hasi, oda aba niya, dai nofi‑ya oda fawaraboneni.

Koroso 1:28

Mai dami‑ya Yeso Kirisito tamine oda hiyara, Deoso oda kasome, mai oda kanawata, Kirisito kameya, “Ayo Yeso, mai tiawahi. Tiwati mai nofa, tiwati‑nima mai namaroni.” Oda ati naboneni. Kirisito ati nafi oda kamine, ati‑nima dai naboneni.

Tesaronika daidi 2:11

Ai‑ka abi ai‑ya kanawatotene. Dai‑ka abi‑nima oda na, Deoso ati‑ya dai oda kanawatoteni.

Tesaronika daidi 5:14

Yama anini‑ya dai one mai ati nofara, mai dai weeniyahi, yama‑ya mai aninabonehe. Dai one hi‑hiyana mai dai kasomahi. Mai habi siitona, mai dai kasomiya, mai ya‑yainaboneni. Dai yawa kanibote riyahi.

Tesaronika yoto‑ke 3:14

Oda‑ka yama hani ati‑ya mai nofara, mai‑ya dai kadikiya, mai‑ya dai sawimarihi. Mai‑ya dai dabamarihi niya, mai atibodi hini mai‑ya weeniya, yama‑ya aninawahaba awineni.

Firimo 1:10

I‑di Onesimo tikanikemona tamine timitiyahi. Oka dao owa‑nima Onesimo nawawahane. Kadeya‑ya owaa, Yeso Kirisito Ati Amosabote‑ya i‑di Onesimo‑ya okamina, Yeso ati‑ya Onesimo nofawahe, fare oka dao tohawahene.

Yowaho daidi 2:1

Dai oka dao onamaro, dai‑ka yama hani‑bone okanahanowahineni, dai ene amosabonehe. Dai ene amosaraya, ai tamine‑ya ka‑kamina ai‑ka Abi eyehe itarine. Ai tamine‑ya Yeso Kirisito ene amose hinama kaminatene.

Yowaho faina 1:4

Deoso ati‑ya oka dao tokadabe tamine omita, owa ya‑yaini nafi, yama one tamine omita, owa ya‑yaini bi‑bidi teni.