Korito daidi 4:11 - Deoso-ka Yama Hani

¹¹ Yeso‑ka yo‑yose oda toha, oda tefe‑ba wadara, oda fimi, oda bako hoko, oda‑ka bora ohare oda weyena, oda‑ya mai bisi, oda tabaro yokana wadarihi nineni.

Korito daidi 4:11 ပူးပေါင်းရင်းမြစ်များ

Mateo 8:20

“Bani mai one tabori hodi‑ya toha, bani mai afe wada mai bori tohateni. Owa‑ta owa tabaro wadarani.” Yeso ati nemarine.

Yeso‑ka yo‑yose mai tamine 14:19

Atioki‑ka mai toha, Ikoniyo‑ka mai toha na, mai kamake, mai‑ya mai hiyara, “Baoro mai ati kasira, mai ati dai mitariyahi.” Mai ati na, mai ati‑ya mai mita, yati‑ya i‑di Baoro‑ya mai baana, mai hinahabe, “Abe amanakani.” Mai ati na, tabora awiri‑kaya Baoro horoniya mai tokamoneni.

Yeso‑ka yo‑yose mai tamine 16:23

Mai kosini‑ya mai hawa toha, kadeya‑ya mai‑ya mai nafoyabone, kadeya hidi‑ya mai hiyara, “Mai tiwakatomahi. Mai towakariyahi. Mai towakiya, tiwa‑ta tiwa oda nanahababoneni.” Kofeno‑ka mai ati na.

Yeso‑ka yo‑yose mai tamine 23:2

Deoso‑ka yama‑bone‑ya mai da‑daa mai‑ka hidi Ananiya ati ene Baoro bono‑ya mai batanarineni.

Homa 8:35

Kirisito ai‑ya nofi nafi, ai‑ya nofi fawaterebonane. Ai‑ka yama kome kita, ai‑ya nofa, ai‑ya mai bisina, ai‑ya nofa, ai fimi nafe, ai‑ya nofa, ai‑ka bora wadara, ai‑ya nofa, ai abi yanatona, ai‑ya nofa, ai‑ya mai nanahaba, Kirisito ai‑ya nofatene.

Korito daidi 9:4

Mai‑ya okanawata mai tafe‑ya okoba, mai‑ka faha‑ya ofi ona, sibari awireni? Hehe, sibarineni.

Korito yoto‑ke 11:20

Amosabote mai‑mone mai ati na, dai‑ya mai yose, dai‑ya mai keyehe, dai‑ka yama‑ya mai kayawa, dai‑ya mai bisi na, mai ati dai nofasa nineni.

Korito yoto‑ke 4:8

Yeso ati oda kaminarabone mai ati na, oda‑ya mai weeni kofina, Yeso ati oda kaminanasa nineni. Oda‑ya mai ihi tohabone mai ati na, oda habo kitabisineni.

Firibo 4:12

Oka yamata tosiyoya, kori·okasara, ya‑yai·ona, oka yamata dama, ya‑yai·onahariteni. Ofime, kori·okasara, korima·oniya, ya‑yai·ona oteni. Mahi‑nima owatibodi ati somateni.

Timoti yoto‑ke 3:11

Atioki‑ya owa‑ya mai wee, Ikoniyo‑ya owa‑ya mai wee, Risita‑ya owa‑ya mai weenamaro, owa tiwatoneni. Owa‑ya mai bisinamaro, Ai‑ka Ayo Yeso owa‑ya kasome, hasinasa oneni.