Korito daidi 4:10 - Deoso-ka Yama Hani

¹⁰ Kirisito ene yama dai watamone dai ati na, Kirisito ati oda kamina, ka‑kana oda namone mai ati teni. Dai kitamone dai ati na, oda‑ta oda kitaramone mai ati teni. Dai‑ya mai kahiyara, oda‑ta oda‑ya mai kakobisineni.

Korito daidi 4:10 ပူးပေါင်းရင်းမြစ်များ

Mateo 24:9

Oka dai toha dai‑ya mai bisina, dai one‑ya mai nanahababoneni. Mai dama owa‑ya mai nofarabone, oka dai toha dai‑ya mai kakaboneni.

Mateo 5:11

Owati‑ya dai nofa dai‑ya mai nofaraboneni. Dai‑ya mai wee, dai‑ya mai bisi, dai tamine‑ya keyehe‑ya mai hiri, mai naboneni.

Roka 10:16

Hika mai da‑daba mai‑ya hiyare, “Dai ati‑ya mai tokadaba owati‑ya mai tokadabahareni. Dai ati‑ya mai nofara owati‑ya mai nofaharirani. Owati‑ya mai nofara owa‑ya yose‑mari ati‑ya mai nofaharirani.” Yeso ati nematane.

Roka 18:9

Hini mai‑ya mai kahiyara, mai ihi towe wadaramone mai ati na, mai one‑ya mai nofara, mai‑ya Yeso kanawatobona, mai‑ya hiyarematane.

Roka 6:22

Dai‑ka Ayo neme‑ke‑ya dai nofa ihi dai‑ya mai kako, dai‑ya mai kananihe, dai‑ya mai wee na, Deoso dai‑ya kasomebona,

Yeso‑ka yo‑yose mai tamine 17:18

Ebekoriyo mai toha, Esitoiko mai toha na, Baoro‑ya mai hiyara, Deoso tamine‑ya mai ibi hiyara, “Baoro yama‑ya watore, hini yamata‑nima ati nati?” Mai one ati na. “Mai one‑ka deoso tamine‑ya hiyare awane.” Mai one ati na. Yeso abe, kitame ene ai kitamaharebone tamine‑ya Baoro hiyarane. Ai kitamabone tamine‑ya mai mita, yama‑ya mai watorani.

Yeso‑ka yo‑yose mai tamine 17:32

Yeso abe kitame, tamine‑ya mai mita, Baoro‑ya mai one hahakana, “Mahi owa‑ya tiwati oda mitamatasaboneni.” Mai one ati na.

Yeso‑ka yo‑yose mai tamine 26:24

Ati‑ya Fesito mite, Baoro‑ya haane, “Baoro, ka‑kana amatini. Yama hani nafi tikadika, tiwa tati tohiya awineni.” Fesito ati nane.

Yeso‑ka yo‑yose mai tamine 9:16

Owa tamine hiyari ene, mai bisihineya, yama bisini kome‑ya watowahebonane.” Yeso ati nane.

Korito daidi 1:21

Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.

Korito daidi 1:23

“Yeso Kirisito awa‑ya mai baahikane, ai manakone‑ya nanahabematane. Ati dai nofeya, Yeso hawine‑ya dai sawi‑bone, Deoso tabaro‑ya dai kobonaboneni.” Oda ati na, Oda ati‑ya Yodeo mai mita, mai atibodi yama‑ya kadika, “Yeso oda manakone‑ya nanahabare, oda manakone oda nanahababisineni.” Mai atibodi ati na, Ai taratokana‑nima mai na, Deoso tabaro‑ya mai koboraboneni. Oda ati‑ya Kereko mai mita, oda‑ya mai hahakana, “Yeso hawine‑mona‑ya oda sawiraboneni.” Kereko mai ati teni.

Korito daidi 1:25

Yama ai wato bi‑bidi nibisa, Deoso yama nafi‑ya watobise, ai nafi‑ka yama wato‑ya Deoso‑ka yama wato fiyakana, ai nafi kiti‑ya Deoso yehe bidi ohari kiti fiyakana nane.

Korito daidi 10:12

Yama‑ya dai watamone dai ati na, dai noko wadahi. Dai noko wadariya, Satanasi dai‑ya keyehe‑ya hirikanebonane.

Korito daidi 2:14

Deoso‑ka Doni mai‑ya sawire, Deoso ati‑ya mai watora, “Deoso ati honita tohabisane.” Mai ati teni. Deoso ati‑ya Deoso‑ka Doni mai‑ya kanawato awireya, Deoso ati‑ya mai watoteraboneni.

Korito daidi 2:3

Dai tabaro‑ya owina, okitara, owa habo siitona, wawawa·okanamaroni.

Korito daidi 3:18

Deoso ati‑ya mai nofara dai tamine‑ya mai hiyariya, yama‑ya dai watamone mai ati na, mai ati dai nofariyahi. Mai ati dai nofa‑mani, hini dai‑ya dai keyehe neni. Ka‑kana dai‑mone mai ati na, fara yama dai wato ba‑basi na awineni.

Korito daidi 3:2

Madehe borehe mai‑ka ami mai yohari fahi‑ya mai fawi ohariteni, yama kita kabi‑ya mai watoraro. Fara madehe‑nima dai na, Deoso ati kite‑ya dai‑ya okanawatora, Deoso ati yoha fahi‑nima ne‑ya dai‑ya okanawatobisani. Deoso ati kite‑ya dai wato awisarani.

Korito daidi 4:8

Yama dai atibodi kobohina‑ya dai kayafi hawa tohamone, dai‑ka yama dodamawaha, dai‑ya oda sawira, mai‑ka hidi dai tohawahamone dai ati namoneni. Mai‑ka hidi yokana dai toha‑mani, oda ya‑yaina neni. Mai‑ka hidi yokana dai toha‑mani, mai‑ka hidi oda tohahare neni.

Korito yoto‑ke 10:10

“Yama hani‑ya i‑di Baoro oda‑ya weene. Oda tabaro‑ya koboneya, ati yanani amosare, habo siitone, oda‑ya weeterene. Yama‑ya mai watora mai ati‑nima ati nane.” Dai one ati namoneni.

Korito yoto‑ke 11:19

Yama nafi‑ya dai watamone dai ati na, ka‑kana mai ati‑ya dai nofasa nineni.

Korito yoto‑ke 11:29

Yeso ati‑ya mai one nofa, mai ihi amosara mai tamine omita, owatibodi koma, mai‑ya owatibodi kasomateni. Mai one ihi Deoso‑ka owa ene amosare, mai ihi oyawani.

Korito yoto‑ke 13:9

Dai ene amosi nafe, oda‑ya ya‑yainihe, oda ene kitaramone mai ati na, sibarineni. Dai ene amosi ba‑basi nabone, dai tamine Deoso‑ya oda hiyarateni.

Korito yoto‑ke 4:12

Yeso ati oda kamine ene oda‑ya mai ati nanahaba, dai‑ya Yeso ati oda kaminemari, ati dai nofe, dai abamaraboneni.

Korito yoto‑ke 6:8

Oda‑ya mai one kahiyara, oda‑ya mai one tai, oda tamine‑ya mai kamina, mai one ati amosa, mai one ati amosarihi na, Deoso‑ka oda toharamone mai one ati na, Deoso‑ka oda tohani.

Tesaronika daidi 4:8

Oda ati tohara, Deoso ati tohabise, ati dai tokadabi awireya, Deoso ati dai tokadabarani. Deoso ati dai tokadabahi. Deoso amane, Hika Doni‑ya dai‑ya da‑daa.

Bedoro daidi 4:14

Kirisito‑ka dai toha, dai‑ya mai taina, dai yawara, dai ya‑yaina, Deoso dai‑ya kasome, Deoso‑ka Doni amosabote dai‑ya sawi, tamine‑ya dai kadikabisahi.