Korito daidi 3:5 - Deoso-ka Yama Hani

⁵ I‑di Aboro oda fama, amosabote oda tohara, Yeso oda‑ya yosebise, Deoso ati oda kamine, ati dai nofamaro, ai‑ka Hidi ati‑nima oda nineni.

Korito daidi 3:5 ပူးပေါင်းရင်းမြစ်များ

Mateo 25:15

Hika yo‑yose owa yama‑ya wato nafi‑ya yinero webote 5 kane‑ya daanane. Hika yo‑yose owa‑ka yinero webote fame‑ya daanane. Hika yo‑yose owa yama‑ya wato nafire, yinero webote ohari‑ya daane, ‘Oka yinero dai nawadahi, yinero dodamebonaha.’ Yinero hidi ati ne, tokawahane.

Roka 1:2

Yeso ene‑ya mai awamaro Yeso ene‑ya mai nokotonihe, ai‑ya mai kanawatowahamaroni.

Yowaho 3:27

Yowaho mai‑ya hiyare, “Deoso ene Yeso‑ya mai tokomakineni.

Yeso‑ka yo‑yose mai tamine 18:24

I‑di Aboro, Yodeo tohe, Aresadiriya‑ya wademata, Efesiyo‑ya kame, Deoso ati‑ya wato ba‑basi ne.

Yeso‑ka yo‑yose mai tamine 19:1

Korito‑ya Aboro wineya, Efesiyo‑ya Baoro toke, kobone, Yeso‑ka mai one‑ya hiyare,

Homa 15:16

Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Korito daidi 12:28

Yeso ati‑ya ai no‑nofa ai ibi kasomaboneni, ai nafi. Deoso ati ene Yeso‑ka yo‑yose ai one toha, Deoso ati‑ya mai ka‑kamina‑bone mai one toha, mai one‑ya mai ka‑kanawato‑bone mai one toha, mai one‑ya mai na‑nakitama‑bone mai one toha, mai ihi ki‑kita‑bone mai one toha, ai one‑ya mai ka‑kasoma‑bone mai one toha, mai one‑ya mai yo‑yofikana‑bone mai one toha, mai one ati‑ya mai hi‑hiyara‑bone mai one toha naboneni.

Korito daidi 16:12

I‑di Aboro haa·ona, i‑di Timoti mai eyehe dai tabaro‑ya tokebona, hibayata dai tabaro‑ya ati toki nofare, makobote hika yama nafi hawa tohiya, tokawahebona ati nene.

Korito daidi 3:10

Deoso owa‑ya kasome ene Deoso‑ka yobe dai tohawaha, Yeso Kirisito dai‑ka yobe tati mese ewene tohawahene. Yeso abe, ai manakone‑ya nanahabe, kitame tamine dai‑ya okaminamaroni. Yobe wamani‑ya mai wata, mai ihi‑nima owa ene na. Mai‑ka yobe‑bona tati mese ewene hodone‑ya mai nakowe, yobe tati mese ewene kite‑ya mai nawaa, yobe tati mese ewene‑bona‑ya mai ibariteni. Fara mai ihi‑nima owa ene na, Kirisito tamine dai‑ya okamina, dai‑ya okanawata ene Yeso Kirisito dai‑ka yobe tati mese ewene tohawahene. Owa nowati‑ya dai‑ya mai kanawata, dai‑ka yobe‑ya mai aniniya, mai noki wadiyahi, mai ihi amosabonehe.

Korito daidi 3:22

Owa, i‑di Aboro, i‑di Bedoro, oda na, dai‑ka oda amani. Deoso ene yama nafi dai‑ya kasomaboneni. Dai hasiniya, Deoso dai‑ya kasoma, dai abiya, dai‑ya kasoma neya, dai kasomi‑ya fawaterebonane.

Korito daidi 3:7

Deoso ati okamini bahe, ati‑ya i‑di Aboro kaminamakitase, oda ene dai tohara, oda‑ya dai nokotoniriyahi. Deoso‑ta dai nokotonibisahi.

Korito daidi 9:17

Deoso ati kamini‑ya owati nofa, ati okamine, owa manakone wadaboneni. Deoso ati kamini onofara‑mani, oka Hidi ati ene kaminanasa oneni.

Korito yoto‑ke 11:23

Yeso Kirisito mai‑ya yosemona mai ati na, owa‑ya yoseharimarine. Ka‑kana mai ati‑nima owati namatasaboneni. Mai ihi‑ya owa ene fiyakana, owa‑ya mai bisini fiyakana, owa‑ya mai kosini fiyakana, owa‑ya kadeya‑ya mai nafoyi fiyakana, owa abi yanatoni fiyakana nineni.

Korito yoto‑ke 3:3

Yeso Kirisito‑ka yama hani dai amani. Oda‑ka yama hani dai tohaharina, oda‑ka yama hani bebeo‑ya awirihi, yati‑ya awirihi na, dai atibodi‑ya Deoso‑ka Doni oda‑ka yama hani‑ya kanahano, Yeso ati‑ya kanahano ne, fara dai atibodi ati‑nima dai ene na, dai ene‑ya mai kadikaboneni.

Korito yoto‑ke 3:6

Deoso ati‑ya i‑di Mose kanahanomata, ati nafi ai tokadabara, ai manakone wadateni. Ai manakone abara‑mani, ai aba neni. Deoso oda‑ya yose, ai manakone‑ya Yeso nanahabe tamine dai‑ya oda kaminaboneni. Ati ai nofe, ai manakone wadamarabone, Deoso‑ka Doni ai‑ya sawi, Deoso‑ka Doni ene Deoso‑ka ai toha ai wata, Deoso tabaro‑ya ai winaboneni.

Korito yoto‑ke 4:1

Deoso ati oda kaminebona ati ne. Ati oda kamine, oda habo siitora, oda ati fawaterani.

Korito yoto‑ke 4:5

Oda tamine‑ya oda kaminara. Yeso Kirisito ai‑ka Hidi ati oda kaminabise, Yeso ene dai‑ka yo‑yose oda toha, Yeso ati dai nofahi.

Korito yoto‑ke 4:7

Atabo‑ya Deoso ai‑ya wamanemata, ai kitara, Deoso kitabote ai‑ya sawi, ati yokana ai kamine, ai ene kitara, Deoso‑ta ene kitabote tohe‑ya mai watowahaboneni.

Korito yoto‑ke 5:18

Hibati‑ya Deoso ai nofara, ai ene amosara, ai ene ai ababone Deoso ati ne, ai‑ya nofe, ai abarabone, Yeso‑ya yose, ai manakone‑ya Yeso nanahabe, ai‑ya Deoso ati somawame tamine mai dami himitebona, oda‑ya yosemarine.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Korito yoto‑ke 6:4

Deoso‑ka oda toha Deoso ati yokana oda kamine‑ya mai watabone, oda ene amosateni. Oda‑ka yamata wadara, oda ati yawara. Oda‑ya mai bisina, mai oda weera. Oda atibodi koma, oda ati yawa kanibote ra. Oda ene amosa‑ya mai awa, Deoso‑ka oda toha, Deoso ati yokana oda kamine oda‑ya mai wataboneni.

Efesiyo 3:7

Deoso kitabote owa‑ya yose, owa‑ya kasome ene Yeso Ati Amosabote okaminateni.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.

Koroso 1:25

Deoso owa‑ya yose, “Oka mai‑ya tihiyarahi. Mai tabori dami‑ya owa tamine nafi mai‑ya tihiyarahi. Mai‑ya tikasomahi.” Ati nemarine.

Timoti daidi 1:12

Yeso Kirisito ati ene Deoso tamine‑ya ohiyarineni. Ai‑ka ayo Yeso kitabote tohe, owa‑ya nakitame, owa‑ya kadike, “Deoso Ati Amosabote tihiyariyahi.” Ati ne. Ati ene ya‑yai·onamaroni.

Bedoro daidi 4:10

Mai one‑ya dai kasomabone, yama wa‑wato Deoso dai‑ya daatene. Deoso dai‑ya kasomi‑nima dai one‑ya dai kasomaharihi.