Korito daidi 3:18 - Deoso-ka Yama Hani

¹⁸ Deoso ati‑ya mai nofara dai tamine‑ya mai hiyariya, yama‑ya dai watamone mai ati na, mai ati dai nofariyahi. Mai ati dai nofa‑mani, hini dai‑ya dai keyehe neni. Ka‑kana dai‑mone mai ati na, fara yama dai wato ba‑basi na awineni.

Korito daidi 3:18 ပူးပေါင်းရင်းမြစ်များ

Mateo 13:22

Atiwa mete‑ya yamata noki sona, fara Deoso ati‑ya mai mita, makobote yamataha, bora, yinero na‑ya mai nokotonihe, Deoso ati‑ya mai nokotonimara, yamata atiwa‑ya daba, bonora‑nima mai na, mai ihi amosa‑ba wadarani.

Mateo 18:4

‘Mai‑ka hidi ama·ora, mai‑ka yo‑yose ama·obisineni.’ Madehe ati teni. Fara madehe‑nima dai niya, ‘Mai‑ka yo‑yose ama·oni.’ Dai ati nibisa, Neme‑ke ai nafi‑ka hidi kitabote tohawahebona‑ya dai sawebone, hidi kiti ba‑basi ne dai tohawahaboneni.

Maroko 10:15

Owati amosa dai mitahi. Madehe owati‑ya nofa, fara‑nima mai ni awiriya, Deoso ai nafi‑ka hidi kitabote tohawahe‑ya mai sawiraboneni.” Yeso ati nemarine.

Roka 18:17

Owati amosa dai mitahi. Madehe owati‑ya nofa, fara‑nima mai ni awiriya, Deoso ai nafi‑ka hidi kitabote tohawahe‑ya mai sawiraboneni.” Yeso ati nematane.

Roka 21:8

“Dai noko wadahi. Dai‑ya mai keyeheriyahi. ‘Deoso‑ka Ka‑kadika ama·oni. Yama yana kanibote naboneni.’ Mai dama mai ati naboneni. Mai ati dai tokadabariyahi.

Homa 11:25

“Yodeo mai ati kasira oda‑ta oda amosabisineni.” Dai ati riyahi. Yama‑ya mai watoramete yama dai watowahi. Hibayata Isara·eo‑ka mai one atibodi kita, Deoso ati‑ya mai nofara, Bara dai one‑ya Deoso kadikemata, ati dai nafi hinofeya, yama hawa tohawahaboneni.

Homa 12:16

Hini dai‑ka yama‑bone‑ya dai nokotini ohaririyahi. Dai atibodi fara hinama tohahi. Dai one‑ka yama‑bone dai nokotoniharihi. Yama‑ya mai kihara mai‑ya tisawiyahi. Tiwa‑ta tinofabisa tiriyahi.

Korito daidi 15:33

Dai noko wadahi. Mai ihi amosara mai‑ya dai daba, dai ene amosaraboneni.

Korito daidi 3:17

Deoso‑ka yobe‑ya mai towe tonihe, Deoso mai‑ya nanahabebonane. Deoso sawi‑ke yobe amosabote tohe, fare yobe dai amani.

Korito daidi 4:10

Kirisito ene yama dai watamone dai ati na, Kirisito ati oda kamina, ka‑kana oda namone mai ati teni. Dai kitamone dai ati na, oda‑ta oda kitaramone mai ati teni. Dai‑ya mai kahiyara, oda‑ta oda‑ya mai kakobisineni.

Korito daidi 6:9

Mai ihi amosara dai‑ya keyehe‑ya mai hirikariyahi. Mai fanawi one‑ya mai aha, mai one‑ka yibote mai‑ya mai aha, maki hini hinama mai ibi aha, mai fanawi hini hinama ibi nokotonihi na, deoso bare‑ya mai kahiyara, Deoso tabaro‑ya mai winateraboneni.

Karatiya 6:3

Dai‑ta dai amosabisa‑mone dai ati na, dai‑ya dai keyehe, dai amosabisarani.

Karatiya 6:7

Dai‑ya keyehe‑ya dai hirikariyahi. Yamata ai kama, yana hini hini‑nima namatasateni. Fara‑nima hini ai ene‑nima ai manakone naboneni. Deoso‑ya keyehe‑ya ai hirina, ai ati‑ya Deoso nofaterebonane. Ai ene amosa, ai manakone amosabisaboneni. Ai ene amosara, ai manakone amosaraboneni.

Efesiyo 5:6

Dai‑ya keyehe‑ya mai hirikariyahi. Mai ati honita tohateni. Deoso ati‑ya mai tokadabara. Mai ihi towe toha, mai ihi Deoso yawebona, mai manakone‑ya daanebonane.

Timoti yoto‑ke 3:13

Mai ihi towe toha, mai ihi towe ba‑basi naboneni. Mai one‑ya mai keyeheneni. Mai one mai hikayeheriya, mai ati‑ya mai nofahareboneni.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Tiyako 1:22

Deoso ati dai mite, ati dai tokadabaho. Ati dai mite, ati dai tokadabare, dai atibodi bote dai‑ya keyeheboneni.

Tiyako 1:26

Deoso ati tinofamone tina, tiwati tinawadi amosara, keyehe‑ya hiritineni. Deoso ati tinofamone tina, tiwatibodi ati tohara, tiwati honita tohani.

Yowaho daidi 1:8

“Owa ene amosa hinama amani.” Mai ati na, keyehe‑ya mai hiriteni. Ai ene amosa hinama tohaterani.