Korito daidi 2:8 - Deoso-ka Yama Hani

⁸ Yeso Deoso Bidi tohe tamine‑ya ai‑ka hidi mai one watora, mai baahikanematane. Tamine mai hiwato‑mana, ai‑ka Hidi amosabote mai baahikare namatane.

Korito daidi 2:8 ပူးပေါင်းရင်းမြစ်များ

Mateo 11:25

Yeso Badi‑ya hiyare, “Abi Deoso, bofe‑ka hidi tiha, neme‑ka hidi tiha, yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na tiwa ene‑ya mai watobisineni. Tiwa ene ya‑yai·oneni.

Mateo 13:22

Atiwa mete‑ya yamata noki sona, fara Deoso ati‑ya mai mita, makobote yamataha, bora, yinero na‑ya mai nokotonihe, Deoso ati‑ya mai nokotonimara, yamata atiwa‑ya daba, bonora‑nima mai na, mai ihi amosa‑ba wadarani.

Roka 23:34

“Abi Deoso, yama‑ya mai watorini. Mai‑ya weetiriyahi. Mai‑ya tiwati somahi.” Yeso ati nematane. Yeso borone‑ya sodado mai‑ka owa kayafebona, yati bide‑ya mai werenameteni.

Yowaho 16:3

Okobi‑ya mai watora, owa‑ya mai watoharira, oda‑ya mai watora ihi dai‑ya mai kakaboneni.

Yowaho 7:48

Mai‑ka hidi oda toha, Yeso ati‑ya oda one nofaterani.

Yowaho 8:19

“Ebeni‑kaya abi sawiti?” Mai ati na, “Owa‑ya dai watora, Okobi‑ya dai watoharirani. Owa‑ya dai wata‑mani, Okobi dai watohare neni.” Yeso ati nemarine.

Yeso‑ka yo‑yose mai tamine 13:27

Deoso ati‑ya mai mi‑mita yama hani mai hikanahanamete‑ya Sabado‑ya mai kadikateni. Yerosare‑ya mai wi‑wina mai‑ka hidi mai toha na, yama‑ya mai kadika, yama hani ati‑ya mai watoramaro, yama hani ati‑nima Deoso‑ka Ka‑kadika‑ya mai nanahaba,

Yeso‑ka yo‑yose mai tamine 7:2

Tefaho mai‑ya hiyare, “Okoyo dai toha, okobi dai toha na, owati dai mitahi. Hibati‑ya ai nafi‑ka idi i‑di Abaraho Mesobotamiya‑ya wine, Hara‑ya toki awisareya, Deoso amosabote ati‑ya mitematane.

Korito daidi 1:20

Yama‑ya mai wa‑wato‑mone mai toha, Mose‑ka yama hani ati‑ya mai ka‑kamina mai toha, mai ibi ati wa‑wara mai toha na, Deoso ati‑ya mai nofara Deoso ene ka‑kana mai‑nima mai nawahani.

Korito daidi 2:6

Deoso ati‑ya mai no‑nofa ai hawa toha‑nima mai na, oda ati‑ya mai mita, yama‑ya mai wato ba‑basi naboneni. Yama nafi‑ya mai watamone mai ati na, mai ati‑nima oda ati ni awirini. Yama nafi‑ya mai watamone mai ati na, mai ati fawanaboneni. Deoso ati oda kamine, ati fawaterebonane.

Korito yoto‑ke 3:14

Deoso ati‑ya Mose kamine, noko‑ya barikanematane, noko mai hiawi nafirebonaha. Mose noko‑ya barikanemata‑nima mai na, mai atibodi‑ya mai bari kiteni, yama‑ya mai watorabonehe. Deoso ati i‑di Mose hikanahanomata‑ya hibayata mai kadika, mai atibodi barikana‑nima mai na, yama‑ya mai wato i‑isi nineni. Yeso Kirisito ati‑ya mai no‑nofa mai atibodi barikani fawana, yama‑ya mai watowahani.

Efesiyo 1:17

“Abi Deoso, Yeso Kirisito‑ka Abi amosabote amatini. Yeso Kirisito‑ka Deoso amatini. Efesiyo‑ya mai wi‑wina mai‑ya tika Doni sawiyaho, tiwa‑ya mai wato ba‑basi nabonehe. Tiwa tamine‑ya mai tikanawatohi.” Oteni.

Efesiyo 4:18

Yama‑ya mai atibodi wato nofara, yama‑ya mai watora, mai atibodi kita ihi Deoso hawine toki‑ya mai nofara, Deoso tabaro‑ya mai koboni awiraboneni.

Timoti daidi 1:13

Hibati‑ya Yeso ati onofara, Yeso tamine‑ya keyehe‑ya hiri·ona, Yeso ati‑ya mai no‑nofa mai‑ya bisi·ona, yama owatora, Deoso owa‑ya ati somawamemarine.

Tiyako 2:1

Oka soho dai toha, ai‑ka Hidi i‑di Yeso Kirisito amosabote ati‑ya dai no‑nofa, owati dai mitahi. Mai mese dai kadikariyahi. Yeso mai nafi‑ya nofi‑nima mai dai nofaharihi.