Korito daidi 2:6 - Deoso-ka Yama Hani

⁶ Deoso ati‑ya mai no‑nofa ai hawa toha‑nima mai na, oda ati‑ya mai mita, yama‑ya mai wato ba‑basi naboneni. Yama nafi‑ya mai watamone mai ati na, mai ati‑nima oda ati ni awirini. Yama nafi‑ya mai watamone mai ati na, mai ati fawanaboneni. Deoso ati oda kamine, ati fawaterebonane.

Korito daidi 2:6 ပူးပေါင်းရင်းမြစ်များ

Mateo 13:22

Atiwa mete‑ya yamata noki sona, fara Deoso ati‑ya mai mita, makobote yamataha, bora, yinero na‑ya mai nokotonihe, Deoso ati‑ya mai nokotonimara, yamata atiwa‑ya daba, bonora‑nima mai na, mai ihi amosa‑ba wadarani.

Mateo 19:21

“Tiwa ene amosa hinama tohabone tina, tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nemarine.

Mateo 5:48

Tiwa ene amosa hinama tohahi. Ai‑ka Abi neme‑ke ene amose hinama tohatene. Ai‑ka Abi ene‑nima dai ene nahi.” Yeso ati nemarine.

Roka 16:8

Ene towe tamine‑ya hidi mite, ati yanane, ‘Oka yinero‑ya na‑nawada‑mari yama‑ya watone.’ Hidi ati nane. Deoso ati‑ya mai tokadabara mai‑ka owa atibodi ati‑ya mai watoteni. Deoso ati‑ya mai tokadabamone Deoso atibodi ati‑ya mai wato bi‑bidi nineni.

Korito daidi 1:28

Hibayata mai mai hinofara Deoso mai hikadika, mai amosawahaboneni. Hibayata mai mai hinofabisa mai fawanaboneni. Towe mai‑mone mai one ati na, Deoso mai hikadika, mai amosawahaboneni. Mai amosa‑mone mai one mai hina, mai amosi fawanaboneni.

Korito daidi 12:8

Deoso‑ka Doni ene dai owa Deoso ati‑ya wato ba‑basi ne, dai owa Deoso ati kanawato‑ya wato tene.

Korito daidi 14:20

Soho, madehe i‑isi na yama towe‑ya mai atibodi kadikaterani. Mai‑nima yama towe‑ya dai kadikariyahi. Madehe yama‑ya watora, mai‑nima dai riyahi. Ai hawa toha, yama‑ya wato‑nima yama dai watobisahi.

Korito daidi 2:1

Hibati‑ya dai tabaro‑ya kobo·ona, Deoso ati‑ya dai‑ya ohiyara, yama nafi‑ya mai wa‑wato mai ati‑nima owati ni awiramaroni. Hini oka mai‑ya ohiyara owati‑nima dai‑ya ohiyara, owati namaroni.

Korito daidi 2:13

Deoso‑ka Doni ai‑ya kanawato‑nima mai one‑ya ai kanawata, yama‑ya mai wa‑wato mai ati‑nima ai ati terani. Deoso ati dai no‑nofa Deoso ati dai‑ya oda kamine, Deoso‑ka Doni ene dai watowahaboneni.

Korito daidi 2:8

Yeso Deoso Bidi tohe tamine‑ya ai‑ka hidi mai one watora, mai baahikanematane. Tamine mai hiwato‑mana, ai‑ka Hidi amosabote mai baahikare namatane.

Korito daidi 3:1

Soho, ai hawa toha‑nima dai ra, madehe borehe‑nima dai na, Deoso ati dai wato nafirani.

Korito yoto‑ke 1:12

Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.

Korito yoto‑ke 13:11

Feye amani. Deoso ati‑ya dai tokadabi ohare, oka yama hani dai kadika, ati‑nima dai nahi. Dai one ati dai mita, fara dai atibodi ati kafamiya, dai ibi weeraboneni. I‑di Deoso dai‑ya sawi, dai‑ya nofe, dai atibodi ati‑ya nasomebonane.

Korito yoto‑ke 4:3

Deoso ati‑ya mai nofa oda ati‑ya mai mita, oda ati‑ya mai watoneni. Deoso ati‑ya mai nofara oda ati‑ya mai mita, mai atibodi barikana oda ati‑ya mai watora, mai abiya, madi mai‑ya mai dabawahaboneni.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Efesiyo 2:2

Satanasi ati‑ya mai tokadaba, mai‑nima dai namaroni. Madi mai‑ka hidi i‑di Satanasi amane. Madi mai dama ahiyata‑ya mai wi‑wina, ai atibodi‑ya keyehe‑ya mai hirikiteni. Deoso ati ai one nofara, Satanasi ati‑ya mai tokadabateni.

Koroso 1:28

Mai dami‑ya Yeso Kirisito tamine oda hiyara, Deoso oda kasome, mai oda kanawata, Kirisito kameya, “Ayo Yeso, mai tiawahi. Tiwati mai nofa, tiwati‑nima mai namaroni.” Oda ati naboneni. Kirisito ati nafi oda kamine, ati‑nima dai naboneni.

Koroso 4:12

Dai‑ka owa i‑di Ebafarasi tohe, Ebafarasi‑ya Yeso Kirisito kadikemari, Yeso ati‑ya kaminebonaha. Dai‑ya Ebafarasi ati foya, dai tamine‑ya hiyaratene, Deoso‑ya. “Deoso, Koroso‑ya mai wi‑wina mai tikasomahi, tiwati‑ya mai nofi nafebonehe. Tiwati mai nofiya, tiwati‑ya mai tokadababoneni.” Ebafarasi ati tene.

Ebereo 5:14

Bani kite‑ya dai kaba, ai hawa toha‑nima dai na, yama amosa dai wato, yama towe dai wato dai nineni.

Ebereo 6:1

Yeso ai manakone‑ya nanahabematane, ai abarabonehe. Tamine dai wato, ai ene amosaramaro, ai ene‑maro‑nima ai ene namarabone tamine dai wato neni. Hibayata ai webote‑nima dai na, Deoso ati nafi dai kadikeya, ati dai tokadabaho.

Tiyako 3:15

Haa‑nima Deoso ene terene. Haa‑nima Satanasi ati‑ya mai no‑nofa mai ihi teni.

Tiyako 3:2

Deoso hawine‑ya ai yakana, ai dama ai taratokani dama, ai ati ene ai taratokani awira‑mani, ai ene amosa hinama toha neni.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.