Korito daidi 2:4 - Deoso-ka Yama Hani

⁴ Deoso ati dai‑ya ohiyara, owati amosi nafira, “Baoro yama nafi‑ya watone.” Dai ati ramaroni. Owati‑ya dai mita, “Se! Deoso‑ka Doni kitabote i‑di Baoro‑ya sawine.” Dai ati nibisamaroni.

Korito daidi 2:4 ပူးပေါင်းရင်းမြစ်များ

Yeso‑ka yo‑yose mai tamine 20:27

Deoso tamine nafi‑ya dai‑ya ohiyara, owati fawaterani.

Yeso‑ka yo‑yose mai tamine 26:28

Akiriba ati yanane, “Baoro, tiwati fa‑famaraba niya, Yeso ati onofabone tina awineni.” Ati nemonane.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 15:19

Yeso Kirisito owa‑ya kasome, Deoso‑ka Doni ene owa ene kita‑ya mai awamaroni. Yerosare‑ya mai wi‑wina, Iririko‑ya mai wi‑wina, hawi bai‑ya mai wi‑wina, mai na, owa ene‑ya mai awa, owati‑ya mai mita, mai namaroni. Deoso ati‑nima owa ene na, Yeso Kirisito ati‑ya mai dami mitamaroni.

Homa 16:18

Dai‑ya mai ebekanabone, ai‑ka hidi i‑di Yeso Kirisito mai hiyosera, hiniya mai dai kahiyarabone mai ati amani. Mai ati amosaya, dai‑ya keyehe‑ya mai hirikana, mai ati amosa ihi yama‑ya mai wato bi‑bidi na, mai ati mai hinofateni.

Korito daidi 1:17

Kirisito owa‑ya yose, “Mai habatinirisahi.” Ati ni awiremarine. “Owati Amosabote mai‑ya tihiyarabisahi. Awa‑ya owaana, o·aba, mai manakone onahabamaro, owati‑ya mai nofiya, mai abamaraboneni. Deoso tabaro‑ya mai wini ohareboneni.” Ati nemarine. Yama‑ya mai wa‑wato mai ati‑nima ora, hiniya ai ibi hiyara‑nima oteni. Awa‑ya Kirisito waanemata ene kitabote tohe‑ya mai awaboneni.

Korito daidi 2:1

Hibati‑ya dai tabaro‑ya kobo·ona, Deoso ati‑ya dai‑ya ohiyara, yama nafi‑ya mai wa‑wato mai ati‑nima owati ni awiramaroni. Hini oka mai‑ya ohiyara owati‑nima dai‑ya ohiyara, owati namaroni.

Korito daidi 2:13

Deoso‑ka Doni ai‑ya kanawato‑nima mai one‑ya ai kanawata, yama‑ya mai wa‑wato mai ati‑nima ai ati terani. Deoso ati dai no‑nofa Deoso ati dai‑ya oda kamine, Deoso‑ka Doni ene dai watowahaboneni.

Korito daidi 4:20

Deoso ai‑ka hidi toheya, ai‑ya ai ati natamini awirani. Ai ene kitateni. Deoso ene ai kita,

Korito yoto‑ke 6:6

Oda ene amosa dai awa, Deoso ene yama oda wata, oda yawa kanibote ra, oda‑ya mai kaka mai oda kasomabisa, Deoso‑ka Doni oda‑ya sawi, dai‑ya oda nofi nafineni. Deoso ati yokana oda kamina, oda‑ya dai watowahaboneni.

Karatiya 1:10

“Mai ya‑yai·onihebone, owati amani.” Dai ati na awineni. Deoso‑ta ya‑yai·onira‑mani, mai ya‑yai·onibisa‑mani, Yeso Kirisito‑ka yo‑yose ohara neni. Yeso Kirisito‑ka yo‑yose oha, Deoso‑ta ya‑yai·oniteni.

Koroso 2:4

Dai‑ya ohiyara onani, dai‑ya keyehe‑ya mai hirikarabonehe. Keyehe‑ya mai hirina, mai ati amosa‑mone mai ati na, mai ati dai nofaraboneni.

Tesaronika daidi 1:5

Dai‑ya oda hiyara oda ati tohi awiramaroni. Deoso Ati Amosabote ati oda hiyarabisamaroni. Deoso‑ka Doni ene kite dai awemarine. Deoso ati‑nima oda na, keyehe‑ya oda hiriterani. Oda ene‑ya dai awamaro, dai‑ya oda nofi nafe, oda dai watoneni.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Bedoro yoto‑ke 1:16

“Yeso Kirisito kitabote tohe, kamatasebonane.” Oda ati namaroni. Hibati‑ka mai ati oda kaminara, ene kitabote, amosabote ne, oda awemari tamine oda kaminamaroni.

Bedoro yoto‑ke 2:18

“Oda‑nima dai nahi! Mai fanawi oda nokotonihe, Deoso oda‑ya kayafebonane.” Mai ati nineni, keyehe‑ya mai hirinaro. Deoso ati‑ya mai tokadabawahabone mai ati na, mai one‑ka keyehe‑ya mai tokadabamatasa, Deoso ati‑ya mai nofamara, mai fanawi‑ya mai nokotonimatasineni.