Korito daidi 2:13 - Deoso-ka Yama Hani

¹³ Deoso‑ka Doni ai‑ya kanawato‑nima mai one‑ya ai kanawata, yama‑ya mai wa‑wato mai ati‑nima ai ati terani. Deoso ati dai no‑nofa Deoso ati dai‑ya oda kamine, Deoso‑ka Doni ene dai watowahaboneni.

Korito daidi 2:13 ပူးပေါင်းရင်းမြစ်များ

Roka 12:12

Dai hiyariya, Deoso‑ka Doni dai‑ya kanawatobonane, ati dai kaminebonaha.” Yeso ati nematane.

Yeso‑ka yo‑yose mai tamine 2:4

Deoso‑ka Doni mai atibodi‑ya sawiwahe, hibati‑ya mai one ati‑ya mai watora, Deoso‑ka Doni ene mai one ati‑ya mai hiyarawahamoneni.

Korito daidi 1:17

Kirisito owa‑ya yose, “Mai habatinirisahi.” Ati ni awiremarine. “Owati Amosabote mai‑ya tihiyarabisahi. Awa‑ya owaana, o·aba, mai manakone onahabamaro, owati‑ya mai nofiya, mai abamaraboneni. Deoso tabaro‑ya mai wini ohareboneni.” Ati nemarine. Yama‑ya mai wa‑wato mai ati‑nima ora, hiniya ai ibi hiyara‑nima oteni. Awa‑ya Kirisito waanemata ene kitabote tohe‑ya mai awaboneni.

Korito daidi 14:2

Mai one ati‑ya dai hiyara, mai ati‑ya dai watora, dai ati‑ya mai mita mai hiwatora, hini dai atibodi ati toha, dai atibodi ati‑ya Deoso watobisebonane.

Korito daidi 2:1

Hibati‑ya dai tabaro‑ya kobo·ona, Deoso ati‑ya dai‑ya ohiyara, yama nafi‑ya mai wa‑wato mai ati‑nima owati ni awiramaroni. Hini oka mai‑ya ohiyara owati‑nima dai‑ya ohiyara, owati namaroni.

Korito daidi 2:14

Deoso‑ka Doni mai‑ya sawire, Deoso ati‑ya mai watora, “Deoso ati honita tohabisane.” Mai ati teni. Deoso ati‑ya Deoso‑ka Doni mai‑ya kanawato awireya, Deoso ati‑ya mai watoteraboneni.

Korito daidi 2:4

Deoso ati dai‑ya ohiyara, owati amosi nafira, “Baoro yama nafi‑ya watone.” Dai ati ramaroni. Owati‑ya dai mita, “Se! Deoso‑ka Doni kitabote i‑di Baoro‑ya sawine.” Dai ati nibisamaroni.

Korito daidi 9:11

Deoso ati‑ya dai‑ya oda hiyara, dai‑ka yamata bide oda haana‑mani, sibakari nehe? Hehe, sibaraneni.

Efesiyo 5:19

Deoso‑ka Doni ene dai ya‑yaina, dai yorotokana, dai wayoma, Deoso tene‑ya dai yowiri, dai na, dai‑ka wayoma, dai‑ka yowiri na‑ya dai atibodi kadika, dai atibodi‑ya Deoso‑ya dai kahiyara na, dai‑ka Hidi i‑di Yeso dai atibodi ati‑ya miteya, ya‑yainebonane.

Koroso 3:16

Kirisito ati dai kadiki nafiyahi. Dai‑ka mai‑ya ati nafi dai kanawatohi. Mai ihi amosabone, mai‑ya dai kamina, Deoso‑ka wayoma dai hirina, dai ya‑yaina, Deoso‑ya dai kahiyarahi.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Bedoro yoto‑ke 1:16

“Yeso Kirisito kitabote tohe, kamatasebonane.” Oda ati namaroni. Hibati‑ka mai ati oda kaminara, ene kitabote, amosabote ne, oda awemari tamine oda kaminamaroni.