Korito daidi 16:6 - Deoso-ka Yama Hani

⁶ Dai tabaro‑ya owiniya, owa amoni ba‑basi naba awineni. Abariko fama abariko ohari ne‑ya dai tabaro‑ya owinaba awineni. Makobote mai tabori one‑kaya owa‑ya dai yoseba awineni.

Korito daidi 16:6 ပူးပေါင်းရင်းမြစ်များ

Yeso‑ka yo‑yose mai tamine 15:3

Mai mai hiyose, Fenisiya‑ya mai fiyakana, Samariya‑ya mai fiyakana, mai na, hini mai yakaniya, Bara mai tamine‑ya mai hiyara, “Yeso ati‑ya Bara mai nofawahineni.” Mai ati na, Yeso ati‑ya mai no‑nofa Baoro mai ati‑ya mai mita, mai ya‑yainamoneni.

Yeso‑ka yo‑yose mai tamine 17:15

Bereya‑ka mai one Baoro‑ya sawe, Atena‑kaya mai towaka, Atena‑ya mai kobona, Baoro‑ta towitakose, mai winikanamabone, mai‑ya Baoro hiyare, “Dai kobotokanamiya, i‑di Sira, Timoti mai fama, mai dai yosemiya, mai kakama kanibote niyahi.” Baoro ati nemonane.

Yeso‑ka yo‑yose mai tamine 20:38

“Owa‑ya dai awamateraboneni.” Baoro ati ne, ati ene mai atibodi koma, maboro‑ya foyebona, tokeya, mai tokomakineni, fai foyi‑ya mai awabonehe.

Yeso‑ka yo‑yose mai tamine 21:5

Oda yananama, faha widi‑ya oda tokoma, oda‑ya mai sawineni. Mai makidi, mai fanawi, madehe na, faha widi‑ya oda kobona, Deoso oda hiyarabone, oda yobati‑kaya oda naha, Deoso oda hiyaramatasineni.

Yeso‑ka yo‑yose mai tamine 27:12

Mai dama mai hiyara, “Yama siri yanatona, abariko 4 tohamakiya, siriri fawanaboneni. Boho Boto‑ka faha kabane amosara‑ya ai winaraboneni. Kereta‑ka faha kabane one oni Fenisi toha, Fara‑ya ai tokabisiya, Fenisi‑ka faha kabane‑ya ai winiya, amosaboneni. Fenisi‑ka faha kabane‑ka adami dori kowe ihi wini amosateni.” Mai ati namaroni.

Yeso‑ka yo‑yose mai tamine 28:11

Maota‑ya oda wina abariko 3 tohe, makobote maboro owa‑ya oda foyawaha, Aresadiriya‑ka maboro owa Maota‑ya ite, yama siriri fawanabone‑ya mai nimana, maboro oni ‘deoso wadi famane’, deoso oni Kasito owa toha, Borosi owa toha nane.

Homa 15:24

Esibaniya‑ya okabone, dai tabaro‑ya kobo·oniya, dai‑ya ohiyaraboneni. Ai ibi hiyaranadiya, Esibaniya‑ya okabone, owa dai kasomaba awineni.

Korito daidi 16:11

Owa‑nima i‑di Timoti ne, dai ati yasiriyahi. Dai tabaro‑ya koboneya, dai kasomayaho. I‑di Timoti mai eyehe owa‑ya dai yosema kanibote nayaho. I‑di Timoti mai‑nima onaboneni.

Korito yoto‑ke 1:16

Masedoni‑ya okiya, dai tabaro‑ya maa·onakosamabone owatibodi ati na, dai‑ya owati wee nofara, dai tabaro‑ya oki awiramaroni. Makobote yana·oniya, dai tabaro‑ya okabone, kobo·oniya, Yodeya‑ya okomakebone ona, owa dai kasomaba awineni.

Tito 3:12

Makobote dai tabaro‑ya mai oyoseba awineni. I‑di Atima toha, i‑di Tikiko toha neba awane. Tiwa‑ya koboneya, Nikoborisi‑ya tikama kanibote tiyahi. Nikoborisi‑ya owinaboneni, yama siririya.